06-12-15, 02:49 PM
|
#1 |
| عزيز نفس وعزتي مالها حد | | | | | | | | | | | | | | | | | | | | | | | | | | | | | | | 
وين انت يا حمدان امـك تناديـك ..
بعد ان تزوج حمدان طلبت زوجة حمدان من زوجها
ان يرمي امه في دار العجزة والمسنين
وفعلا استجاب لطلب زوجته
وايضا زيادة في العقوق جلس ثلاث سنوات لايزورها وهي في المصحه
كان يتصل على المصحه بين فترة واخرى
هل ام حمدان موجوده ؟؟ اذا قالوا له نعم اغلق الهاتف
فقط من اجل ان يتأكد انها لاتزال حيه ولم تمت
وعندما حانت وفاتها كتبت الام هذه القصـيده
وسلمتها للطبيب الذي يعالجها وطلبت منه ان يعطيها لابنها حمدان
واليكم القصيده
وين انت يا حمدان امـك تناديـك ..
وراك مـا تسمـع شكايـا وندايـا
يا مسندي قلبي على الدوم يطريـك ..
ما غبت عن عيني وطيفك سمايـا
هذي ثلاث سنين والعيـن تبكيـك ..
ما شفت زولك زايـر يـا ضنايـا
تذكر حياتي يـوم اشيلـك واداريك ..
والاعبـك دايـم وتمشـي ورايـا
ترقد على صوتي وحضني يدفيـك ..
ما غيرك احدٍ ساكن فـي حشايا
ولي مرضت اسهر بقربك واداريك ..
ما ذوق طعم النوم صبـح ومسايـا
ياما عطيتك من حنانـي وبعطيـك ..
تكبـر وتكبـر بالأمـل يـا منايـا
لكن خساره بعتني اليـوم وشفيـك ..
واخلصت للزوجه وانا لي شقايـا
انا ادري انها قاسيـه مـا تخليـك ..
قالت عجـوزك مـا ابيهـا معايـا
خليتني وسط المصحه وانا ارجيك ..
هذا جزا المعروف وهـذا جزايـا
يـا ليتنـي خدامـة بيـن اياديـك ..
من شان اشوفك كل يوم برضايـا
مشكور يا ولدي وتشكر مساعيـك ..
وادعـي لـك الله دايـم بالهدايـا
حمدان يا حمـدان امـك توصيـك ..
اخاف من تلحق تشـوف الوصايـا
اوصيت دكتور المصحه بيعطيـك ..
رسالتـي واحروفهـا مـن بكايـا
وان مت لا تبخل علـي بدعاويـك ..
واطلب لي الغفران وهـذا رجايـا
وامطر تراب القبر بدموع عينيـك ..
ما عـاد ينفعـك النـدم والنعايـا
بالفعل ماينفع الندم والنعايا حتى لو بكيت على قبرها دهرا
اللهم اجعلنا من الذين يبرون اهلهم في حياتهم وبعد مماتهم |
|
|
|