03-09-15, 09:32 AM
|
#1 |
|
كني صورة وسط غرفة فارقتهآ روحهآ نامت طيور المواجع داخل اعشاش الضلوع
وطارت اسراب السعاده من عذاب جروحها
من وسط سود المحاجر ذابت الدمعه شموع
وادري ان اسرار دمعي ماقويـت ابوحهـا
لا غدى حزني رغيفي اشهد ان العيد جـوع
والليالي انقاض اماني في حشاي صروحهـا
المسى جرح الموادع والضحى ذرف الدموع
والسويعات التعيسه تشكـي يومـي نوحهـا
يوم كان الحل فرقى عشتهـا ليلـة ربـوع
كانت حروفي حكايه كـم تطـول شروحهـا
فارقتني دون ما ادري وصرت تابعها بطوع
كني صورهـ وسط غرفـه فارقتهـا روحهـا
ذكريات الحب عادت وعادت شريط الرجوع
والصور بلسان ذكرى صرت اناجي بوحهـا
صرت اتذكر هواها وكيف عايشت الطبـوع
كيف كان الجد معها عنـدي مثـل مزوحهـا
كيف كنت ارضي كبرها وما امل من الطلوع
لجل اوصلها واسرح فـي خيـال طموحهـا
كم وكم كانت وكنا بس انـا راضـي قنـوع
والظروف اللي حدتني في ركوب جموحهـا
ثورت امواج جرحي لين ثارت بي جمـوع
والدموع من نبع عيني فوق خـدي ملوحهـا
سافرت والفرح سافر وادري بفرحي قطوع
من عرفت الفرح غايب عن حياتي ولوحهـا
لين سجلته غياب سنيـن وشهـور وسبـوع
واشهد ان كفوف فرحي ماتمـل شحوحهـا
صارت اكتافي جذور احزان وكفوفي فروع
وصارت الدنيا تعاكس نظرتي في وضوحها
مابقى للطير مطرح ذبلت اغصان الضلـوع
والجروح اليوم تشكي من عنـى مجروحهـا
ممممما شدني |
|
| |