وش ذا الاسلوب في التعبير عن المشكله
اللحين انتي ع بالك هذه مشكلة وتبين لها حل
اذا تبين لها حل عدلي من نفسك
من تصرفاتك
اهتمي بشكلك حبي نفسك مثل ماهي
انتي بسن 20 هذا السن اللي احسو البنت تبدا تهتم بنفسها
وشكلها

انتي اللحين تعتقدي ان سن العشرين خلاص المفروض يتركون لك الحريه
المطلقه في كل شيء تبينه الاكيد لا هذا سن حساس
انتي بعدك مانضجتي عقلياً بما يكفي
لتتخذي القرار الصائب في حياتك
وبنفس الوقت تحسي انك كبرتي ماعادك صغيره
ترا اهلك بعدهم ماحسو انك كبرتي
اثبتي لهم ذلك باسلوبك وحركاتك ووعيك

ترا مو كل الامهات والاباء يعرفون يتعاملون مع سن المراهقه
مو كلهم مثقفين وواعين اغلب اهالينا ماكملو دراسه
عشان كذا تحسي ان الموضوع صراع بينكم وان الكل ضدك
وماحيبك ومدققين ع تصرفاتك

لان مرحلة انتقالك من الطفوله لسن المراهقه سببت لك حساسيه
فاصبحتي اكثر تحسس
مع انك متعوده ع معايرتهم لك يعني اسلوبهم بعدو ماتغير ايش الجديد
اللي مضايقك لجل تلعنيهم بشكل علني وبكل ثقه
انتي بالفعل اسلوبك هذا يثبت انك استفزازيه واللي بدر من اخوكي
يوم رماكي بكل شيء يثبت ذلك
لو استخدمتي معه اسلوب ارقى بيستحي من حالو ماكان سوا كذا
انتي مبين متسرعه
خلاص ان الكل ضدي ان لازم افرض نفسي يعني
لا حياتي مو كذا
انتي كذا بتزيدي الوضع سؤ

في سن المراهقه يا بعدي
اذا حبيتي بالغتي في حبك واذا كرهتي بعد بالغتي في كرهك
مثل تحدثك الان عن اهلك من الواضح انك بالغتي
كيف تبينهم يفهمو انك كبرتي وانتي عقلك بعدو
نفس اسلوبك وانت اصغر

المفروض تخليهم يلاحظو انك انتي فعلا كبرتي اسلوبك يكون مختلف
واعقل من كذا

انتي اللحين اكيد في بالك كلمة واحده ما احد يفهمني
ليه كذا يعاملوني ماكني بنتهم

الا انتي بنتهم وفاهمينك

1- انتي لازم توثقين في نفسك تحبي شكلك ونحفك
ترا الكل يدور النحافه
واللحين اصبحو يدفعو فلوس لجل ينحفو
قولي الحمد لله لا محرومه بنظام رجيم
ولا تبين محل رياضه لجل تنحفين
نعمه من ربي قدريها

2- ابعدي عنك السلبيه
لاتقولي ان طفله بعينهم ليه لو تجيبي عيال بتبقين طفله في نظرهم
تأقلمي مع الوضع

اللحين كم عددكم في البيت
صعب نحط اللوم كله ع الاباء والامهات عليهم اشياء كثيره
تفاوتكم في الاعمار برضو يسبب ازدحام فكري عندهم
يعاملونك شيء والطفل شيء والكبير شي
وفي البيت بنات وشباب
والكل يبي مسئوليه
حرام انا عارفه ان هالشيء واجب عليهم
بس برضو واجب عليكم تصبرو

انتي جربي غيري اسلوبك كلامك ردة فعلك خليك مطيعه اكثر خليك ايجابيه ناحية
اية رد فعل يبدر منهم
اكسبي قلوبهم اكثر بحركاتك وعقليتك عودي نفيك ع الصبر هذا افضل وقت تعودين نفسك فيه
ع الصبر والتحمل
تخطي الحواجز هذه بالكلمات الطيبه

اذا بغت امك وابوك شيء قولي حاظر من عيوني ابشرو
مو تقول هاااااااااااا وش تبوووووووووووون تعبت انااااااااااا
كل شوي انا انا انا
تيب هم ماطلبو منك الا انك اقرب لهم
هذا مايكفي
مو شرط تعبر امك بحياتي وقلبي لجل تفهمي انها تحبك
هي من جابتك وهي تحبك ولو يصير فيك شيء اكيد بينفطر قلبها

انتو ي هذا الجيل الصبر عندكم معدوم الا كلمتكم تمشي ..

تكلمي مع امك في انعزال يومه غير تعاملك معي انا اكبر لا تزفيني قدام احد
هاوشيني بينك وبيني لاتهاوشيني قدام اخواني بذوق واسلوب حلو
صدقيني صارحيها بكل اللي في قلبك وراح تتغير وتنتبه لك اكثر

اما سالفة انو اخوانك يعايرونك هذه عادي في كل البيوت
واكيد انتي تعايرينهم بشيء مستحيل تكوني ماقد عايرتي احد فيهم

اما سالفة اهل غير لاتتوقعي انك اذا اهلك هذولا ماعجبوك بتحصلي
طبق ذهب صدقيني بتحصلي اطم منهم
احمدي ربك ان عندك اهل والله لو ربي ياخذهم لتبكين دم مو دمع

فعلا الانسان مايقدر النعمه اللي هو فيها الا بعد مايفقدها

لا طلعات لاسفريات لا وماسه
ترا مو شرط كل العالم تسافر ولا تطلع كلن ع حسب ظروفه يتأقلم
ولا سعة صدر اذا انتي ماعندك سعة صدر تبين يكون عندهم

انتي متحسسه بزياده
وسنك هذا في حالتين اما تصلحين من نفسك
او تنحرفين

هذا اللي معرضه له انتي واذا انحرفتي المجتمع كامل بيكون ضدك
كل اللي حولك كل الناس اللي راح تعرفيهم بيكونو ضدك

فحاولي انك تبنين نفسك وتعطي نفسك مساحه مختلفه وفكري قبل تتصرفي اي تصرف
اذا اهل راحو اللحين في لحظه وين بتعيشي ابي افهم
اقولك بدار الايتام
ولا احد بالكون يتمنى يعيش عيشتهم لاعيد ولاحياه عندهم لا اهل يسألو ولا شيء
ايش وقتها بتسوي
والله راح تفقدي كلمة هذه النحيفه ودج اخوانك وكل شيء بالبيت بتفقدينه

لا تتأثري بصحباتك في المدرسه والجامعه
وبكلامهم انتي ماعشتي معهم يمكن اهاليهم يعاملونهم اسؤ منك
بس مو كل الناس تتكلم
حاولي ماتخلطي بين حياتك وحياة الاخرين بمقارنات كذا بتتعبي انتي
محد بيتعب غيرك

وحتا احنا اذا جينا نخطب لواحد من الاهل اكيد بقول بخطب لك فلانه
والله ازين مني جسمها وصوتها وشكلها وكلو
اذم في نفسي ولا اذم ببنت الناس
يعني عادي اذا قالو مو مثل ذي يمكن امتن قصدهم شكلها غير مو معقوله خلقة البنات وحده
نختلف احنا لكل بنت ميزه

واكيد فيك حلاوه تميزك


الله يصلحك يارب