أنا وين ابلقى ياالأجاويد فاعل خير ..
.. حريصٍ على سرّ المحبّين لآأرسلته
أنا لو أبصبر عام مابان بي تأثير ..
.. وهالحين حتّى الصبر يومين مااحتملته
أنا مثل صقار تولّع بحبّ الطير ..
.. ولفّ قلبه فروخ الصواريم وهبّلته
تولعتّ في فرخٍ قضيبٍ يتلّ السير ..
.. أبي نظرةٍ من لفتة الحرّ وسبّلته
أجمع له سمان الهرج خوفٍ من التقصير ..
.. والا جيت ابشرح له كلامي تهيزلته
يجي خافقي هيبة. محبة. حياء. تقدير ..
.. أجي له وعندي هرج وأروح ماقلته
... ... ...
ـ قصيدة راقت لي / أتمنى تعجب كل من يقراها .. !!
</b></i>