عسى قلبك مثل قلبي من أونـاس العنـاء ماجـور
بعـد صرنـا مــن أعــلام الـغـرام ومــن مشاهـيـره

لو يصبح شعوري لك علـى صفـق الهـوى منثـور
جمعـتـيـه بحـذافـيـره .. وأخـذتـيــه بـحـذافـيـره !

وأنـا مـدري علـيّ قصـور وإلاّ مـا عـلـيّ قـصـور
لـكـنّ الـحـب هـــاذي معطـيـاتـه لا كـثــر خـيــره

يـفـك الـبـاب للأحـبـاب ويـرمـي فالـظـلام الـنــور
تعبـنـا مــن خـطـايـاه ونشـبـنـا فـــي مـعـاذيـره

تواضعـنـا علـشـان الـغـلا .. مـيـر الـغــلا مـغــرور
كـبـر وأستكـبـر .. وبـيـنـي وبـيـنـك زاد تـقـديـره

تـذكّـرت الـكـلام الـلــي تقولـيـنـه بـــدون شـعــور
ونسيت أني حبيب ٍ مـا سكـن فـي مهجتـك غيـره

أجيك وخاطري يضحك .. وأروح وخاطري مكسور
وأنـا صبـري مثـل صبـره علـى كسـره وتجبيـره

أحـبـك والمـحـبّـه مـــا تـمــوت وبيـتـهـا مـعـمـور
تـزيــد وكـــل مـــا زادت ظـهــر لـلـحـب تـبـريــره >