السلام عليكم ورحمة الله وبركاته
أنا رجل عمري 36 سنه متزوج بامرأتين واخطط للزواج للمرة الثالثه بدون تطليق أي من زوجاتي
تزوجت للمره الاولى في عمر 18 سنه وزوجتي كان عمرها 16 سنه ، الزواج كان تحت اصرار كبير من الوالده واضطريت ان اوافق وفي بالي لو لم تعجبني اطلقها وانساها واتزوج غيرها على طول تزوجنا واستمرينا لله الحمد احبها وتحبني تطيعني وتدللني حاليا لي منها 4 بنات وولد واحد طبعا هي حملت من اول سنه
لكن جا اليوم اللي طفشت منها الصراحه طفشت من وجودها ووجها ومقابله العيال وحسيت اني شباب اقدر اتزوج الثانيه وليه مااتزوج فعرضت عليها الفكره وقلت لها انا الشرع حلل لي اتزوج 4 وهي المسكينه خضعت ووافقت حتى بدون لا تزعل وتعرف الاسباب مما اثار استغرابي الصراحه هذاك الوقت
المهم بعد زواج استمر 8 سنوات ومثل ماذكرت لي منها 4 ينات وولد الله يحفظهم تزوجت الثانيه خبرت امي وابوي بالموضوع وقلت لهم اني مليت من زوجتي لكن احبها بس مليت من وجهها خصوصا اشوف بنات حلوين وزوجتي ماكانت جميله الصراحه شكلها عادي ولاكان عندهم أي مانع
خصوصا اني مرتاح ماديا واقدر اوفر لها سكن(للثانيه) واني اعدل بينهم(الاولى والثانيه).
تزوجت بالثانيه عمري وقتها 26 سنه وتمنيت تكون بكر وصغيره وتوافق علي والحمدلله لقيت وحطت شروطها تكمل دراسه وبيت وتشتغل وانا طبعا وافقت تزوجنها وعمرها 20 سنه ,, وقتها زوجتي الاولى حسيت بزعلها لاني رفضت انها تكمل دراستها واجبرتها تجلس بالبيت كنت اشوفها مجروحه ولكن تمثل انها راضيه سعيده ولاتبين انها تغار منها
حاليا زوجتي الثانيه لي منها بنتين وولدين واهي حامل حاليا
المهم حدث ماكنت خشى حدوثه بعد زواجنا وحملها بدات اشعر بالملل منها ومن تصرفاتها وصرت اغلب وقتي عند الاولى واهي اشتكت علي اني ماعطيها حقها ولااطلعها وو عند ابوها طبعا تناقشت معاه ورجعت واعتذرت لها وصرت اعدل بينهم قد مااقدر بالليالي
المهم ياجماعه انا مليت منها ومن دوشه العيال حاولت اقنع نفسي اني اتخيل وفيني مشكله وماله داعي اتزوج مره ثالثه
بس الفكره بمخي مو قادر اطلعها ,, زوجاتي احبهم واحب عيالي لكن انا انسان ملول جدا
استشرتها وخبرتها اني افكر اخذ لثالثه جنت وقالت انت مجنون وانا مو مقصره يعني ياجماعه رد فعلها كان غير الاولى طبعا الاولى لما وصلها الخبر ماابدت أي مشاعر او شي ماهمها يعني
أما الثانيه زعلت وراحت بيت اهلها لكن قدرت اخليها ترجع واقنعتها انه من حقي اتزوج وقادر اعدل واصرف عليك وعلى عيالك
وافقت على مضض..
فاتحت اهلي بالموضوع واستنكروا
وقالوا لي لناس وش بتقول بتعرف ان فيك العله مو بزوجاتك
اقنعتهم ان من حقي اتزوج 4 مو 3 المهم وافقت امي بس قالت صعبه وحده توافق على متزوج وب2
وضحت لهم اني انسان ملللول امل وازهق من كل شي والصراحه زهقت من زوجاتي وابي اتزوج الثالثه لعل وعسى ارجع اوله عليهم
بالنهايه
انتم وش رايكم بقراري ؟
ماهي نظره المجتمع للرجل المعدد ؟
هل تتوقعون سببي مقنع ؟
هل تتوقعون عيالي ينظرون لي باشمئزاز على قراري بالمستقبل ؟
هل تعرفون احد عدد 3 مرات ؟
وشكرا