مات الجمر وقلوب الاحباب حيه
والموت لا ماتت قلوب الحبايب
الجمر ينشب مرة ثانية
لكن القلوب شلي يحيها مرة ثانية
ياشيشتي لوفيج ذنب وخطية
معاج احس اني على الناس غايب
العام كانولي من الاصحاب ميه
وقت الرخى لكن جفوا بالنوايب
لاهنت ياقلب شكى من خويه
كم راس من طعنات الاصحاب شايب
مرات اقول ان الخبل ياهنيه
ولقيتهم يشكون ظلم القرايب
ومرات اقول النذل يارحم حية
ولقيت ان النذل في بعض الاوقات صايب
يانفس شيليها على السامريه
شيل الطرب ماعاد فيها طلايب
وش لي في تنبيه القلوب العميه
وحنا بهل الدنيا دروب وركايب
ابتغزل في ذيك البنيه
بنتن تفل القلب فل الذوايب
كم بعثرتني وجمعتني هنيه
بنفس المكان اللي جمعنا غرايب
ياضعفها معهم وعندي قويه
منها غدى ثلثين قلبي خرايب
مرباعها بين العيون الشقيه
ومقيضها بين الجروح العطايب
ما اقول يذبح زينها بس هي تلفتلها
قلب عن الحب تايب
ولا اقول مغرورة ولا هي خليه
فيها دلع طفل تبناة شايب
جمال نجد و فتنتن شماليه
وش جمع الثنتين فيها عجايب
الي اقبلت بين حسنات وسيه
ياكثر ذنبي بين طيب وغصايب
ولي ادبرت في دمعتينن نديه
قلب معاها وقلب في الصدر ذايب
راح العمر بين روحه وجيه
ياكثر غلطاتي ولانيب هايب
شب الجمر مادام الاشواق حية
وطف العتب والعمر ضحك ومصايب