نفس الصباح وتماماً نفسه الشاهي
اللي موسيقاه ؛ من رشفه ليا رشفه
أعيش حالم شعور فيك متباهي
ياللي كثر ماعرفته! ودي أعرفـه
قرب، تعبت اتخيل طرفك السّاهي
اللي لـ احلامي المتناقضه شرفه
احبك شكثر؟مدري كثر أشباهي
كثر القصيد اللي ابدع فيـه واحترفه
كثر ابتسامات طفل بدنيته لاهي
كثر اختلاف اللقاء لاصار بالصُدفه!
كثر القسا بالفراق: الامر الناهي
كثر الصعوبه بحصر احساسي ووصفه
كثر الطهر فيك يالمُتفرد الباهي
ياللي تمنيت نصفه،واطمع بنصفه
أحبك أحبك... وهالواسعه ماهي:
دنيا مابها ترفات ياترفه💭.