منتديات مسك الغلا | al2la.com - عرض مشاركة واحدة

**السهم الأخير** · 08-10-15, 08:49 AM

السلام عليكم ورحمة الله

أعرفكم على نفسي

أنا عالم الاحياء الجديد الدكتور سهوم :6ت7:

لما كنت بالصف الرابع الإبتدائي درسنا درس في العلوم عن الدم وأن بعض الزواحف دمها متغير الحرارة وتتحمل البرد

أخوكم ما صدق وقرر يجرب تجربة يمكن ترميه في غوانتنامو .

قرر العالم الكرواتي السهم الاخير أن يقوم بوضع ضفدع في الفريزر

أختي شافتني وقالت والله أخبر أبوي إنك تحط حشرات في الفريزر .

قلت لها أنا حطيتها في الفريزر اللي ماحد يحط فيها أكل ...فريزر قديم يعني

بعد ساعتين طلعت الكيس اللي فيه الضفدع وكانت شبه مجمدة أنا قلت فشلت التجربة ومات الضفدع والمدرس يخرف .

بعد شوي بدأ الثلج يذوب وتحرك الضفدع

يوم تحرك مسك العالم الكرواتي راسه كأنه ضيع بلانتي وقلت بكل لغات العالم

مستحيل
مش ممكن
وووو اتز أميزنج

تحرك الضفدع وقامت تنط

كان شعوري صراحه ما يوصف . كأني اخترعت قانون جديد

وقبل ما تكتمل فرحتي وألا أشوف أبوي جاي مثل القطار

أنا توقعت بياخذني بالحضن بعد الإكتشاف العلمي اللي سويته .

و يهفني كف على عيني خلاني

وبعد الكف سوالي كذا كم من حركة للتاديب

بكيت ولما شبعت رحت أطلع حرتي في الجاسوسه العواينيه اللي خبرت أبوي وأضربها هذاك الضرب لين عدلت مزاجي هههههههه

المهم أختي بعدها بتبكي للحين من أيام صف رابع

وأنا طلعت بنتيجة وهي :

إذا حطيت ضفدع فالثلاجة ......راح يجيك كف مجاني