انا عمري 16
ياخ احس اني مو طبيعيه ما كأني بنت
امي دائماً تهزئني والسبب ان تصرفاتي واسلوبي ولادي
حاولت قد ماقدر اني اسنع صوتي بس هذا صوتي من ربي
وبعد الوجه مايساعد اني اصير انثى للاسف كلمة بشعه شوي علي
انا مع اني تصرفاتي ولاديه بس داخلي في انثى تبي تطلع بس محد مقدر حتى امي ماتساعد
لمن اعدل صوتي الي تقول :اووه ماعرفنالك يابوحيمد ولا تدلعت البويه
طيب انا شسوي اذا صوتي من ربي كذا ماعرف اعدله
ولا جسمي نوعاً ما نقول حلو زي عارضات الازياء
بس امي..

اذا اشتهيت مكياج قالت من حلات هالوجه عاد
وتلوموني لاصرت كذا ولا تبيني اجلس عند الحريم وانا ماحب جلسة الحريم ياخ تطفش مغير زوجي سوالي زوجي فعل لي و حش وفلانه لابسه كذا وفلانه سوت كذا ماحب هالجلسات ولا يجلسون يتساسرون وانا والمزهريه واحد
تهاوشني لاني اقعد مع الصغار العب معاهم ايباد والله وناسه معهم
طيب انا كذا امانه شسوي
الحين لو تشوفون اسلوبي انا والبويه واحد بس ناقص اني اقص شعري بوي واغير اسميولا ابشركم بقص بوي عن قريب الانثى الي داخلي بتموت والسبه الي حولي(:

والله العظيم حتى ابوي بدى يشتكي مني بسبب الي اسويه بس مو بيدي الي حولي حطموني لمن صارت تصرفاتي ولاديه
لمن جا ف بالي ان خلاص انا طويله .. مسطره .. صوت ولد
خلاص الانثى الي بداخلي تخسي تطلع