السلامم عليكم ورحمة الله وبركاتهه لقد فقدت روح عزيزه وغاليه على قلبي وكنت اعتبرهه اخوي الي م جابته امي .. وقبل وفاته كنت على طول معه وجلساتنا كلها مع بعض .. وفي احدا الايام قدر الله عليه وصار تحت الارض وانتقل الى رحمة الله وصارت النفسسه بعد وفاته خلاص طابت من كل شي لاني خلاص عرفت ان الانسان اذا تعود على شخص وقدر الله عليه وفقده فقده يعني خلاص م راح يشوفه وقتها يعرف وشلون معنى الفرآآق ...قبل لادري بخبر وفاته كنت نايم وصحيت على صيآح الوالده الله يطول بعمرها وطبعا توفى قبل زواجه باسبوع او سبوعين وكتبت فيه ابيات وحبيت اني انقلها لكم والله يكفينا وياكم صواديف الايام ... اتركم مع الابيات .... مرثية / عادل عبدالحميد الفهيقي
ك / عبدالله فايز الفهيقي
صحاني صوت صراخ بالبيت لابليت
وعرفت بان الموت ماخذ حدينا
ليته حلم بغفوتي يوم غفيت
لاكن طلع واقع مقدر علينا
ياكن قلبي مولعه عود كبريت
تناثر الدمعات لامن بكينا
الدمع باين لو على الناس خفيت
لاحدن يقول اسكت ماهو بدينا
واشيب عيني يوم انا الباب فكيت
واغراض عرسه ماركات الثمينا
وامه تقول بفرحته ماتهنيت
ومن الحلا واللبس متجهزينا
طاحت دموعي فوق خدي وصديت
واصبحت ابدل ضحكتي بالونينا
منساك ياعادل يوم انك تعنيت
يم الجنوب ازريت تبغى تجينا
واليوم ي يوم القدر ويش سويت
تركت لنا شي جعلته دفينا
سبحان ي مفرق عن الحي والميت
تجبر خواطرنا ليا من بكينا
انشهد اني بعد موته تدانيت
واقضي طوال الليل بعده حزينا
حاولت اقوي موقفي بس صديت
يوم(ن) عليه الشاش الابيض طوينا
عيني لقبره يوم انا عنه قفيت
وطرت علي ايامنا والسنينا
كم درب انا وياه ياناس سجيت
لاقلت ضايق قال يالله مشينا
عادل ماغيره في حياتي تمنيت
لاكن على فرقاه ربي يعينا
ازل باسمه يوم لناس ناديت
الله ينزل في ضميري السكينا
وادعيلك الله في صلاتي لاصليت
يقبل دعانا فيه لامن دعينا
الله يوسع مسكنن فيه حليت
وعلى الارائك كلنا متكينا
وامك وابوك وكل من كان حبيت
عسى بجنان الخلد يجمعك فينا
وصلاة ربي عد ماعين بكيت
واعداد نفس(ن) في وفاتك حزينا
....
وسلامتكم .. واعذروني ع الاطاله ...