هذه القصيده من احب القصائد الي اتمنا تنال اعجابكم
الشعر قيمه والمعانـي لهـا أحسـاس
يكفيك روحك ترتقـي فـي الخلايـق
شفت الليالي كيـف لاهـب نسنـاس
يطرب شعورك ينتعش قلـب ضايـق
كنـه عبيـر الـورد للوجـد لبـاس
قطر الندى دايم علـى الـورد لايـق
خذ من عبير الورد وعطر به النـاس
صور ملامـح لوحتـك فـي دقايـق
انقش على صدر الزمن بيت رسـاس
يتـم راسـخ مـا تـحـده عـوايـق
خلك حشيـم ٍ فـي معانيـك نبـراس
ادخـل مداخيـل الادب وانـت فايـق
خلك على هام السمـاء مثـل قرنـاس
فـي طلتـه هيبـه وللخيـر سـايـق
يا صاحبي قيس البشر وانت حسـاس
حذرك ترى بعض الصفايـح رقايـق
احيان تضرب كف في مضرب اخماس
احيان جوك فيـه الاحسـاس رايـق
يا صاحبي مابي مع الشـوق تحتـاس
ولا ودي انــك للمعـانـاه ذايــق
ما تغمض اهداب ٍ بها ضيم واتعـاس
ولا نام قلب ٍ بحـر موجـه غرايـق
السر خلـه داخـل الـروح غطـاس
ترى الحذر واجـب مـن كـل بايـق
يا صاحبي ما زلت للطيـب نومـاس
أسلك طريقك سهـل او كـان عايـق
ثوب البياض ما هو مثل ثوب الادناس
تظهر عيوب الثوب شمـس الحقايـق
منقول