“وصرت أثنين..
أنا وآنا..
أخاف أبكي لحالي لك..
أخاف اشكي بحالك لي..
وصرت أثنين..
لجل لامن بكى واحد..
يجي الثاني كذا جاحد!
يجي ثابت بلا تخمين..
وصرت أثنين..
أنا وآنا..
الا يامضيعين الـوين
وصرت أثنين..
لجل لامن غزاك الشك
يجي الثاني كما الشاهد
لجل لامن نعس طرفه
سهر لك ليل
وصرت اثنين..
يباس وراضيٍ يضمى..
يَكَفّيني إِلا مِن مت
تجين وتورثين أثنين..
لأنك أنثى والأنثى لها حظٍ قبال أثنين..
كذا أضمن!
كذا والأسود لباسك..
وش الأغمق سوى هالأسود لـ باسك؟
لقيت أنك وسط ظلماك تكوني بالحزن أحلك..
وأكون الحي من أجلك!
إذا كان الحزن يتْعبك..
اجل بااااااموت لك بعدين
وصرت أثنين..
تعالي نجمع الأثنين بعتابك..
تعالي ناكلك حيَّه و: نغتابك
ونهدابك
مثل صبحٍ ترنح شوق
مثل غارق شُنق بالطوق..
ومروبه.. كثير أعداء..
بنوا من هالشماته ليل..
وهو في غرغرة شوقه
يموت وصوته المالح..
يردد: “كم أحبك حيل”
تعالي مثِّلي فيني
تعالي وأثملي فيني..
أنا ماقلت من أول؟
غريقك ما خشى يبتل.”