02-07-11, 10:27 PM
|
#27 |
| | 
صحت الظهر وأخذت شورسريع لبست جلابيه مغربيه روعه وناعمه ورفعت شعرها بطوق
طلعت من غرفتها وقابلت عادل عند الدرج وشكله توه صاحي منا النوم وكشته طايره
عادل وكله نوم:صباحك خير
لميس ضحكت:صباح النور
عادل ينزل الدرج:الحمدلله والشكر ليه الضحك
نزلت وراه وهي تضحك ع شكله
دخلوا للصاله وريم أول ماشافت عادل وكشته إنفجرت ضحك:هههههههههه عدول شفيها كشتك طايره
عادل لمس شعره:نسيت
ريم:ههههه شكلك توووحفه اصبر خلني أصورك
طلعت جوالها وصورته
عادل راح لها:عطيني الجوال
ريم خبته ورى ظهرها:لا
عادل:ريموووه إقصري الشر وعطيني إياه
ريم بعناد:مابي
فيصل:هههههه خلها والله لو هي مصوره توم كروز
عادل:يخســـــي توم يصير مثلي
رنا:يا ا ا ا اي ع الثقه..إنت روح شوف شكلك في المرايه وشوف توم كروز وطلع الفوارق العشره
عادل:إنطمي عاد ماتحكى إلا شمس
رنا شهقت:نعـــــم
عادل:نعامه ترفسك
الكل:هههههههههههه
رنا انقهرت:يمـــــه شوفي ولدك
أم رعد:خلاص عاد
:السلام عليكم
ريم شهقت فزت قايمه:رعـــــد
راحت له وضمته:الحمدلله ع السلامه
أبعد عنها:الله يسلمك
سلم ع أمه وإخوانه متجاهل لميس
ريم:متى جيت
رعد ناظرلميس:أمس الساعه ثنتين
ناظرته لميس من فوق لتحت بغرور وصدت وجهها عنه
رنا:جبت اللي طلبته
رعد:لا
رنا:لييييه
رعد ناظرها بنظرات:كذا
رنا:وليه هالنظرات
رفع حواجبه:أي نظرات
رنا:شكل السفره ضاربه راسك
ريم :أففف.أقول رعودي شخبار السفره والشغل
رعد إبتسم:تمام
فيصل:هههههه والله تطورات رعد مايزعل ع رعودي
رعدبغيضه:ريامي غير
ريم:ويـــــي ياناس ويلوموني في حبه
فيصل:هـــــي اعقلي وجع والله لو هو زوجك
ريم قامت وجلست جنب وباسته ع خده
ريم:غيران
رعد إبتسم ع حركة ريم
فيصل بقرف:ووووع أغار.أقول ضفي وجهك بس
قامت لميس لمادق جوالها وطلعت للحديقه ونظرات رعد ورنا تلاحقها
*************
طلعت للحديقه وهي ترد ع الجوال:هالو
هند وصوتها واضح فيه الفرحه:هـــــاي ميسو كيفك؟
ضحكت لميس:هاي تمامi'm fineوأنتي
هند:تمامو (ضحكت)يسلمون عليك بعض الناس
لميس حمر وجهها بخجل لماعرفت من تقصد:إعقلي
هند بضحكه:وش أسوي فيه مجنني يقول ليه للحين مارد عمك
لميس تفكر:مسافر
هند:متى بيرجع
لميس:i dont know
سكتت وإبتسمت لماشافت رغد تمشي في الحديقه وقفلت من هند وهي رايحه لها:رغـــــوده
سلمت عليها ودخلت معاها للصاله
جت الخدامه وأخذت أغراضها منها
سلمت ع إخوانها وجلست
سولفوا معاها شوي وطلعوا
ريم تناظر بطن رغد:رغد إنتي متى ولادتك
رغد حطت إيدها ع بطنها البارز شوي:لسى باقي كثير
لميس:الله يعينك
ريم:شريت شئ له
رغد:لا لسى
ريم:لازم نروح للسوق نشتري له.. بعدين تثقلين ولاتقدرين تروحين .. أنا مره متحمسه له ودي نروح بكره تكفون
رغد:خلاص إن شاءالله
ريم:أيوه صح...إيش الأغراض اللي جايبتها معاك
رغد:لبسي بلبس عندكم للعزيمه وإحتمال أروح معاكم
ريم:ليه؟غريبه
رغد:عمر عنده إجتماع اليوم ومارح يقدر يوصلني
ريم تناظر ساعتها:مو كأن جويل تأخرت
رغد:دقي عليها
رفعت جوالها ودقت
خبرتها إنها عند البوابه
**************
في بيت أبوماجد الكل مختبص ويتجهز للعزيمه وطبعا صرخات شهد تخترق المكان بإعتراضاتها الدائمه
:ما ا ا ا ا ا ا ا ابـــــي ما ا ا ا ا ابي
مي معصبه:وبعديـــــن معاك إنتي إلبسي اللي طلعته لك ولا تجننينـــــي
رمت شهد الملابس بعناد:مابيـــــه موب حلو و و وع
حطت إيديها ع راسها بضيق من بنتها:شهد خلاص لاتخليني أدق ع أبوك يجي ياخذك معه تراك صدعتي راسي
راحت شهد للدولاب وفتحته مطنشه حكي أمها:أوريك وش أبي
طلعت فستان أبيض منفوش :هذا
فتحت عيونها بصدمه وراسها بينفجر من بنتها:إنتيـيـيـي را ا ا ا ا ايحه زواج علشان تلبسيييينه
شهد ضمت الفستان لصدرها وصرخت وفيها البكا:ما ا ا ا ابي ما ا ا ابي أبي ألبسه أبي البسه
مي شوي تبكي من بنتها :وبعدين وبعدين معاك
أنا أقوم أطلع أحسن وخليك أحسن كل البنات يضحكون عليك
طلعت وتركتها وقفت شهد قدام المرايه تمسح دموعها فرحانه وبدت تبدا مهمة اللبس ع كيفها مثل ماتبغى
دخلت ع سميه بغرفتها معصبه من بنتها اللي إذا بغت شئ لازم تسويه
سميه واقفه قدام المرايه تعدل لبسها:إيش فيك إنتي وبنتك اللي فجرت آذاننا بصراخها
مي جلست وفتحت شنطة المكياج حقت سميه:الله يهديهابس صدعت راسي لازم اللي تبيه تسويه ذبحتني
سميه رفعت حاجبها:إنتي اللي مدلعتها لين ماصاريهمها أحد
مي توزع كريم الأساس في وجهها:مو أنا أبوها اللي لو قالت أبغى القمرجابه لها
دخلت سديم الغرفه:بنات شرايكم حلو
مي رفعت راسها تناظر فستانها:حلو
سديم تناظر شعرها في المرايه:شرايكم أترك شعري مفكوك وإلا أرفعه
مي:سويه ستريت
سميه:أيوه صح إنتي دايم شعرك كيرلي غيري شوي...(سحبت كرسي التسريحه لها)تعالي تعالي أسويه لك
******
جالسه ع الكرسي قدام المرايه تناظر شعرها اللي قاعده تسرحه لها الكوفير سمعت جوالها يدق وأشرت للخدامه تجيبه لها أخذته وشافت المتصل
حطت مشغول وأرسلت له رساله(بندوري حبيبي أنا مشغوله اللحين مارح أقدر أرد عليك بس راح أتصل فيك الليله أوك قلبي)
حطت الجوال جنبها ورفعت عيونهاللكوفير بغرور وصرامه:لورا بسرعه حركي يدك أففف
هزت راسها لورا وهي متضايقه من عجرفت رنا عليها وغرورها
***************
قرا الرساله وأبتسم وأرسل لها رساله
:أقول يالحبيب وين رحت
حط جواله ع الطاوله بعد ماأرسل وتسند ع وراه:معاك
:وش صار ع بنت مشاري ال...
للحين ناوي تكمل اللي ناويه
رفع جاجبه بإصرار:طبعا وقريب بيصير
ناظره بتفحص:أخاف إنك حبيتها وطحت بغرامها
ضحك بسخريه:الأشكال هذي ماتنحب أنا بس بسوي اللي براسي وأرتاح وأرد لأخوانها الأنذال الصاع صاعين ع
اللي سووه فيني هههههه
ناظره:للحين تذكر ترى مر سنتين ع اللي صار
بندر وعيونه تشع غضب وقهر وإصرار:والله لأعلمهم من أكون لأخليهم مايقدروا يناظروا في وجهي لأخليهم يبوسوا راسي ورجلي بعد
:لا تنسى هم عيال من هذولا عيال مشاري ال....وإنت عارف من مشاري وعياله وخصوصا رعد تراها موهين
بندر رفع حاجبه:لا عارف مين يكونوا ومايهمني لامشاري ولا رعد أهم شئ عندي إني أنزل روسهم في التراب واكسر خشم فيصل اللي رافعه علي
:يابن الحلال تراني حذرتك إنت ناسي اللي سواه رعد في سلمان
بندر:لامانسيت..ولانسيت اللي سووه فيني ......
************
في بيت أبوماجد
نزلت من الدرج تتمخطر في مشيتها ودخلت للصاله
شهقت مي لماشافتها وقامت بسرعه سحبتها معاها برى الصاله
وقفت وهي ماسكتها من إيدها :الله يفشششل إبليسك إنتي وش مسويه في نفسك
ناظرت شهد فستانها الابيض:وش فيه
مي طلعت منديل بتمسح فيه الروج الأحمر اللي حاطته شهد وطالع من أطراف شفاتها:وهالروج اللي موسخه خشتك فيه وشو ها
أبعدت شهد عن إيد أمها:لا لاتمسحينه تعبت وأنا أحطه وآخر شي تمسحينه
مي طيرت عيونها لما انتبة للكحل اللي داعجه عيونها فيه:كحـــــل روحي إغسلي وجهك اللحين الله يفشلك
شهد حاست شفاتها المصبوغه بأحمر بعناد:ما ا ابي كيفي هذاتس حاطة منه وراه ماتمسحينه إنتي بعد
مي:تقارنين نفسك فيني أنا حرمه كبيره وإنتي بزر عيب تحطين
شهد ضربت برجلها الأرض:ما ا ا ابي مارح أمسحه إذا مسحتي حقتس مسحت حقي
قامت مي عنها ماهي قادره تتفاهم مع هالبنت ودخلت
راحت شهد عند البنات ودخلت وعيونها تدور الوجه الجديد بينهم
سكتوا البنات لماشافوها وإنفجرت سميه وأمل ضحك لماشافوها
سديم:شهـهـهـهـد ووجع روحي إمسحي اللي في وجهك
تفشلت من ضحكهم عليها بس ناظرتها بحقران ووقفت نظراتها ع لميس اللي ماسكه ضحكتها
شهقت:إنتـــــي لميـــــس
ناظرتها باستغراب وقالت:أيوه
راحت تسلم عليها:أنا شهوده بنت مي
إبتسمت لميس:هلا شهد
جلست شهد وحاولت تحط رجل ع رجل بس ماعرفت وتربعت
ناظرتها سميه: خير خير وش مجلسك عند الكبار روحي إلعبي مع ريناد وياسر
شهد:وش دخلتس كيفي ماأبي ألعب مع بزارين
أمل:لا يالكبيره
ناظرتها بعناد:غصبن عنتس
دخلت دلال معها كاس عصير وناظرت شهد :بسسم الله الحمن الرحين
ناظرتها شهد:خير شايفتن جني
رفعت حاجبها دلال :إيه جني
دخلت رنا وناظرت شهد بقرف وجلست مع دلال
***********
عند الرجال
دخل رائد بعد ماكان يحاكي فرح في الحديقه وجلس جنب فيصل
فيصل:وش فيك طلعت
رائد إبتسم:جاني إتصال مهم
عادل:إلا وحدة من هالبنات اللي مطيحهن في غرامه
رائد بغرور:وش أسوي إذا أنا حلو ومزيون والبنات يلاحقوني
عادل :إمحق إلا منغشين فيك
مطافيق
فيصل:ومبسوط إنت ووجهك
ياخي متى بتترك هالحركات هذي عنك
رائد ضحك:بدينا
عادل:وين باقي الشباب
رائد:قوموا نروح لهم
طلعوا برى وشافوا عبدالله يحكي في الجوال وبعيدعنه واقفين ماجد وخالد ورعد
راحوا لهم وانضموا لهم
رائد تخبى ورى فيصل لماشاف شهد طالعه:يممه وش هالكائن اللي جاي
فيصل حط إيده ع فمه يكتم ضحكته
رعد عقد حواجبه لماشافها وكبح إبتسامته
ناداها خالد مستانس عليها:تعالي تعالي ياحلوه إنتي
جتهم تمشي بدلع ووقفت عندهم:ننننعم
ماجد مانتبه لها ولماسمع صوتها التفت وتوسعت عيونها بعدم تصديق:وش مسويه إنتي
ماقدر عادل وانفجر ضحك ولف وجهه
عقدت حواجبها وتخصرت :وششش سويييت
ماجد:إنقلعي غسلي وجهك
|
|
|
|