هونتها... لكنها عيت تهون
لاقلت راح الهم ألاقيه قدام
فيني ألم مامر بقلب مطعون
فيني حزن مامر بعيون أيتام
عاقل ولكن طحت في وقت مجنون
لاخوان في جنبي ولاحولي أعمام
واللي أبي عونه لقيته يبي العون
ولا ودّي أزيده على طعونه آلام
أصحاب أنا والهم أحباب ونمون
ماهي صداقة يوم هي عِشرة أعوام
والهم سجَّاني وأنا فيه مسجون
إن قام حظي طاح وإن طاح ماقام
تقول مافيه إنسان غيري بهالكون
حطمت في همي أنا كل الأرقام
والحزن في عيني له سنين مدفون
تتحقق الأحزان وتخيب الأحلام