02-07-11, 10:28 PM
|
#29 |
| | 
دخلت غرفته وفتحت النور دارت نظراته ع غرفته بشقاوه وسكرت الباب خلفها...كانت عارفه إنه مارح يرجع اللحين علشان كذا ماخذه راحتها
راحت لمكتبه وجلست تفتش في أدراجه وتناظر كتبه طلعت كتاب لماشافته إبتسمت تذكر إن فيصل هو اللي أهداه هذا الكتاب كان عنوانه لاتحزن للعريفي..
فتحته وقرأت أول صفحه وثاني صفحه عجبها مرره وقررت تاخذه وتكمله...
حطته ع طاولة المكتب وكملت تفتيش...إنقهرت لماصار درج من الأدراج مقفول حاولت تفتحه ماقدرت كشرت وقامت من المكتب وراحت للأدراج اللي عند السرير وفتحته...
إنبسطت مرره لماشافت ألبوم الصوره حقه كان فيه إثنين واحد له معاهم وواحد له مع أصحابه وكلها نفس الشكل واللون أزرق لزوم التشجيع
فتحت واحد فيهم وصار مع أصحابه ..تعلقت نظراتها في صورة فيصل كان لابس بنطلون جينز أزرق وتيشرت كت أبيض
وحاط إيده ع خصره وشكله طفشان...ضحكت لماشافت الصوره اللي بعدها كان فيها فيصل لابس بنطلون بنطلون بيج غامق وتيشيرت سماوي وماسك جوال رائد ورائد يحاول ياخذه منه كان شكلهم مرره مضحك...
تنهدت وهي تجهل المشاعر اللي تحس فيها لماتشوفه ...
سمعت صوت تصفيق وإخترعت
لفت وشافت رائد واقف عن الباب ومتسند ع زاويته :برافـــــوا واللـــــه....كملي كملي
صحكت داخلها وإنتبة للي في إيدها رمته في الدرج بارتباك....وحمدت ربها إنهم نفس اللون...
سحب إيدها ومسك إذنها بقوه:عديلي كم مرره قلتلك لاتدخلي غرفتي من غيرماتستأذني ها....
ماتفهمين
آلمتها إذنها وهي كاتمه ضحكتها
:خلاص خلاص آخرمره..وبعدين كنت أبغى أشوف ألبوم الصور حق سفرتنا السنه اللي راحت بس...
ناظرالكتاب اللي ع الطاوله:والكتاب اللي ع الطاوله وش يسوي
قالت بغباء:أي كتاب
شد ع إذنها:أي كتاب ها ...
مسكت يده بتبعدهاعن إذنها اللي آلمتها:آ آه آ آه والله توبه ..زهقت وأبي كتاب بقراه وشفته وعجبني بس
ترك إيدها ومسكتها راحت للمرايه وشافتها حمرا:يامتوحش شوف إذني إحمرت من أصابعك مو أصابع هذي هذي...قطعت كلامها وإبتسمت بغباء لماشافت نظراته
سحبها من طرف بلوزتها وطلعهابرى وسكر الباب
تأففت وهي تعدل بلوزتها بحمق ..وصرخت فجأه :الكتـــــاب
فتح الباب وإبتسمت ببراءه:الكتاب ابغاه
ولماشافته بإيده سحبته وإنحاشت لغرفتها
إبتسم ع خبالها ودخل غرفته
**************
فتحت عيونها بتعب ودارت نظراتها حولها ووقفت ع الخدامه اللي جالسه قبالها
الخدامه فرحت لماصحت لأنها طفشت من جلوسها ومانتظرت منها كلمها وقامت طالعه من الغرفه
جلست بتعب وحست بألم خفيف في ظهرها ودوخه ..
نزلت راسها وإيدها ع ظهرها وإنتثر شعرها حولين وجهها...
إنصدمــت لماشافت قصره ...وإندفع كل شئ صار في عقلها...
غمضت عيونها ودموعها تنزل وإيدها ع شعرها...
قامت بتعب ومشت للمرايه وهي تحس بدوخه مسكت نفسها وكملت طريقها...
ناظرت شعرها بحزن...كان مقصوص بعشوائيه وبشكل مائل ...فتحت درجها وطلعت مقص حاولت تساويه قطعه وحده وقصر شوي ع قصره
حطت المقص ع الطاوله ونظرات عيونها ع شعرها اللي ع الطاوله...تذكرت الذل والإهانه اللي حطمت بقاياها ..
فاجأتها دوخه قويه وتمسكت بالطاوله قبل تطيح وجلست ع كرسيها...
إنفتح الباب ودخلت الخدامه ومعاها صينية أكل وعصير برتقال..حطتها ع الطاوله قدامها وقالت:mr Zeyad saied you have to eat thies
طلعت وتركتها ..
تولين تناظر الأكل مستغربه.وماأعطت نفسها مجال تفكر فيه..وبدت تاكل كانت تحس بجوع فظيع ....ولماانتهت قامت وهي تحس الدوخه خفت كثير...
وقفت عند الشباك وابعدت الستاره طالعت الحديقه وشافت مرام طالعه مع وحده من الخدم ..أكيد رايحة للسوق...
توسعت عيونهابرعب لماشافت ريان واقف بعيد ولماراحت سيارة مرام..دخل من البوابه...
عرفت نواياه وركضت لباب غرفتها شافت المفتاح مو موجود..ودقات قلبها تحس من قوتها بيطلع من ضلوعها..إيدها بدت ترتجف وتعرق..وهي تتلفت تدور ع مكان تتخبى فيه
شافت باب الحمام وخافت تدخله ويعرف إنها هنا ويكسره..
طلعت من غرفتها ركض لوحده من الغرف ودخلتها ..تركت النور طافي ومشت للدولاب وتخبت فيه...
سمعت صوت باب غرفتها ينفتح.وجسمها بدا يرتجف ..إيدها ماهي قادره توقف إرتجافها
سمعت صوته يسأل الخدامه عنها...
غمضت عيونها..وماتت من الرعب.لماسمعت باب الغرفه ينفتح ..والنور ينتشر في الغرفه
تحس ماهي قادره تتنفس من سرعة دقات قلبها..وهي تدعي ربها يبعده عنها ويكفيهاشره..دموعها بدت تنزل وهي تتوقعه يفتح عليها الباب في أي لحظه...
سمعت خطواته في الغرفه تقرب من الدولاب وغمضت عيونها وهي تحس بنهايتها قربت.....و......
..........************
كانت بتطلع للحديقه وسمعت صوت التلفون راحت له وردت:هالو
:السلام عليكم
لميس:وعليكم السلام
:لميس..كيف حالك
لميس ميزت الصوت:هلا عمه..الحمد لله بخير..إنتي كيفك
:الحمدلله..عمك موجود
لميس:لا
:وخالتك ..
لميس:لحظه..أناديهالك
حطت السماعه وراحت ركض
صعدت فوق وفي الصاله طلع في وجهها رعد وصدمت فيه وأبعدت بسرعه..
رفع حاجبه:شكلك متعوده تصدمين في الشباب...
إنقهرت منه وقالت باستحقاروهي ماشيه:وللأسف صدمت في واحد مايسوى..
ودخلت جناح أم رعد ودقت باب غرفتها وسمعت صوتها:نعم
لميس:خالتي عمتي ليلى تبغاك ع التلفون.
فتحت الباب وقالت وهي تناظرها بنظرات حاده:أوكيه
لفت لميس بتطلع ووقفها صوتها:هذي آخرمره تناديني فيها خالتي..لأن مايشرفني أكون أخت أمك...
ودخلت وسكرت الباب..ولميس متجمده في مكانها بصدمه وحكيهايرن في راسها..
دخلت رنا للجناح وسماعات الآيبود في آذانها وصوت الأغاني عالي كالعاده..
رفعت لميس عيونهاتناظره وهي موحاسه بشئ"ليه..ليه الكل يكرهني ويكره أمي..شفيهاأمي علشان يكرهونها..علشانها بريطانيه مو سعوديه!يسخرون منها ويحتقروها..أمي مسلمه زيهازيهم..."
قطع أفكارها صوت رنا الغريب:خير إيش عندك هنا في جناح أمي
قربت منهاوحطت إيديها ع جيوب بنطلونها تتحسه بذل وهي تقول:وريني أشوف...ترى اللي مثلك ينخاف منهم يسرق شئ..وحده أول مره تشوف نعمه وعز أكيد تسرق..وتمد...
رفعت إيدها لميس وجروحها خانقتها وصفعتها كف :إبعدي يدك عني
دفتها من قدامها وطلعت من الغرفه وإحساس الذل والإهانه يخنقها تحس إنهاتموت تبي تفرغ اللي داخلها..إحساس الإهانه والذل يكبر داخلها دموعها تحسها تحرق عيونهاوتبي تتخلص منهالوحدها..
حست بإيد ماسكتها بقوه وتلفها:تعالـــــي هنا يا#####
كيـــــف تتجرئـــــي وتمدي إيدك القذره هذي علي إنتي ناسيـــــه أنا ميـــــن وإنتي ميـــــن
طلعت أم رعد :خير شفيكم
رنا بعصبيه وصراخ:الحيـــــوانه هذي مدت إيدها علـــــي وسبتنـــــي
لميس ماحست إلا بكف طيحها ع الأرض
أم رعد بعصبيه:جالســـــه في بيتـــــي وتسبـــــي عيالي وتمد إيدك عليهم..إنتـــــي ناسيـــــه نفسك شايفه عمك مشفق عليك ومدللكي وبالينا فيكي وشفتي نفسك..لا ا ا ا إياك تتمردي مره ثانيه وإلا رميتك برى البيت سامعـــــه
سحبتها رنا معاها:تعالي ماما خليكي منها هذي تبوس إيدها ع إننا محسنين عليها وضافينها من الشارع هي وبلاويها..
دخلت للغرفه ومعاها أمها
لميس دموعها نشفت من الصدمه..قلبها تحسه ذاب داخلها
شهقاتها وعبراتها زادت وكتمتها
نزفت ونزفت ونزفت لين مابقى فيها قدره ع التحمل...
جتها ريم تركض:لميـــــس حبيبتي شفيك
إنصدمت لماشافت وجهها وهمست:لميس
قامت لميس ودخلت غرفتها وقفلت عليها الباب
رجولها ماقدرت تشيلها وجلست ع الأرض تبغى تحكي تصرخ وتبكي ماهي قادره..دموعها متحجره في عيونها..الحروف ضاعت وماقدرت تعبر عن ألمها
ضمت نفسها ع الأرض وطلعت منها كلمه وحده بصوت مخنوق:را ا ا امي
ريم تدق عليها الباب:لميس حبيبتي إفتحي الباب...لميس تكفين إفتحي الباب
فيصل يصعد الدرج:شفيك
ريم نزلت دموعها:أمي..أمي ضربت لميس
فيصل إنصدم:إيـــــش ...ليـــــش
ريم بقهر:أكيد رنا ..رنا السبب مافيه غيرها..وإلا لميس لايمكن تغلط ع أمي
فيصل عصب:ويـــــنها
ريم تمسح دموعها:عند أمي
راح فيصل معصب ودخل غرفة أمه:رنـــــا
رنا من غيرنفس:نعم
أم رعد:خير شفيك معصب
فيصل التفت لأمه:يمه ليه ضربتني لميس
رنا:لأنها تستاهل
لف عليهامعصب:إنتـــــي جـــــب ولا كلمه..أصلا كل شئ يصير من تحت راسك ...
أم رعد عصبت:فيصـــــل
فيصل:يمه حرام البنت يتيمه ومالها غيرنا ليه تعاملوها كذا
رنا إنقهرت:هــا يتيمه لو يتيمه ومالها غيرنا كان ماغلطت علينا وحنا اللي ضافينها من الشارع وغلطت علينا
فيصل عصصب وراح لها مسكها من ذارعها بقوه:لميس عمرها ماغلطت ع أحد فينا..وإيش هذي ضافينها من الشارع
لاعمرك أسمك تقولينها سامعه إحنا أهلها سامعه كيف أهلها أبوها عمك يالخبله
أم رعد فكت رنا من إيده:تكذب إختك وتمد إيدك عليها علشان بنت عمك..
فيصل:هذاك قلتيها بنت عممي يعني مو من الشارع
أم رعد عصبت:أنا أبي أعرف إنتو عيالي وإلا عيالها ها
فيصل:آسف يمه بس...
أم رعد قاطعته:خلاص..اطلع اللحين ولا عاد تمد يدك ع إختك
طلع فيصل من الغرفه منقهر
*****************
:أمـــــــــــــــل ...أمـــــول وصمـــــخ
جت رنيم تركض:رائدشفيك
رائد معصب:وين أمل لي ساعه أناديها
رنيم مستغربه:فوق بغرفتها
صعد فوق وفتح الباب بقوه:أمــــــــــل
أمل فزعت :وشـو
رائد:لي ساعه أناديك وإنتي تثرثرين في الجوال كل هذا صمخ
أمل:لا تصارخ علي..شدراني إنا..كان تركت عنك العجز وجيت
رائد:مين تحاكين
أمل رفعت حاجبها:وش دخلك
رائد:وشو عيدي ماسمعت..
سحب منها الجوال:آلو
سديم خافت وسكتت
رائد:ألو و و وصمخ
أبعد الجوال عن إذنه يحاكي أمل اللي تناظره مقهوره:والله شكلك مو إنتي بس اللي صمخا وصديقاتك بعد
أمل:عطني الجوال
رائد:ماراح أعطيك إياه لين ترد هالصمخه
سديم:صمخا بعينك
ضحك :هههههه آخيرا
إرتبكت لماسمعت ضحكته وسكتت
رائد:آلو..وين راحت شكلها نامت
سديم ماقدرت تمسك نفسها وسكرت الجوال وضحكت ع أسلوبه
سحبت منه الجوال:ألو
سكرت الجوال لماسمعت صوتها:ياسخيييف قفلت الخط
رائد يحرك حواجبه:أحسن
رمت الجوال ع السرير:نعم وش تبغى
رائد:أول قولي لي مين اللي كنتي تحاكينها..شكلها أم لسان وسكرت الجوال في وجهي
أمل:وجع ماأسمح لك تقول عنهاكذا بعدين إنت الملقوف ماحد قالك تتليقف
رائد:طيب مين
أمل:وحده
رائد:وحده ولا ثنتين
أمل:ها ها ها ..خلصني وش تبغى
رائد ضرب جبهته:أوووو نسيتيني
أمل مشت بتطلع:إذا ذكرت قولي
طلعت من الغرفه ونزلت
دخلت للصاله وكان فيها ساره
ساره:شفيك
أمل:البايخ رائد
ساره:وش سوى
دخل رائد وأمل ماحست فيه لأنها معطيه الباب ظهرها:قعد يخفف دمه هالثقيل و سديم سكرت الجوال شكلها زعلت
رائد ضحك:و و و و و و و إسمها سديم
أمل انهبلت:بسم الله
رائد يستهبل:وي وي شايفه جني
سفهت وجلست
رائد:عطيني الهاردكس حقتك الجديده
أمل:لييه
رائد:بصور معاها
ساره:هههههه
رائد:عطيني إياها وإنتي ساكته
أمل حطت رجل ع رجل بعناد:لا ا ا ا
رائد:أقول بسرعه جيبيها مستعجل ومافيني أروح أشتري
أمل:أول قولي وش تبي فيها
رائد:بعطيهافيصل يحملي فيها شغل
أمل كانت بتقول لا علشان تقهر فيصل مثل مادايم يقهرها بس شئ داخلها منعها
قامت:أوك
رائد:لايكون حطيتي فيهاشئ لك صور
أمل:لا ماستخدمتها
طلعت تجيبها ورائد جلس ينتظرها
***********
لمياء طلعت تركض في الحوش:را ا ا ا ا ا ا ا اشد
راشد:نعم
لمياء:تكفى جيب مريوم ورنوده عندي
راشد:نعم مريوم إسمها مريم وبعديم شتبين فيها
لمياء ضحكت:حركا ا ات يغارون
راشد:إخلصي شتبين فيها
لمياء:ترى والله ماآكلها..بس أبيها تجلس عندي زهق جالسه بروحي
راشد:للأسف الشديد هي عند أهلها اللحين
لمياء:طيب جيبها من عندهم عادي
راشد:عندهم عزيمه ماقدر
لمياء بطفش:أففف والله زهق
راشد ضحك وطلع تاركها مقهوره
**********
دخلت رغد ع خالتها أم عمر وخالها في الصاله:السلام عليكم
:وعليكم السلام
باست راسهم وجلست:كيفكم إن شاءالله بخير
:بخير الله يسلمك
أم عمر:شلون الحمل معاك عسى بس مو متعبك
رغد:لا الحمد لله
دخلت منيره وسلمت عليهم وجلست
أم عمر:أجل وين عموري
دخل عمر:هذا عمورك وصل
منيره:يمه الولد كبر وتزوج واللحين زوجته حامل وبيصير عنده عيال وإنتي للحين تدلعينه
عمر:ها أشوفك غيرتي
أم عمر:والله لو يصير عنده عشره وأحفاد بيظل عموري
باس راس أمه:الله يطول في عمرك يالغاليه وتشوفينهم وتدلعينهم بعد
:آمين
أم عمر:إلا يمه رغد متى ولادتك إن شاءالله
منيره :الوالده مستعجله
عمر:ههههه طبعا مستعجله مو بيجيها حفيد من حبيب قلبها
منيره:ياسلام يعني عيالي ع الهامش الحين
عمر:ههههه أيووه
جا حمد يركض ورمى نفسه ع رغد يضمها
عمر صرخ:را ا ا ا اح ولدي
منيره:لا تخاف مافيه إلا العافيه
عمر:وجع حمود شوي شوي ع رغد
رغد ضمت حمد مبتسمه:خله براحته
دخل عزوز ولماشاف أخوه في حضن رغد راح يركض لها بس مسكه عمر:تعا ا ال تعا ا ال هنا إنت بعد بتكمل الباقي
:ههههههههه
منيره:خله عمور
عمر:أنا ابوسعود موعمور
منيره:ههههه لا والله توك تتذكر
**********
كانت ترتجف ومغمضه عيونها بخوف وقلبها تحسه بيطلع من مكانه لما حست فيه قريب من الدولاب
فتحت عيونها براحه لماسمعت الخدامه دخلت للغرفه وقالت له إن أبوها تحت
وسمعت خطواته طالع من الغرفه والباب يتسكر
تنفست بعمق وهي تحمدربها
وفتحت الدولاب وطلعت ..
جلست ع السرير ورجولها ترتجف
قامت لماحست نفسها هدأت شوي
وفتحت الباب وطلعت راحت غرفتها وفتحت الباب ودخلت بسرعه وسكرته
شهقت برعب لما سمعت صوته:ياهلا والله
|
|
|
|