حرام الليل يسألني .. عيونك وش بها تبكي ؟؟
وحرام الدمع يجبرني .. أناجي صمتي وأحكي ..
وحرام الناس تظلمني .. بشعري صرت أنا غلطان ؟؟
***
سكتُّ وقالوا ما يشكي ..
ضحكتًّ وملّوا من ضحكي ..
غريبة كيف أرضيهم ؟؟
أنا أملك حزن ودموع ..
وشعري هو بعد مُلكي ..
***
جمعت القلب وهمومه ،، وطالعت السما أنظر ..
وشفت الليل ونجومه ،، تسبّح ربها وتشكر ..
وعرفت أني أنا مقصّر ..
وقلت أقرأ كتاب الله ،، ودوم الدوم راح أذكر ..
عذاب وراح عن قلبي .. وعن أول صرت متغيّر ..
***
شغلت النفس بعيوبي ،، أقوّمها ،، أعدّلها ،، أقوّيها ..
ولاموني كثير وناس ،، تبي في القاع تمحيها ..
عرفت الناس وش تبغي .. وكيف أني أراضيها ..
أجاملهم ،، أسايرهم ،، عشان أكسب محبتهم ..
ولكن منهم أستثني .. صديقي ، وأهلي وأخواني ..
وكل واحد سكن قلبي ..
حرام أني أجاملهم ،، فعيني راح أسكنهم ..
***
حياتي صنع أفكاري ،، وطموحي فوق كل الناس ..
وحلمي أجعل العالم ،، عقول مرصّعة بألماس ..
أنا أفْضل خلق هذا الكون ..
جسد ممزوج فيه العقل والإحساس ..
طموحي فوق كل الناس ..
طموحي فوق كل الناس ..