الكامل الله والخطأ طبع الانسان
والدرب يفرق عن يساره يمينه
والصاحب اللي له معزه وله شأن
إن جاني إبشينه تذكرت زينه
مادامني مسلم وفي قلبي إيمان
عمر البحر ماشال هم السفينه
بعض البشر تحتاج له سر وإعلان
لاقلت له تكفى نهض حاجبينه
وبعض البشر ودك تناديه ذيبان
يجي على طاريه لاقلت وينه؟
وبعض البشر إسمه من الله كحيلان
لاطول الغيبات جاب الثمينه
وإذا رفيقك بالشبه طير حوران
احذر يجون الناس بينك وبينه
ترى الرفيق أحيان وأحيان وأحيان
أقرب لقلب الشخص من والدينه !!