(( حبيبتي )) !
كلمة ما تكفي ..
.. أنا يا ليت أقدر أقول أكثر
أنا لو قلت :
(( كلي لك )) ..
.. أحس إن الغلا أكبر !
عذري عن التقصير ..
عجزي عن التعبير ..
يا زينة الدنيا .. يا منتهى التفكير !
إذا غابت نجوم الليل ..
.. على عيوني سنا فجرك
وإليا مني كتبت الشعر ..
.. قصيدي كله من بحرك
يا سر إلهامي ..
يا فرحة أيامي..
أباهي بحبك .. يا ذروة أحلامي !
عرفت الشوق ، من غيابك
.. ومعنى الذوق في عتابك
وكل اللطف ، من لطفك ..
.. وأصل العطف ، من عطفك
عرفت إني سعيد الحظ ..
.. يوم إن الكريم .. جابك !