السلام عليكم ورحمه الله وبركاته
انا عنديي اخت صغيره في صف رابع فيها مرض في شعرها
ودينها كل المستشفيات ودايم يقولون فيها صدفيه وصار كل جسمها وشعرها وانتشر
قدرنا نعالج جسمها لكن شعرها لازالت تعاني منه وقبل شهور اكتشفنا انه هذا ليس صدفيه وكل الادويه كانت غلط وهي فيها بكتريا مع فطريات مع بعض في شعرها مما جعل شعرها فيه فراغ في الوسط وصار شعرها مريض امي قصت شعرها بوي لانه مافي فايده منه اختي متاثره حيل وخاصه من المدرسه في البدايه مارضت تدوام تخاف يقولون عنها ولد وحلينا المشكله بشراء له قبعات والحمد لله حتى صرت احيانا البس مثلها عشان تتشجع ولكن بعد فتره انتشرت الشائعات عليها في المدرسه (ليش تلبس قبعات اكيد فيها قمل ) صارو اغلب البنات يتجنوبها على انه فيها قمل مع انه اختي مافيها شي ولله الحمد صارت تبكي كل يوم ونزل مستواها بسبه هذا الشي وطبعا هي ماقالت لي ولا شي ولا حكت لي وصل لي الخبر وانا في مدرستي جات لي بنت وقالت لي السالفه وسالت اختي وطلع صحيح والشي الثاني
انها ماتحب تروح العزايم والعروس لانهه دايم اذا رحنا اي مكان وش فيها وليش قصت شعرها واسئله حريم مالها داعي واختي ماتحب مثل هذي الاشياء صرنا مانقصر معها وبكل شي الي تبيه يوصل لها وحتى امي ماتخليها ترتب ومدلعتها على اخر شي معني ماوافق امي فهذا الشي فهي عندها عقل وتقدر تسوي كل شي .........
الحمد لله الحين امي صارت توديها المشفى وخذو لها ذاك الي يزرع الشعر