قصيدة خلف بن هذال في جدة
شفت جدة يابو متعب وش بلاها
شفت البيوت اللي تساوت بالثرا
شفت العجوز اللي تغطت عباها
شفت العذارى كيف ناموا بالعرا
شفت جدة كيف تروي ضماها
شفت الضعيف كيف ليله سرا
شفت البنيه يوم يتكشف غطاها
شفت دمعة طفل من هول اللي يرى
شفت من يطلب الفزعة ولا يدن لقاها
شفت من يسحبه سيلن وسط جدة جرا
شفت العروس اللي بكت ليلة رضاها
شفت اليتامى والارامل والفقارى بالقرى
شفت الصغيرة ذيك محدن معاها
شفت الطريح اللي تمدد على ظهره ورا
شفت الجثث راحت وربك خذاها
شفت صرح العلم وش اللي به جرا
شفت جامعة الملك عبد العزيز امسا ضحاها
شفت سقف المعرفة طاح فوق اللي قرا
شفت الجسور اللي تدمر حصاها
شفت الشوارع حالها كيف اهترا
شفت الامانة خانها منهو خذاها
شفت كيف المواطن يباع ويشترى
شفت ليش احسن شعوب حنا وراها
شفت ليه الدول بالثريا وحنا بالثرا
شفت جدة يا بو متعب وش بلاها
ياخوفي ان ابو متعب بالحقيقة مادرا
حسسبي اللهـ ونعم الوكيل على كل من خان الأمانهـ
تحياتي لكم ((عشووقهـ)):خجولة::خجولة::خجولة::خجولة: