ودي اصد وصدتي كي بالنار
صحيح تشفى بس يبقى اثرها
سنين من عمري بقاضيه بالثار
ابسط حقوقي دمع عيني نثرها
ان كان تبغى الصدق ماني بمحتار
وماني بناسي يوم عيني سهرها
الحمد لله حافظ اسرار واسرار
اقطع لساني كان يوم ذكرها
حبك بطوله من افلام كومار
اموت واحيا واحترق في بحرها
صحيح نعشق مالنا ذنب نختار
المضغه اللي في خفوقي قدرها
نعشق بدون اسباب او سابق انذار
وتهل دمع العين مزنن همرها
يابنت لاتحسبين الوقت مقدار
عمر الوفاء ماقاس بذر بذرها
لاتلعبي بالنار يابنت الاحرار
حنا ندوس النار ونخفي اثرها