قصيدهـ لشاعر مجهول عرف حبيبته من مشيتها في مكان عام ..!!
بعد 8 سنين فراق يقول :



شفتها يا سعود صدفه بعد ما غابت سنين
عند قسم المختبر وسط مشفى الجامعه

جيتها ثم قلت ممكن في سؤالي تسمحين
ناظرت فيني بدهشه نظره متواضعه

قالت انت تحسبني من بنات صايعين*
تحسبني في زماني عن طريقي ضايعه

قلت أنا ما راح أطول كل أبوها كلمتين
وأبعدت عني شويه ثم جتني راجعه

قالت آسئل واضح أنك من رجال طيبين
بس هرجك يا السنافي كان وشهو دافعه

قلت أنا حبيت وحده يوم كنا صغيرين*
ومن ثمان سنين راحت للمواصل قاطعه

عقبها ما ذقت نوم يهتنيه النايمين
ساهر طول ليلي لين شمسي طالعه

أذكر آنه فيه حبه فوق ثغره من يمين
وأذكر آنه لا جرينا كن شعرهـ تابعه

وأذكر آنه عاشق الورد والياسمين
وصار قلبي بالورود اللي عشقها زارعه

طابع أسمه بقلبي فيه نون وفيه سين
وفيه ياء وفيه ميم وسط قلبي طابعه

قاطعتني بقولها سبحان رب العالمين
كررتها مرهـ .. ومرتين .... ثمن رابعه

قلت وش فيك وش بلاك يا بنيه ترجفين
ليش عينك يا بنيه من كلامي دامعه

قالت الموقف وقلبي والمحبهـ والحنين
كيف أشوفك بعد ما كنت عنك قانعه

قلت أنا بسالك إن كانك إنتي تذكرين
عن مواثيق ثمنها من حياتي دافعه

قالت ظروف الزمان ما تطيع العاشقين*
بيعوني غصب حبك لو هو ماني بايعه

أنا في دنيأي حالي كنه حال السجين
حتى لو فكو سراحه فيه شيء مانعه

زوجوني غصب واحد وحرموني حاجتين
السعادهـ في زماني والحياهـ الرائعه

والحين أنا أم لثلاثه ريم وياسمين


راااقت لي حيييل