ياريم) ياحْساس خالد والمشاعر
يا حنين الشوق لك فـاض الحنيـن
ليلة البارح \ قضيت الليـل ساهـر
أقنـع أفكـاري واحايلهـا تجيـن
بين حد العقل \وبين جنون شاعـر
توقـف الفكـره ثوانيهـا سنـيـن
أحترق واقف على اعصابي وناطـر
مختلط بي ياس في قلـب ٍ وعيـن
القلم \ عيّا يطـاوع صـدق خاطـر
والشعر \ قاسي لوصفك مـا يليـن
لو يلين الحرف لـك ذابـت دفاتـر
كـل معنـى فيـك قـال الله يعيـن
أو إذا أصبح مدى التعبيـر قاصـر
يستحيل الشك \ في حسنـك يقيـن
يعلم الله كم وصفت وكنـت قـادر؟
أكتبه \ بجنـون منطـق \ عاقليـن
لحظه/ لحظه /دام انا للحيـن فاكـر
قبـل لا أنسـى بـوّدي تعرفـيـــــــن
قبل لا اعرفك وانـا بالشعر/شاطـر
ومن عرفتك وين انا والشعر \ وين؟
مرتبك /تايه /قلق /جداً /وحايـر
كنّي \ (المسباح ) وتخْنقني يديـن!
كل ما رتبت لـك فوٌضـة مشاعـر
هبْت الأشـواق / وبعثرنـي حنيـن