السلام عليكم ورحمه الله وبركاته


حابه اخذ رايكم بقصه حدثت لصديقتي او بالاصح توامي الاخر....


صحبتي لمن كان عمرها 15 سنه كانت تحب القراء وعقلها يسبق عمرها امم فماماتها قالتلها

ادخلي المنتدى الفلاني واجلسي اقرئي واتصفحي اممم ,,فدحلت صحبتي بدافع الثقافه وكانت
العقليات في المنتدى كبيره جدا ,فسارت تنزل كتابتها وتشارك وتتفاعل

فشخص اعجب بكتابتها بشكل كبير فمره عن مره وكلمها ودار بينهم نقاشات وحوارات جبها وحبتو امم وتقريبا جلسوا سنتين في هالمنتدى وهما يتكلموا امم بس مش كلام حب وخرابيط لانها هيا واعيه وهو واعي امم كلامهم كان جدا لطيف فمثلا كانت تصورلي كلامهم عباره عن الاشياء الي يسووها بيومهم او نكته او ضحكه بس هدا الي كان يدور بينهم مع العلم خلال السنتين هو عمرو ماقلها ابغ صورتك ولا قلها ابغ اشوفك ولا قلها نتكلم فون
فقط منتدى من خلال الرسايل الخاصه وكان الكلام جدا طاهر بينهم لابعد مدى

فانا الى الان ماشفت شي غلط سوتو قلت في نفسي لاتردعيها من الان امكن بالفعل هو يحبها

لانو لو كان خبيث كان استدرجها كان لعب فيها لعب بس في خلال السنتين هدي عمرو مااذاها بشي ولا سوا شي فكنت ماشيه معاها وقلت خليني اشوف النهايه ايش هيا

فخلاص لمن حس انها نصو التاني
جا قلها كلمت اهلي عنك وابغ اتزوجك

طبعا هيا فرحت جدا جدا جدا بس للاسف الصدمه انو قلها انا مو سعودي انا اجنبي فهل اهلك حيوافقوا ؟

قالتلو حيوافقو بس المشكله مش بأهلها المشكله في الجكومه

طبعا هو حاول ياخذ من السفاره تصريح وحاول حتى يرشيهم بس للاسف مارضوا

فجا قلها شوفي حاولت وحاولت

هيا من قهرها قالتلو طالما مح يكون بيني وبينك شي فالله وياك هو انقهر من كلامها انو ليش قفلتها كدا بوجهي

وسيبها وسيبته
امم بس ماانتهت القصه لهنا

هيا ملكت وهو ملك وكل مين راح في سبيله
هي:ماقدرت تتعايش مع خطيبها وانفصلت وهو بعد انفصل

حست نفسها ضايعه وجلست تدور عنه بكل محل بالتويتر وبالفيس وبكل محل
لدرجه كانت تبكي بصلاه الليل وتدعي من قلبها انه بس تطممن عليه وسبحان الله
تاني يوم من بعد دعاها

فجاه جاتها رساله من الفيس وفيها اسمه وطلع هو وجلست تكلمه وتقله قد ايش هيا استصعبت الدنيا بدونه

امم هو تضايق لمن شافها كدا متعلقه فيه وقلها مستحيل نرتبط فلازم تحطي هالشي ببالك ورجع تركها تاني

وجات عندي تقلي هو قلي كدا بدافع يحبني ومايباني اتعلق فيه ولا علشان يكرهنيّّ!

يعني انا احترت ايش اقلها
خفت اقلها الي بنفسي واظلم عقليته وتفكيره



معليش الموضوع حدا طويل بس يهمني كثير رايكم

شكرا حبايبي