07-11-15, 03:15 AM
|
#1 |
| | | | | | | | | | | | | | | | | | | | | | | 
قصة لقى لكن / جاء بعدها فراق
size="5"] السلام عليكم
واسعد الله مساكم بكل خير
اليله بكتب لكم قصة حصلة لي العام في موسم الصقور
عن طير لقيته وليتني مالقيته
طلعت من البيت بعد الفجر على نفس المعتاد جولات في الساحل وحول اعمدة الكهرباء ساقتني الخطوه وطولت مشواري جهة منطقه جبليه في الطريق شفت لي طير وقفت جلست ادربل عليه هو مو هو قرب الا انه من الشواهين ومشيت على حداه وعين للخط وعين يمه مسافة ال 8 كيلو وهنا تغير الوضع درب مامن درب والطير مقفي
وقفت وارعيه لين غاب وقنعت منه ورجعت لديرتي واخذ فطور واولع شيشتي وافطر عاد طاقني جوع مير ماحسيت به وجالس اشيش واهوجس الا واحد من خوياني يرسل ويتنشد عن الجديد/size]وهو له في نضم الكسره
قلت له
والله ياطير ما منك
اجوز وارجع بلا مجهود
لكن ماحدني عنك
غير العظى والشعيب سنود
وكاني اخاطب الطير
قال . وهو اشرف الحربي
لاتجعل الحظ في ظنك
مقفي عن الواقع المشهود
قدرة من الله حدنك
لو كان دربه سهل ومهود
قلت له صح لسانك وقام يسال وين لقيته وكيف ابعد
عاد
في نفس الوقت ومع نفس السالفه
قلت
ضلى مع الجوء يبراني
يوم ان دربي سهل ممتد
لكنها النار تصلاني
من درب جالي عظى مشتد
قال
تصويركم وين وداني
كني على خطكم معتد
ياهل ترى شفت بالعاني ؟
يقرب بعد مالنظر يرتد ؟
قلت له
اقفى ولاتشوفه اعياني
والدرب كله حجر مصتد
وقفت من يآس حزناني
ماعاد ليه جدى واحتد
قال بمشاهد العين اذاني
محتال في النايفه يستد
ياليت خاتم سليماني
عندي واقول للجبل يهتد
وارتفع الكلام
واخر ماقلت فيه واختم بها هالقصه
اقول
لاتظن بعد المسافه طال
ولا اني عودت قنعاني
ياطير حره ومعها جبال
ماشوف لي درب مشاني
قصه ومشاركه بسيطه من اخوكم
فزعة بدوي
|
|
|
|