جالسه في الصاله وتاكل في أظافيرها وعيونهامافارقت باب غرفة تولين...
الأفكار مزدحمه في راسها بخباثه وحقد..
من ذاك اليوم اللي ألهب شرارة الحقد والكره داخلها وهي بزحمة أفكارها تدور ع فكره تنتقم فيها وتشيل تولين من طريقها وحياتها..
قامت وقربت من الباب ..قربت إذنهامن الباب ماسمعت صوت..
حاولت تفتحه مانفتح..كانت تسب وتلعن الخدامه اللي أعطت المفتاح لزياد وهي تجهل السبب اللي خلاه يعطيها المفتاح علشان تقفل عليها الباب..
إبتسمت باستهزاء والدم يغلي في راسها من راودتها فكرة إنه بيحميها منها وشدت قبضتها ع الباب..
ضربت الباب بقبضة إيدها عدة مرات وهي تنادي تولين وتهددها إذا مافتحت الباب...
داخل الغرفه وفي زاويتها بالتحديد ..
كانت جالسه ع الأرض وضامه رجولها لصدرها وإيديها تغطي أذانها علشان ماتسمع صوت الضرب ع الباب وصراخ إختها بخوف وهي ترتجف وتدعي ربها يبعد شرها عنها ..
غمضت عيونها بقوه ودموعها تنزل برعب لماحست إن الباب بينكسر من قوة الضرب..
تبددت قوتها وأبعدت عن الباب وهي تتوعدها ...
****************
من قالت لها ريم إن عمها يبغاها وهي عايشه برعب وخوف وقلبها يضرب بقوه .خوف من أن يكون حكي رعد صحيح..
قررت في قرارة نفسها إنها ترفض ومستحيل ترضى حتى لوكان عمها مستحيل راح تضيع حياتها معاه وتعيش العذاب مره ثانيه لأن الحياة مع رعد هي الذل والعذاب بحد ذاته..
وعمها مستحيل راح يجبرها عليه..
بس أنا ليه مستعجله يمكن يبغاني في موضوع ثاني مايتعلق برعد يمكن يكون يكذب..
وقفت عند باب مكتبه وزفرت بهدوء وإصرارها يزيد ويبعث فيها الطمأنينه..
دقت الباب ولماسمعت صوته فتحته ودخلت...
**************
دخل غرفة إخته بعد مادق الباب وشافها جالسه ع سريرها وتحكي في الجوال
بسام رفع حاجبه:سكري بحاكيك
ناظرته وأشرت له بلا ..
ناظرها بتهديد..وغمزت له وهي تضحك..
مافهم عليها وناظرها مستغرب:إيش
قالت بعمد:أيوه ريم كملي
إبتسم بفرحه وقرب منها وهمس:كيفها
البندري بخبث:أقول ريمو..بسام يقول كيفك
ريم إنفجعت:ها....
البندري:ههههههه شفيك
ريم إرتبكت :وشو
البندري ناظرت بسام وهي تضحك:هههههه ضف وجهك البنت بلعت لسانها وصارت تتلعثم..
ريم تمنت تطب في بطن البندري وتحوسها
همست بغيض:بندري
بسام إبتسم:فديتها
ريم سمعته وماتت من الحيا وبنفس الوقت فرحانه
البندري:تراي عطيتك وجه يالله برى
ضحك وطلع وقلبه وعقله عند ريم..
************
دلال:والله
هدى:أيوه بس أنا رفضت
دلال تلعب ع هدى بأفكارها:صدق ماعندك سالفه ليه رفضتي
هدى:أخاف
دلال:إيش تخافي منه مارح ياكلك
هدى بتردد:لاماقدر
دلال بخبث:إنتي تحبيه
هدى:أموووت فيه
دلال بضحكه شيطانيه:خلاص اطلعي معاه ..إذا رفضتي إنك تطلعي معاه راح يحسك ماتحبيه وماتثقي فيه ويتركك..ساعتها بتعضي أصابع الندم
هدى بخوف:لا إن شاءالله لاتخوفيني
دلال:كيفك أنا قلتلك وإنتي الخسرانه
هدى:خلاص بطلع معاه بس مكان عام
دلال إبتسمت:براحتك..بس أهم شئ ماتطيريه من إيدك
سكرت من دلال وقررت تنصاع لدلال وافكارها اللي بتوديها لطريق الهلاك...
**************
لها أكثر من دقيقه عايشه بترقب وخوف من سكوت عمها..
رفعت راسها وناظرته..ذاب قلبها لماشافت نظراته الحنونه
وسمعت صوته الحنون المحب..
أبورعد:إنتي بنت أخوي الغالي وغلاتك من غلات بناتي أنا يابنتي..
نزلت راسها لماسمعت كلمته (بنتي)..ودموعها غرقت عيونها من نبرة الحنان في صوته وعيونه..
أبو رعد:أبيك تكوني قربي وحوالي ..وماأبيك تكوني بعيده عني ..(سكت شوي وكمل)ولدي رعد خطبك مني..
رفعت راسها بصدمه وكل أمل داخلها تبخر..
أبورعد حط إيدها ع كتفها بحنان:ورعد ولدي وتربيتي وبيحافظ عليك وبيظل قلبي متطمن عليك معاه ومرتاح ..
ناظرها:ها لميس إيش قلتي
فتحت فمها بتقول لا بس ماقدرت ..نزلت راسها وغمضت عيونهابقهر..
كل إصرارها وقرارها ورفضها تبخر من شافت وجه عمها والفرحه بعيونه..
إبتسم عمها بفرحه لماشاف سكوتها وفسره ع إنه خجل ..
ضمها لصدره وهو يمسح ع شعرها:مبروك يالميس..مبروك يابنتي
غمضت عيونها تداري دموعها
ماقدرت ترفض..ماقدرت تكسر فرحته في ولده وفيها ..وهواللي كان يفرحها ..
ماحد حافظ عليها ولمها في بيته وعاملها مثل بنتها غيره..
ماحد انتشلها من بيت زوجة أبوها وأخذ حقها غيره..
مستحيـــــل تكافئه برفض ولده وكسر فرحته مستحيل..
دخلت غرفتها وإرتمت في سريرها تبكي..
تبكي أحلامها..تبكي ضعفها..تبكي حياتها...
دخلت عليهاريم مفجوعه:لميــــس شفيـــــك
كانت محتاجه لحضن تفضفض له يخفف عنها
رمت نفسها في حضن ريم تبكي بقوه..
ريم ارتعبت:لميس شفيك..خوفتيني تكفين قولي لي
لميس بين شهقاتها:بـ ـتزوج.....رعـ ـد...
شهقت بصدمه:إيـــش
شقلتي بتتزوجي رعد ودلال ..
ضمت لميس لها تهديها..وداخلها بتطير من الفرحه..يعني رعد ماراح ياخذ دلال..وا ا ا ا ا ا او الحمد لله يارب ..بياخذ لموس..
إختفت إبتسامتها لماإستوعبت طبيعة العلاقه السيئه بين رعد ولميس..
بس مع ذلك ماقدرت تخفي فرحتها ودها تشوف وجه دلال لماتعرف..
**************
:إيـــــــــش
ريم بفرحه:والله العظيم
أمل:إنتي متأكده
ريم:أيوه..متأكده أبوي حكى مع لميس اليوم
أمل تدور في الغرفه وهي ترقص:وا ا ا ا ا ا او ونا ا ا اسه
آ آ آه ياشماتتي فيك يادلالووه
ضحكت ريم:تصدقين نفسي أشوف وجهها ههههه
أمل:تصدقين للحين مانسيت شماتتها بسميه ربي ردلها اللي سوته في سوسو
ضحكت ريم:أيوه صح
*************
صحت لميس وتحس راسها مصدع ..أخذت لها شور..وهي تحت المويه تذكرت إنهاراح تكون زوجة رعد..
نزلت دموعها واختلطت بالمويه..
تذكرت نظرات رعد اللي كانت
كـــــره...إحتقـــار...حقــد...سخريـــه..
غمضت عيونها وكل كلمه قالها لها من شافته تتردد في راسها..
ليــــه رعد اللي تكره تشوفه نظراته أو تسمع حكيه اللي يسمها ...يصير زوجها..
**************
أم رعد بعصبيه:يعني كيف
أبورعد:اللي سمعتيه رعد بيتزوج لميس
أم رعد:ودلال إحنا خاطبين دلال
أبورعد عصب:مابقى إلا أزوج ولدي لهذي اللي لاتعرف الحيا ولا المستحا
أم رعد :مستحيل..إحنا خلاص حددنا الملكه وجهزنا لها بعد ثلاث أيام وعزمنا الناس كيف اللحين كل شئ ينتهي
أبورعد بعصبيه:وإنتي تحددي ولا تشاوري..ماحد قالك تتصرفي بدون إذني هذا زواج ولدي يعني كل شئ يتم برضاي أنا..وإذا ع الموعد والناس أوك مايتغير ويكون موعد ملكة رعد ع لميس
أم رعد:أنا شاورتك وإنت سكت يعني موافق
ناظرها بقهر:لا موموافق ..بس قلت اللحين ترجعي لعقلك وتعرفي إنك غلطانه دلال ماتصلح له
أم رعد:يعني كيف إيش أسوي ماقدر أقول لأختي إننا خلاص مانبغى بنتك ..موحلوه بحقها
أبورعد:إنتي اللي تصرفتي وسويتي اللي في راسك خلاص تصرفي وقولي لها
ناظرته بأمل:طيب يتزوجهم كلهم ياخذ دلال ولميس ..ولدي رجال ومايعيبه شئ ياخذهم..ولا أكسر بخاطر إختي وبنتها
ناظرها بغصب:بنت أخوي ماتصير ع ضره سامعه ..مستحيل فاهمه ..دقي ع أختك وتفاهمي معاها..ورعد ماياخذ غير لميس ..
طلع من عندها وأم رعد مصدومه وثايره داخلها ع لميس وماتدري كيف تقول لأختها.....
**************
وقفت بشهقه:إيـــــــــش
مستحيـــــــــل
أم عبدالله بقهر وعدم تصديق:هذا اللي صار
دلال الدنياتدورفيها..ضربات قلبها زادت..أحلامهاتلاشت موقادره تصدق..
صرخت ودموعها تنساب:شلو و و و و ون يعني..ر رعد مـ مارح آخذه...وملكتي وفستاني ..كيـــــــــف
كانت عيونهامفجوعه لفت ع أمها الجالسه تسمي ع بنتها اللي شكلها صاريخوف وصرخت وهي تأشرع اللا مكان:الحقيـــــــــره لميس بتا ا ا اخذه مني...مستحيـــــــــل..
رفعت عيونهالرشا الواقفه عندالباب وإيدها ع فمها تناظرإختها المنهاره وكأنهاتذكرت شئ:والقصر..وبيتي ..مارح يكون لي..لا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا ا
طاحت ع الكنبه منهاره ورشا ركضت لها وضمتها تهديها:خلاص ياقلبي اللي مايبيك لاتبينه..
دلال بانهيار:لا لا لا لا شلون ماأبيه...حرا ا ام هو يحبني يحبني كيف يتركني..كيـــــــــف
شهقت وهي تبعد عن حضن إختها:أنا بانيه كل أحلامي وحياتي معاه كيف يطيرمن يدي كذا كيـــــف...
قامت واقفه والشياطين فوق راسها وبعصبيه:سوتهـــــــــا الحقيره وأخذته مني أخذت كل شئ مني..أكرههـــــــــا ماراح أسمح لها تاخذه...لا ا ا ا ا أنا مخطوبه له شلون يخطبها ويتركني ليـــــــــش
والله لانتقـــــــــم منها والله لأخليها تندم وماتتهنى..والله لأخليه يرجع لي أنا..
بكت وهي تتوعد وتهدد إنها بتنتقم وترجع رعد لها لو يكون آخر شئ تسويه في حياتها...
******************
رنا بصدمه:مستحيل
أم رعد جلست ع الكنبه مقهوره:أبوك راح يزوجه لميس...ياويلي ع بنت أختي دلال تلاقينها منهاره أدري فيها تحب رعد..
رنا:معقوله دلال ماراح تاخذ رعد.....يمه دلال تحبه وتمووت فيه...كيف أبوي يسوي فيها كذا ..
ويزوجه لميس..
أم رعد:أكيد هي اللي رسمت ع أخوك لين خلت أبوك يزوجها له..أكيد موهذي بنت أمها...
زاد كرههم للميس وحقدهم..
**************
دخلت أمل لغرفة لميس:كلللللللللللللللللللللللللللللللللللووووو وووش
ريم:ههههههههه
ضمت لميس:ألف ألف مبروك ياميسو هذا أحسن خبر سمعته في حياتي
لميس بابتسامه باهته:الله يبارك فيك
أمل:آخيـــــــــرا إنكسر غرورك يادلالوه..آآخ بس لو أشوف شكلك وإنتي تسمعي الخبر
ضحكوا إلا لميس ساكته
أمل:متى الملكه
ريم:يوم الخميس
انصدمت لميس وماقدرت تحكي يعني باقي يومين بس وتصير له وتحت رحمته
***********
خبرخطوبة لميس ورعد انتشرت بسرعه ..البنات مره انبسطوا مع إنهم ماصدقوا بالأول لأنهم كانوا يعرفوا إن دلال مخطوبه لرعد قبل..
بس بالأخير فرحوا للميس وانكسار غرور وتكبر دلال..
أم عبدالله مقهوره وشالت بخاطرها ع إختها أم رعد وزعلت عليها...
************
هند:والله..وإنتي
لميس بغصه:أنا أكرهه ياهند
بكت لميس وهند عورها قلبها ع صاحبتها:طيب ليه ماقلتي لعمك انك موموافقه
لميس ببكا:‎I Can‎'t I Can‎'t tell him..هذا ولده...وهوماقصرمعاي بشئ...يعاملني مثل بنته وأكثر..ماأقدرأرفضه...إنتي ماشفتي كيف يحاكيني ..ماقدرت أكسرفرحته وأنسى اللي سواه علشاني ...
هند:خلاص لموس...إرحمي نفسك
لميس بين شهقاتها:I can‎'‎t...I can‎'t imagine my self with him after what he did to me‏ واللي راح يسويه...تخيلي ياهند..طعن في شرفي
هند انصدمت وماقدرت تقول شئ
إنتظرت لين تهدى وقالت بهدوء:حاولي تنسي كل شئ بينك وبينه وتحاولي تبدين حياتي جديده معاه..ولا تتعبي نفسك
لميس:ماقدر ياهند...I haaate him ‎..أكرهه..
هند:أنا جايتك اللحين..
سكرت منها وراحت لغرفة أخوها دخلت عنده:بدر
بدر رفع عيونه وإنصدم من شكلها ووقف:هند شفيك كنتي تبكين
هند:أبغاك توصلني للميس اللحين
بدر خاف لميس فيها شئ:شفيها...لميس فيهاشئ
نزلت راسها ماتبي تقول عن خطبت لميس مومتعوده تكذب عليه:لا مافيها شئ بس أنا أبي أروح لها
بدربشك:إنتي متأكده..أجل ليه كنتي تبكين
هند:متضايقه وأبي أروح لها
بدر شاف عيون هند كلهادموع وخاف إذا ضغط عليها تبكي وقال:أوك أنتظرك في السياره
******************
ريم:رعد بيتزوج لميس
رعد ركز ع ملامح فيصل اللي تفاجأ بالخبر
فيصل بدهشه:والله
عادل بفرحه:مبروك
رعد وعيون ع فيصل:الله يبارك فيك
فيصل من الدهشه نسى يبارك
ريم:فصول وين مبروك حق رعد
فيصل:ها...مبروك
رعد:الله يبارك فيك
فيصل:طيب ودلال مو إنت خاطبها
رعد :أنا ماخطبتها أمي خطبتها وأنا مابغيتها
عادل:بس إنت وافقت
رعد وقف:كنت مشغول بدراستي وعلطول وافقت ولا فكرت
وطلع من الصاله
رعد طلع وتفاجأ ببنت قدامه
أبعد عن طريقها علشان تدخل بس إستغرب من نظراتها الحاقده
لكن لماطلع شاف سيارة بدر وابتسم باستهزاء
***************
ضمت لميس اللي بكت لماشافت هند ...
هند:لميس خلاص اهدي موحلوه في حق ريم تدخل وتشوفك تبكي ترا مهماكان هذا أخوها
مسحت دموعها وأبعدت عن هند
دخلت ريم معاها الخدامه شايله صينية عصير وشافت وجه لميس وعرفت إنهاباكيه وتضايقت بس مابينت:ياهلا والله بهند
جلست عندهم والخدامه قدمت العصير وطلعت
باركت لها هند ع خطوبتهم وقالت بتخفف الجو:والله مومصدقه ميسو راح تتزوج قبلي لا لا لا مايصير أنا بكره بدور لي ع عريس
ريم ولميس:هههههههه
وقضوا الوقت سوالف وضحك محاوله في تحسين نفسية لميس
***********
دلال بغصه:إحلفي أحلفي يارنا إن رعد خاطب لميس
رنا حزنانه ع صاحبتها:والله
دلال بكت:بس أنا مخطوبه له كيف يخطبها ويتركني
رنا متفشله منها:والله هذا اللي صار حتى أنا انصدمت مثلك
دلال بحقد:والعقربه مبسوطه الله ياخذها
رنا:للحين ماشفتها جالسه بغرفتها ولابعد صاحبتهاعندها وضحكهم واصل عندي
دلال بقهر:رعد يبيها
رنا:ماأعتقد أبوي شكله غاصبه
دلال:ماني مصدقه اللي يصير
رنا:حتى أنا وأمي بعد ماتبغى هالزواج
دلال بأمل:طيب ليه ماتسوي شئ وترفض
رنا:ماتقدر أبوي خلاص قرر ولاتقدر تعارضه
دلال:طيب تحكي مع رعد وتحاول
رنا:والله ماتقدر حتى رعد مايقدر يرفض أمرابوي
دلال حقدت ع أبورعد وبكت من قلبها لماتسكرت الأبواب في وجهها وهي تتوعد...
**********
طلعوا رغد وريم لحفله ولميس مارضت تطلع وجلست في غرفتها..وأم رعد طلعت من البيت
رنا إتصلت ع دلال وطلبت منها تجي عندها لأن البيت خالي إلا من لميس وهذي فرصتها تنتقم
**********
رشا:لازم تشوفي رعد وتطلبي منه يتزوجك ومايتركك
دلال تلبس عباتها:بروح بس علشان أشوف العله وأنتقم منها
رشا:إيش بتسوي
دلال بحقد والانتقام يكبر في راسها:بتشوفين بخليها تندم إنها أخذت شئ لي
**********
في بيت أبوماجد
البنات جالسين في الصاله مع داليا
دخلت عليهم شهد تركض:بنا ا ا ا ا ا ا ا ا ا ا ا ات
سديم:شفيك
شهد:تمطر برى
شهقت سميه وفتحت الستاير:وا ا ا ا ا او مطر
سميه راحت لباب:أبي أطلع
سديم:تعالي إنتي تبغين تمرضي
سميه فتحت الباب:مارح أمرض
طلعت برى وشهد معاها وسديم قامت تشوف أمها اللي تناديها
داليا قامت للمطبخ وفتحت الثلاجه وطلعت المويه وصبت لها في كاسه
دخل للمطبخ وشاف داليا معطيته ظهرها ..
كان يظنها إخته سديم لأن شعر داليا مثل طول شعرسديم وقصته ونفس اللون بني مايل للأحمر
ابتسم بخبث لماشافها ماانتبهت له ومسكها من خصرها بحركه سريعه:بـــــــــو و و و و و و و
داليا فزعت وطاح الكاس من إيدها ع الأرض وتكسر
وتجمدت مكانها لما سمعت صوته وضحكته:هههههههه رديتها لك