حيا الله الطلة وحيا الله الرود ..... وحيا الله اللي لا حضر يحتويني
:
ياطلةٍ تبهج لها النفس وتجود ..... ياأعز وأغلى من نظرته بعيني
:
يابسمة الصبح الخجولة مع النود .... لا من بدأ نسناسها يعتريني
:
أشتاق فغيابك ولوصرت موجود.... أشتاق لك وأشتاق لك ياظنيني
:
اقرب من أشواقي ولا تكثر صدود .... الصد ماله حق بينك وبيني
:
انت مناي اللي له سنين مفقود .... واليوم صافحت الأمل باليميني
:
لا تنكر أني صرت متلهف بزود ... أخاف ينحاش الأمل من يديني
::::