نفسها تقوم تصفعها ...والبنات
عاد مشهد رومانسي قدامهم
أنواع التحمس..:يالله يالله لميس
وأزعجوها لين إبتسمت وهي
تشوف دلال بتنفجر غيظ..
سندت راسها ع صدره ومسكت
يده اللي لافها ع خصرها..
وصورتهم...
***
إنسحبت من عندهم لماشافت
الكل منشغل بالثنائي اللي قدامهم وصعدت فوق بسرعه
قبل ينتبه لها أحد...
فتحت الباب ودخلت..
إنصدمت أمل لماشافتها:رشا..
إبتسمت رشا وقالت:ليه
ماتوقعتي صح..
أمل:خير تبين شئ...
رشا وعيونها تدور في الغرفه:لا
بس جايه أوسع صدرك دامك جالسه لوحدك..
أمل:سوري أنا تعبانه وبنام
طاحت نظراتها رشا ع هدية طلال الفخمه اللي فوق التسريحه وداخلها طقم ذهب مرصع بألماس فخم...
إنقهرت وقالت:حلوه هديته...بس
أكيد طبعا ماتجي ربع فيصل وخسارته صح
أمل إنصدمت وظلت ساكته...
قربت رشا بخبث وقالت:قلت لك
لاتتحديني وهذا أنا فزت ..وإنتي
ماطلتيه..
أمل:شقصدك...
رشا وإيدها تلعب بخصل شعرها: إممم ياحرام فيصل
أكيد حس بالخيانه لأن حبيبته
خانت حبه وقبلت في غيره مثل إحساسك لماشفتيني معاه..
إنصدمت أمل وقالت:إنـ...إنتي شقاعده تقولين...
رشا:إممم المشهد الرومانسي
اللي شفتينا فيه...فيصل ماله يد
ولاذنب فيه...
توسعت عيونها بصدمه ودقات
قلبها وقفت وهي تسمع رشا:
وإنتي ياحلوه أكلتيه بسهوله...
يعني الخيانه مو منه ...منك إنتي
ضربت خدها بخفه وقالت:وأنا
شلتك من طريقه وصار فيصل
لي أنا وبس...ياحرم طلال
ضحكت وطلعت...
مستحيــــــــــــــــل...مستحيــــــــل يعني كيف..
فيصل بريئ ...
بس بعد إيش بعد ماصرت لغيره ...
شهقت بقوه ودموعها غرقت وجهها...
مومصدقه اللي سوته...آآآآهئ
طاحت ع الأرض تبكي بحرقه
ضيعــــــــت فيصل من يدها
ظلمتــــــــه...
************
دخلوا للبيت وراحت لغرفتها
بس وقفها رعد لمامسك يدها
ولفها له وإيدينه ع أكتافها:لميس
ممكن نتفاهم..
لميس:اللحين تبغى تتفاهم بعد إيش..
رعد:لميس أرجوك إسمعيني..
فكت إيديها عنها وهي تقول:مابي أسمعك...إنت ماسمعتني
لماكنت أترجاك تسمعني وترفض وتبغاني أسمعك...
لا عارف ليه لأني عارفه إيش بتقول نفس الكلام تقوله لما تخلص إهاناتك وتجريحك وللأسف ضربك ومن بكره ترجع لنفس الأسلوب...وأناماعندي أي إستعداد أتحمل
أكثر من كذا...
تركته ودخلت غرفتها...
رمى شماغه ع الكنبه وجلس وإيده تشد شعره بقهر...
*************
تمددت ع سريرها لما بدلت لبسها ولبست بيجامتها...
وعقلها معاه...مستحيل تسامحه
بهالسهوله ..جروحه للحين ملتهبه داخلها ...
ظلت عيونها متعلقه بالسقف
لساعات والنوم مجافيها...
سمعت صوت باب غرفتها ينفتح
غمضت عيونها بسرعه لماحست
بخطواته تقرب من السرير...و
حبست أنفاسها..
مرت دقايق ماتحرك من مكانه
حست بإيده تلامس خدها وتبعد
خصل شعرها عن وجهها..
تحركت تبغاه يطلع وفعلا
سمعت الباب يتسكر...فتحت عيونها وماشافته..
تنفست بقوه وحطت إيدها ع
خدها ..
دفنت وجهها بالمخده وغمضت
عيونها بقوه تطرده من تفكيرها
**************
نزلت تحت وشافت أمها جالسه
في الصاله..
جلست عندها وشافت رنا داخله
للصاله وشكلها دايخه وفيها نوم
أمس خالد ماخلاها تنام ماخذ
راحته لأن ماعنده دوام الصباح
وماسكر منها إلا 6:00 الفجر..
حاولت تسكر وتنام بس يهددها
إذا سكرت بيعجل بالزواج..
حالف بيطلع عيونها وغرورها
من عيونها...
أم رعد:خالتك حاكتني وبيحددوا
موعد الملكه بعد ثلاث أسابيع...
ريم إنصدمت:أي ملكه..
أم رعد:ملكتك ع عبدالله يعني
أي ملكه..
رنا تفاجأت:عبدالله
ريم قامت:يمه الله يخليك
مابغاه
أم رعد:أنا عطيتك خبر ولاتجادليني وخلصنا..
بكت وطلعت غرفتها...موغصب
ماتبغاه ياناس أحد يفهمها تكرهه ماتبغاه..
رفعت راسها لماشافت رقم
البندري ينور شاشة جوالها..
تذكرت بسام وزاد بكاها...
تذكرت لماطلعوا من بيت عمهم
في يوم الملكه شافته واقف مع
عيال عمها..
رمت جوالها ع الأرض بقهر
وبكت...
*********
كانت جالسه ع سريرها ...وتذكر
الموقف اللي صار لها مع رائد...
غطت وجهها بإحراج ...للحين تحس بالخجل لماتتذكر كيف كان
قريب منها...
رفعت راسها للباب اللي إنفتح
ودخلت منه سميه ووجهها متغير
وكأنها مصدومه من شئ..
سديم:سميه..
نزلت دموعها ومسكتها سديم
بخوف وجلستها:شفيك..صاير شئ...
سميه ودموعها ع خدها وكأنها مو مصدقه:ر..راكـ ـ ـ ـان...
سديم:شفيه..
سميه:خطبـ ـ ـ ـني ...
سديم:كيــــــــف...بس بس إنتي مخطوبه...
حركت راسها بلا وبكت :إنلغت..و..وأبوي بيزوجنـ ـ ـ ـني راكــــــــان
شهقت سديم بفرحه:إيــــــــش...واللــــــــه
ضمتها سميه تبكي ..مومصدقه
اللي صار...بتتزوج راكان بتاخذ
حلمها...
ماصدقت لما قال لها أبوها
إن صاحبه أبو خطيبها لمابغى يملك ولده عليها بيوم ملكة أمل...وقف راكان بوسط المجلس بإعتراض وقال إنه ولد
عمها وأولى فيها ...
وصاحبه ماقدر إلا إنه يعطيها له
وكان بيملك عليها بس مارضى
إلا بعلمها ...
بس إنها حليلــــــــه له...
****************

جالس ع كرسي مكتبه ويحس
الدنيا ضايقه فيه..وأنفاسه تختنق
..
فتح أزارير ثوبه العلويه وسند ظهره ع الكرسي...
ناظر في الأوراق اللي قدامه
والملفات اللي ع طرف مكتبه...
غمض عيونه بتعب..
وأخذ جواله ودق..
جاله صوت بسام:هلا فيصل
لامست أصابعه جبينه:هلابسام
وينك إنت اللحين..
بسام : أنا اللحين في طريقي للبيت
فيصل:طيب تقدر تمرني
في الشركه ...
بسام:أوك أنا جاي...
سكر بسام جواله وهو مستغرب
من حالة صاحبته...من ملكة بنت
عمه وهو ذابح نفسه بالشغل
لدرجة إنه ماصار يشوفه كثير
يمكن هذي طريقه علشان يقدر
ينساها أو حتى مايفكر فيها...
********
ناظرت في جوالها بتفكير..
خالد له يومين مادق عليها ولا
حتى أرسل لها مسج..
تنهدت بضيق ورمت نفسها ع السرير..
إيش فيني أفكر فيه ...وإذا مادق
مو أنا كنت ماأبغى أحاكيه وأكرهه...
يمكن لأني تعودت أسمع صوته
كل يوم...
أفففف...تأففت بضيق وقامت
أخذت جواله وفتحت مسجاته
..
غصب عنها إبتسمت لما تقراها
..
رفعت راسها..معقوله يكون تعبان علشان كذا مادق أو أرسل...لا لا إن شاءالله مافيه
شئ....يمكن إنشغل في المستشفى...
أففف يارب...رمت جوالها ع
السرير وقامت ونزلت تحت ما
شافت أحد..
طلعت في الحديقه وشافت ريم
جالسه وشكلها سرحانه...
راحت لها:هاي
التفتت لها ريم:هلا
جلست قدامها:شفيك سرحانه
ريم سكتت ووضح ع وجهها
الضيق وكأنها بتبكي...
رنا :عبدالله صح..
ريم همست:ماأبغاه وأمي مصره ...
رنا:طيب حاكي أبوي...
ريم:ماقدر أمي حالفه إذا عارضت أو قلت لأبوي بتتبرى مني وأنا مابغاها تزعل أو أسبب
مشاكل بين أمي وأبوي..
سكتت رنا ماتدري إيش تقول
أمها مصعبه كل شئ..
ورفض رعد لدلال صعب الموضوع أكثر...
ريم بابتسامه:إنتي كيفك مع خالد..
رنا:تمام..
ريم إنبسطت:قلتلك خالد طيب وحبوب وبتحبينه..
رنا:من قال إني حبيته...
ريم:أجل
رنا:مادري...المهم حاكيتي أمل
اليوم..
ريم:لا ليه
رنا :لا ولاشئ بس أسأل
سكتت كان نفسها تسألها إذا أمل قالت شئ خالد ...
***********
التفت يناظر فيه..من جلسوا
وهم هدوء...وساكت وعيونه مركزه ع أمواج البحر ...
بسام:فيصل...
فيصل:هلا...
بسام:شفيك ياخوي شايل الدنيا
ع راسك....
تنهد فيصل بضيق:قلبي صار مو
ملكي يابسام...راحت لغيري
بسام:هي اللي باعتك وإختارته
ليه تعذب نفسك علشان خطاها
فيصل:أبي بس أعرف ليه
ليه وافقت عليه....ليه خانتني
وهي عارفه إني أحبها...
كلماتذكرت اليوم اللي إعترفت فيه بحبها لي...أحس إني بنجن
كيف تقول تحبني وتبيعني...
آآآه يارب
سكت بسام وتفكيره راح لريم
غمض عيونه بقوه لما إنعاد له
المشهد اللي هدم قلبه...
موقادر يلوم فيصل لأنه ذاق نفس اللي ذاقه وأشد ...
ظلوا ساكتين وكل واحد وداخله
صراعات حب كانت نهايتها
خيانه...
***********
ضمت أمها وهي تبكي..
أم خالدبفرحه:ألف مبروك يمه
والله فرحتي قلبي..
رفعت حاجبها أمل:وإنتي ليه تبكين..الحمدلله والشكر أول مره أشوف وحده تبكي لأنها
حامل...
أم خالد:خليها ع راحتها من فرحتها لماتتزوجين وتحملي بتحسين باللي تحسه
إنكتم وجهها أمل وتجمعت الدموع في عيونها وإنسحبت لغرفتها...
رهف:والله ماني مصدقه يمه
أم خالد:الحمدلله قولي الحمدلله...
رهف:وين أمل الدبه ماباركت
لي..
أم خالد:شكلها إستحت وراحت
غرفتها..
راحت رهف لغرفة أمل وفتحت
الباب وشافتها جالسه ع سريرها
وتبكي..
رحمتها كثير كانت عارفه بالله
تحس فيه...
قربت منها وقالت بمرح:عارفه
تبكين علشاني صح ..
إبتسمت أمل ورجعت تبكي..
ضمتها رهف:خلاص أمل..
أمل:والله موقادره أنساه آآهئ
ياليتني ماوافقت يارهف ياليت
رهف:هدي نفسك ياأمل مايجوز اللي قاعده تسوينه إنتي
اللحين ع ذمة غيره ..مايجوز تفكرين في غير طلال...
زاد بكاها أمل وشدت قبضة
إيدها ع بلوزة رهف بحرقه...
دخلت ساره للغرفه وإنصدمت
لماشافتهم...
وتضايقت كثير ع حال إختها
ساره:خلاص أمول حرام اللي
قاعده تسوينه في نفسك...
قامت أمل ودخلت تغسل وجهها
ماتبغى تخرب فرحة إختها...
ساره:مبروك رهوفه
رهف:الله يبارك فيك
طلعت أمل وبإيدها مناديل تمسح وجهها..
البنات ماحبوا يعلقوا ع شئ وكأن ماصار شئ...
رهف:خلصتي جهازك ترا مابقى
شئ ع زواجك
ساره:أيوه خلصت..
بدوا يتكلموا عن تجهيزات زواج
ساره والفساتين وغيره...وأمل
تحمست معاهم ..
***************
طلعت من المطبخ وبإيدها
كاس عصير وإيدها الثانيه الجوال تحاكي هند...
جلست ع الكنبه ..شافت رعد دخل وهي في الأيام اللي فاتت
كانت متجاهلته ولامعطيته وجه
جلس ع الكنبه..وهي تجاهلته
وهي تحاكي هند...
سكرت جوالها وقامت بتروح
غرفتها ولمامرت من عنده حست بيده مسكت معصم يدها:وين..
قالت من غيرماتطالعه:بروح
غرفتي
رعد:نفسي أعرف إيش فيها
غرفتك دائما جالسه فيها
قالت بسخريه:لاتخاف مافيها
رجال...
إنصدم من ردها وسحبها جنبه
وقال بعصبيه:لميس..
ماردت عليه ولفت وجههاعنه..
شد ع إيدها بقهر:لا عاد أسمعك تحكين هالحكي سامعه..
سحبت يدها من يده وقامت
رايحه لغرفتها...
***********
لبست فستانها الأسود النعوم
وعدلت شعرها الكيرلي ..
ودخلت أغراضها بالشنطه...
أخذت جوالها وناظرت فيه...
تأففت بضيق ودخلته بشطتها
خالد من زمان مادق عليها....
جلست تلبس صندلها العالي وهي تفكر...
قامت وأخذت شنطتها وعباتها
ونزلت تحت...
اليوم بيروحون بيت عمها وأكيد
بتشوفه هناك...
شافت فيصل داخل للبيت والتعب
واضح ع شكله...رمى السلام
ووقفته أمها:فيصل
فيصل.:هلا
أم رعد:اليوم بتروح بيت عمك
مو تقول مشغول..
فيصل بتعب:ماني رايح تعبان
وبنام..
وكمل طريقه....تأففت أمه بقهر
ولدها للحين موراضي ينساها
وذابح نفسه بالشغل علشان ما
يفكر فيها ولايروح بيت عمه...
نزلت ريم ونفسها براس خشمها
مالها خلق تشوف خالتها أم عبدالله وبناتها ...
لبست عباتها وأخذت شنطتها
وطلعت ....
*********
طلعت من غرفتها ولبست عباتها
وسكرتها ..
رفعت راسها وشافت رعد داخل
سلم ودخل غرفته ياخذ شور و
يلبس..
جلست تنتظره في الصاله ...
وفتحت التلفزيون ...
بعد دقايق سمعت صوت جواله
شافته طالع ويحكي في الجوال...
لابس ثوب أسود وغتره بيضا
إنهبلت ع شكله يجنن...أصلا الأسود عليه خبال...
طلعوا وركبوا السياره ...
شافت الطريق موطريق بيت عمها...
إستغربت وقالت:هذا موطريق
بيت عمي..
رعد:بمرخالتي بناخذها معانا
لميس إنفجعت دلال بتركب معاه بنفس السياره ولابعد مع
رعد:نعم طيب ليه ماأرسلت لها
واحد من السواقين..
رعد:هي دقت علي أنا...فشله
أرسل لها سواق وأنا رايح بنفس الطريق..
إنقهرت وبلعت لسانها لاتتهاوش
معاه الله يصبرها بس...
شافت دلال طالعه قبل أمها وتمشي بغنج ودلع ..فتحت باب
السياره اللي خلف رعد وقالت
بدلع:السلام عليكم..
دخلت ريحة عطرها قبلهاو ركبت وقالت بنفس الدلع والميوعه:كيفك رعد...
رد عليها رعد :بخير
ركبت رشا وأم عبدالله..
وقالت دلال بنفس الدلع :سوري
رعد تعبناك معانا..بس عبدالله
إنشغل وماقدر يجي وأبوي مثل
مانت عارف مسافر....
لميس نفسها تخنقها وتطلع الدلع من عيونها..اللحين إيش دخلها تحكي المفروض أمها
اللي تحكي وذي تبلع لسانها...
مدت يدها لميس بتاخذ منديل
وإنصدمت لما لمحت دلال متغطيه بغطا شفاف وألوان مكياجها الصارخ واضحه والإبتسامه شاقه حلقها..وعيونها شوي تلصق برعد من
كثر ماهي مبحلقه فيه من المرايه...
مسكت أعصابها اللي شوي تنفلت...
وهي تسمع أم عبدالله تسولف
ع رعد وطبعا كل السالفه عن
بنتها دلال اللي تحس إنهابتموت
من كثرماهي تغتصب الدلع...
ومقهوره من رعد اللي يسولف
معاهم ..المفروض يسكت وما
يرد ع هالدلال...
شافت دلال تفتح غطاها وترجع تزينه ويعني أنا محتره
وكل شوي تطلع في المرايه وتدخلها تشوف مكياجها....
قالت لميس :رعد حبيبي قصر
ع المكيف برد علي..
لعانه في دلال خل مكياجها
يسيح ويحوس خشتها اللي فرحانه فيها...
إنصدمت لمامسك رعد يدها
وكأنه صدقها يتحسسها وكانت بارده ...
دلال طلعت عيونها لما شافت
يد رعد حاضنه يد لميس...
وماتت قهر....
*************
دخلوا وكان في إستقبالهم ريم
وأمل ...
ضحكت أمل لماشافت وجه لميس الأحمر وشكلها معصبه:
أكيد دلالوه سوت شئ
كشرت لميس وهي تعدل شعرها وقالت لهم اللي صار
أمل:هالدلال هذي والله ماتستحي ومافي وجهها حيا
لميس بقهر:لا وأمها فرحانه
وتمدح في بنتها يعني يارعد
خذ بنتي..بس حامض ع بوزها
ياخذها..
ماتوا ضحك البنات ع شكل لميس المقهوره أول مره يشوفونها بهالشكل...
سميه:إخس يالغيوره من قلب
بعد
التفتوا البنات وشافوا سميه اللي
مانتبهوا لها...
ضحكوا البنات وسلموا عليها...
سلمت ع خالتها اللي رحبت فيها
وإنحرجت منها لماقالت لهاتجلس جنبها....جلست شوي
وراحت عندالبنات اللي كانوامبسوطين لماعرفت بخطبة سميه لراكان...
دخلت عليهم لابسه تنوره قصيره
جينز عليهابلوزه ورديه ورافعه
شعرها من قدام بطوق وردي
لمياء:الله ياشهد إيش الحلاوه
هذي..
إبتسمت شهد بغرور وقالت:أصلا أنا من زمان حلوه....
ضحكت لمياء:يمه منها ...
جلست جنب سديم وهي تعدل
تنورتها...
سديم:روحي إلعبي مع البنات
شهد:أصلا أنا كبرت خلاص سجلت بالمدرسه عيب ألعب
سديم:لوتشوفونهابنات محسره
بأمها وراكبه راسها ماتقص شعرها... كله علشان المدرسه
سميه:ع بالها مايدرس إلا اللي
شعره طويل...
أمل:هههههه ياحبيلها
سديم :ياعمري مي تبغى تقص
شعرها توها صغيره ع الشعر
الطويل...
شهد كشرت ماعجبها حكيهم
عنها وقامت...
***
واقفه عند المغاسل تغسل يديها ...
وشافت رشا دخلت ووقفت جنبها تغسل...
طنشتها ولاناظرتها...وكان نفسها
تقتلها وتشرب من دمها ع اللي
سوته....بس إيش الفايده...
رشا:كيفك مع طلال...
ماعطتها وجه ولا كأن أحد موجود وطلعت...
إبتسمت رشا مع إنها حست بقهر
لأنها طنشتها...بس يالله أهم شئ شالتها من طريقها وفازت
هي في النهايه....تنهدت ودها
تشوف فيصل من ذاك اليوم ما
شافته ...سمعت إنه ماحضر العزيمه وإنقهر يعني كل هذا
حزن ع فراقها...بس مصيره
ينسى ومافي طريقه غيري أنا...
طلعت ومرت من عند رنا اللي
كانت واقفه وسرحانه...سمعت
إن خالد مريض حتى إنه سلم
ع الرجال وجلس معاهم شوي
وصعد غرفته....
إنحرجت كثير من نفسها ...حتى
لوكان اللي بينهم المفروض داقه عليه تسأل عنه مو تطنش..
تأففت بضيق من تفكيرها...
ودخلت تجلس مع البنات...
دق جوالها ورفعته وشافت المتصل رعد يبغاها تطلع...
قامت وأخذت عباتها ...سمعت
أم عبدالله تقول:لميس قولي
لرعد يدخل بسلم عليه من زمان
ماشفته عاد مافيه أحد غريب
الله من الكذب يعني من جابها
غيره...بس تبغى ترز بنتها عنده...
ماقدرت تطنش لأنها قالت لها
بصوت عالي فدقت عليه رغم
عنها...
بعد دقايق دخل رعد ومعاه رائد وعادل...
سلموا ع جدتهم...والجده قعدت
تهوش ع رائد لأنها من زمان ما
شافته...
رائد بابتسامه:يايمه الله يهديك إنتي راعية طويله يعني لو بجيك ماراح أطلع إلا في نص الليل ...وأنا مثل مانتي عارفه وقتي ثمين...
رفعت العصا عليه:أيا قليل المروه هذا حتسي تقوله لجدك
يامن اللي مانب قايله...
ضحك رائد وباس راسها وهو
يبعد العصا عنها:أمزح معك يمه
وإلا إنتي أم الخير كله...
الجده:والله لو أنا موب نايمتن
هنا وإلا تسان سحبتك من كشتك
وأخذتك تقعد عندي...
رائد بضحكه:أجل فكن الله...
الجده:وشهو..
رائد:أقول الله يحييك يمه...
البنات ماسكين ضحكتهم ع هباله....وسميه لكزت سديم
بكتفها بهمس:هذي اللي مو هامها وإنتي شاقه هالإبتسامه
وعيونك مانزلت عنه...
سديم:أصلا مو لمه ...وش أبي
فيه...
سميه:والله مادري عنك
وطبعا لماخلصت من رائد
حولت ع عادل اللي واقف ومسوي نفسه برئ...
طلعوا بعد ما أكلوا لهم كم تهزيئه من جدتهم...
قامت دلال وإرتزت قدام رعد
والإبتسامه ع وجهها...
إنقهرت منها لميس وقامت
وجلست جنب رعد عناد فيها...
وهي تبتسم للبنات اللي مبسوطين يشوفون الحرب اللي
قدامهم...
أم عبدالله بقوة عين:إلا أقول
لميس إنتي ماحملتي للحين...
إنصعقت من سؤالها وسمعت
رعد يقول:لا خالتي...إدعيلنا
أم عبدالله بخباثه:أيوه بس لازم
تسوون كشوفات يمكن ماتجيب
عيال...
لميس مومصدقه جرأتها ولاقدام الكل وقالت
بقهر:تونا عرسان لاحقين ع
العيال
أم عبدالله:أي عرسان اللي مثلكم عنده واحد وإلا إثنين ...وإلا إنتي شكلك موناويه تخلينه
يشوف عياله...
ماسكه أعصابها اللي بتنفلت
والقهر يحرقها..هذي إيش دخلها
فيهم....
حست بيد رعد ع خصرها وقربها منه وهو يقول:إن شاءالله بس مثل ماقالت لميس
إحنا تونا ع العيال....ومتى ماأراد
الله مو مستعجلين...
إنقهرت من حركة رعد وقالت:
بس ياوليدي العيال زينة الحياة
ولازم يصير عندك ولد يحمل
إسمك وتفرح فيه أمك وأبوك...
لميس خلاص بتنفجر قالت باحتقار:هذا إنتي قلتي أمه وأبوه
يعني إنتي إيش حارك ...وهذا
شئ خاص فينا ماله داعي تدخلين نفسك فيه....
أم عبدالله إنصدمت ماتوقعت لميس ترد عليها....
حست إن رعد عصب من أسلوبها ..فكت يده وقامت ورمت
ع أم عبدالله نظره وطلعت..
دخلت للمطبخ وهي تحترق من
القهر...إيش دخلها فيهم يعني
غصب ياخذ بنتها ..إيش هالبجاحه هذي...أخذت كاسه مويه وشربتها كلها دفعه وحده
تبرد ع قلبها...
دخلت ريم تضحك:عارفه عيب
أضحك ع فشيلة خالتي...(وكملت بتريقه)وأم زوجي المستقبلي...بس تستاهل
سكتت لميس لماحست بالمراره في صوتها...رحمتها مره الله يعينها إذا هذي أم زوجها...
دخلوا البنات وكل وحده مقهور
من أم عبدالله ولقافتها...
أخذت لميس عباتها ولبستها وراحت تسلم ع جدتها وخالتها
وتطلع....
*****
طلعوا كلهم إلا أم رعد وبناتها
..
كانوا جالسين في الصاله لما
دخلت أمل مبوزه ومعاها
صينية العشا وقالت:يمه ولدك موراضي يآكل..
أم خالد:ليه..
أمل:يقول مالي نفس...
أم خالد التفت لرنا وقالت:يمكن
إذا أخذتها له رنا تنفتح نفسه..
رنا إنصعقت لماقالت لها تاخذها
له....وإنحرجت كثير ...بس أمها
قالت لها تروح عادي زوجها...
ريم وأمل بدت الإبتسامات اللي
قهرت رنا...
أخذتها وقلبها تحسه بيطلع من
مكانه...إيش هالإحراااااج...
راحت معاها أمل وأشرت لها
ع غرفته:هذيك غرفته..
رنا :تكفين تعالي معي
ضحكت أمل:لا حبيبتي روحي
إنتي ...بس هااا لاتتهورو..
شهقت رنا وكان نفسها تضربها
بالصينيه اللي معاه بس أمل قالت كلمتها وإنحاشت...
قربت من الباب ووجهها يحترق
إيش هالإحراج رايحه غرفته..
حطت الصينيه ع الطاوله وناظرت المرايه وعدلت شكلها
...
دقت الباب وأخذت الصينيه وإيدها ترتجف..لماسمعت صوته المبحوح....
فتحت الباب بصعوبه وقلبها يضرب ...ودخلت....
******************
دخلت للبيت وراحت لغرفتها و
هي تنزل عباتها ...
وقف رعد قدامها وقال:ماخلصت كلامي..
قالت بقهر:لا أمك كملت إهاناتك
وإهانات خالتك..
بعدت عنه ودخلت غرفتها..
رعد:لميس وبعدين معاك..
لفيت عليه وهي ترمي عباتها
ع السرير بقوه:وبعدين معاك
إنت...ليه تحملني غلط خالتك
هي اللي غلطت علي....تبغاني
أسمعها وأسكت..وهي كلما شافتني رمت علي كلمه كأني قاتله لها أحد...وإنت ماتصدق أحد يغلط تكمل عنه كفايه أمك
ماخلت شئ ماقالته..وكفايه جروحك اللي للحين ماانبرت...
غطت وجهها بإيديها وجلست ع
السرير تبكي...تعبت من كل شئ
ماحد خلاها في حالها حتى خالته....ماصدقت رعد يتحسن
معاها تجي خالته...
حست فيه يجلس جنبها وإيده تحوط كتفها:خلاص حبيبتي
إهدي لاتبكين ...
زاد بكاها لماسمعت كلمته....
تحبه وموقادره تنسى اللي سواه أصلا أهله مومعطينها فرصه تنسى...
ضمها وهي بعدت عنه ماتبغى
تضعف قدامه...
قامت ودخلت للحمام....
تنهد بضيق وطاحت نظراته ع صوره ع الكومدينه..
أخذها وطاحت نظراته ع رامي
..
إبتسم بسخريه لما تذكر غباءه
...
**************
نزلت تحت وشافت أبوها واقف
عند الشباك المطل ع الحديقه
ويفكر وإيده تتحرك بعصبيه...
مرام:يبه...
التفت لها:هلامرام...
قربت منه وقالت:شفيك يبه شكلك متضايق...
تنهد بقهر وقال:خبر إختك إنتشر
في كل مكان وخايف يضر في
مركزي لأن الحكي كثر..
ضمت ذراع أبوها وقالت بدلع:يبه لاتقول إختك هي مو إختي
أنا بنتك الوحيده ودلوعتك..
مسح ع شعرها وإبتسم ورجع
يفكر...
قالت فجأه:زوجهـــــــا
التفت لها بدهشه:أزوجهـــــــا..
مرام:أيوه زوجها أي أحد من الشارع ولا تعرفنا ولا نعرفها...
أبومرام إبتسم:جبتيهـــــــا...
مرام:شفت كيف سهله..لاتضايق
نفسك علشان وحده تافهه
حطت إيدها ع فمها تكتم شهقتها وركضت لغرفتها....
صعد أبوها غرفته ..وتنهدت مرام بفرحه أخيرا لقت حل يبعد
تولين عن حياتها...
****************
شافته متمدد ع سريره عليه بيجامه سودا ومرجع راسه ع
ورى وإيده ع جبينه ومغمض عيونه...
تجمدت مكانها وتحس دقات قلبها وقفت لمافتح عيونه وبانت الصدمه ع وجهه لماشافها....
رنــــــــــــــــــــــــــــا....

شدت قبضتها ع الصينيه اللي حستها بتطيح من يدها...لماشافته قام وجا لها وهوللحين
متفاجأ....
نزلت راسها وهي تحس الدم اللي في راسها يحترق...لماأخذ
منها الصينيه وحطها ع الطاوله و
هو يناظرفيها مومصدق...
قالت بتبعد نظراته عنها والحروف يالله طلعت من فمها:
آ..كيفك..
إبتسم وقال وهو يمسك يدها:
أكيد بخير...والقمر قدامي...
سحبت يدها وقالت:سلامات ما
تشوف شر...
خالد:الشر مايجيك ياقلبي....
تعلقت نظراتها ع عيونه لحظات وماتسمع غير نبضات قلبها...سكتت ماتدري إيش تقول ..ناظرت في صينية العشا وقالت:
ليه مو راضي تاكل....
إبتسم وقال:راح آكل بس من يدك...
إنهبلت وماعطاها فرصه ...سحبها وجلسها جنبه...
إنحرجت مره وتحس الجو حار
وإنعدم الهوا حولها....
خلاها غصب تأكله وهي متضايقه من الوضع...
مومصدقه إنها قاعده جنبه وبغرفته وتأكله من يدها بعد
وهي اللي عمرها ماتنزلت وأكلت طفل تأكل خالد اللي سوت مناحه لما خطبها وإنغصبت عليه ولابعد تكرهه..
تركت الشوكه وقامت..مسك يدها وقال: ع وين..
فلتت يدها من يده بقهر وقالت:
بطلع ..
مشت للباب بتطلع ومسكها من
ذراعها:رنا شفيك..
فلتت ذراعها من يده وقالت:مافيني شئ..باي
طلعت من غرفته ونزلت تحت
بسرعه وصدمت في أمل اللي
كانت بتطيح:بسم الله...شفيك
رنا:ما..فيني شئ...أهلي طلعوا
إبتسمت:توني بروح أناديك...لأنهم ينتظرونك برى....آ...
قطعت حكيها لما مشت رنا بسرعه وهي تأشر بيدها:باي...
إستغربت وضحكت لما جا في بالها إن أخوها أكيد سوى لها شئ أحرجها وخلاها بهالشكل...
**************
صحت وتحس راسها مصدع
من البكا أمس...قامت ورجعت
جلست لماحست بدوار فظيع
وإيدها ع جبينها ....
لماحست فيه خف شوي قامت
وبدلت بيجامتها ولبست بنطلون
وبلوزه..لمت شعرها ذيل حصان..وطلعت من غرفتها..
شافت غرفة رعد مفتوحه ورعد
موموجود أكيد راح للشركه...
سوت لها كوب كوفي وجلست
تشربه وهي تفكر...
كان المفروض اليوم تروح لبيت
عمها...بس شكلها ماراح تروح
ماتبغى تتصادم مع أم رعد عقب اللي صار أمس...
نفسها تحكي مع ريم...بس أكيد
نايمه...
أخذت جوالها وفتحته لقت فيه مسج من هند ..
ضغطت إتصال وحاكتها...
تفاجأت بريم داخله ووجهها متغير...
سكرت من هند ووقفت:ريم..
جلست ريم:سوري جيت بدري
كذا بس ماقدرت أصبر..
لميس:لا عادي أصلا أنا كنت بدق عليك بس كنت أظنك نايمه
ريم تنهدت:لا مانمت أمس أبدا
لميس:ليه.سلامات فيك شئ..
ريم ودموعها غرقت عيونها:ملكتي الأسبوع الجاي...
لميس بدهشه:إيش..بس مو هي بعد ثلاث أسابيع..
ريم بقهر ودموعهاتساقطت:خالتي قالت لأمي إنهم يبغونها
الأسبوع الجاي...آآهئ
ضمتها لميس تهديها وقالت ريم
ببكا.:ماحد حاس فيني..أمي راكبه راسها موراضيه تسمعني...ماحد راضي يسمعني ويحس فيني..فيصل
حابس نفسه في غرفته أو بالشركه..ورنا من متى تسمع لي...حتى رعد اللي حاول يوقف
معاي أمي هددته إنهاتتبرى منه
إيش أسوي يالميس ...
تنهدت لميس بضيق هي ماتقدر
إلا إنهاتسمعها غير كذا ماتقدر..
لو علاقتها بأم رعد كويسه كان
تدخلت لكن الوضع غير...
**************
دخلت غرفة إختها وشافتها جالسه ترتب أغراضها في الشنط علشان تنقلها لبيتها...
حست بضيق لأن زواج إختها بعد
بكره..يعني بتجلس في البيت
لوحدها...
جلست قدامها ترتب معاها وتسولف معاها...
تفاجأت لماسألتها ساره:شخبارك مع طلال...
تذكرت إنها ماتدري عنه...حتى
إنه ماحاكاها ولامره...
قالت:مادري..
ساره:كيف موعارفه ..إنتي ماتحاكينه..
أمل:لا...ولاهو حاكاني..
ساره بدهشه:ولامره من بعد الملكه..
أمل:أيوه..
ساره إستغربت بس واضح ع
إختها إنها ماهتمت...
أمل بتغير الموضوع:متى راح تجيبي فستانك..
ساره:اليوم المغـــ...
قطع حكيها صوت جوال أمل
..
رفعت جوالها وتوسعت عيونها
بصدمه لماشافت المتصل...
أمل:ط..طلال
إبتسم ساره:بسرعه قومي ردي
عليه..
ترددت وقامت وهي ترد:آ..آلو
جاها صوته الهادي :مساء الخير
أمل بارتباك من صوته:مــ..مساءالنور..
طلال:كيفك أمل..
أمل وهي تجلس ع الكرسي وتحس بحرارة وجهها ترتفع:بخيرالحمدلله............
طلال:....وأنا بخير إذا تبغين تسألين
سكتت وودها تكفخه علشان
يعدل صوته...
طلال:سوري أمل..كان المفروض أتصل الأيام اللي
فاتت لكن حصلت لي سفره مفاجئه وإنشغلت...
أمل:لا عادي...
شافت ساره تأشر لها إنها بتنزل
تحت وراحت...
نزلت تحت وشافت أمها جالسه
مع رائد في الصاله...
رائد:ياهلا بالعروس
إبتسمت بحرج وجلست جنب أمها...
أم خالد:وين إختك...
ساره:فوق اللحين جايه...
رائد:إلا خللود وينه...
أم خالد:في المستشفى..
رائد:اليوم داوم وهو تعبان...
أم خالد:لا اليوم أحسن شوي
الحمدلله...
ساره:طبعا أحسن...مو المدام
كانت عنده أمس...
رائد إبتسم بتحمس:لاعاد...
ساره ضحكت :يوووه أنا إيش
خلاني أحكي عندك...اللحين إيش يفك خالد من لسانك...
رائد:آها وأنا أقول أمس أبو الشباب ماجلس مع الشباب ..طلع متواعد مع المدام...
ساره ضحكت:الله يعينك ياخالد
:السلام..
رائد:هلا بالعروس رقم 2
والله ماشاءالله خواتي تزوجوا
مره وحده ..
أم خالد:الله يوفقهم يارب...
رفع جواله اللي دق وكشر بضيق لما شاف المتصل فرح مايدري كيف جابت رقمه الجديد...
حطه ع الصامت ودخله في جيب بنطلونه...
ساره:رائد لاتنسى المغرب تاخذني للمشغل بجيب فستاني
رائد:إنا لله ياكثر مشاويرك...لا
بعد ماصدق أخلص منك إلا
تجي مشاوير إختك...
ساره:أخو ببلاش
ضحكت أمل لماناظرها رائد باستنكار :نعم
ساره بضحكه وهي تقوم:أمزح أمزح...
مسكت يد أمل وأخذتها معاها..
**************
:شرايك يمه..
قالت بابتسامه من تفكير بناتها:خلاص بيكون لك بس إن شاءالله مايكون مثل أخوه....
إنبسطت مره وأخذت التلفون ودقت رقم بيت خالتها...
أخذت أمها السماعه وحاكت
إختها..سولفت معاها شوي وقالت:إلا شخبار فيصل
تنهدت بضيق:والله مادري إيش
أقولك ياأم عبدالله....ماني عارفه كيف أتصرف معاه ...الولد بيذبح نفسه بالشغل وحبس نفسه بغرفته....
أم عبدالله بخبث:زوجيه...
أم رعد:أزوجه...
أم عبدالله:أيوه زوجيه ..وبينسى
بنت عمه ...
أم رعد بتفكير:والله مادري إذا
بيوافق أو لا...
أم عبدالله:هو أكيد ماراح يوافق
بس عاد إنتي إقنعيه وإلا إغصبيه...إذا تبغينه يتعدل ..ترى هذا هو الحل إذاتزوج بينساها
خصوصا إن البنت خلاص تزوجت وشافت حياتها...بيظل طول عمره جالس علشانها...
أم رعد:والله ياختي شورك وهداية الله....
سكرت منها وإبتسمت لبنتها:إقتنعت...
رشا بفرحه:واللـــــــه...