لا حول ولا قوة إلا بالله

مشكلة زوجك ماهي غيره . خلينا نحط النقاط على الحروف .

هاذي التصرفات مالها دخل بالغيرة . إنتي بنت عاقلة وفاهمة سبب تصرفات زوجك .

يعني الحين لو قلتي السلام عليكم للدريشة راح يقول أغار؟

أسمحيلي أقول بكل حزم زوجك وضع حجر في طريق الود الزوجي اللي بينكم وإذا ما أماط الحجر عن الطريق راح يجي يوم ويصير الحجر سد .

أذكر قصة رجل يمنع زوجته من أقرب الناس لها وإذا راح الدوام يسكر الباب بالمفتاح وفي يوم من الأيام قالت له زوجته اسمحلي استقبل أختي في البيت .

فعلا أتت البنت ودخلت وطلع الزوج وسكر الباب ولما وصل السيارة اتصلت عليه وقالت : هذا أخوي جاي عندنا لابس عباءة . أنا لو بغيت أخونك ماراح تقدر تمنعني ولكن بغيت أخبرك أن شرفي يهمني وشرف أهلي أحفظه وشرفي من شرفك وما راح أفرط بشرفك فلو سمحت اللي تسويه ما يقبله إنسان محترم والحين القرار بيدك .

يا تطرد عنك الوساوس ونعيش الحلوه والمره بثقة يا هذا أخوي قدامك يقدر يعيشني العيشة اللي عشتها بكرامة عند أهلي.

الزوج قبل راس زوجته وقال عداكي العيب وانتهت القضية .

أعتقد وصلت الرسالة .