يَا هَلا يَا هَلا بالله ماأشتقتوا لحليمة بَولند !! عاد الآن حامل ,, يالله عسى تَقوم بالسلامة لآجل مانتفتقدها برمضان [ آدري مَهماً كرهها البَعض إلا أنه يَحب يَطلطل عليها ماأدري ليه ,, عآد أنا ما أكرهها تَسليني ] ,, المُهم آكيد كثير مَنكم يَقول بالله وَش سنعه هالمَوضوع فيه آحد مايعرف يَتحمم ؟ لا أكيد كُل الناس يَعرفون يَتحممون ,, بس للإستحمام طُقوس تفَرق فلان عن علان لأن بعدين نلقى مية سؤال مَثل : يوووه يا بنات ريحة عطري ما تثبت يوووه بنات في ناس ريحتهم نظافة يوووه بنات فيه ناس رَيحتهم صآبون إذا ليش صاروا هالنآس لهم ريحة مُميزة ؟ كلها مَرتبطة بالنظافة وَ تنسيق المُستحضرات إللي تتناسب مع بَعض سَوا لكن إستغربت من شيء ,, حتى الأجانب نفَس الشيء مابين هالقَوسين [ يَمي يمي فيه ناس ريحتهم كمفرت !! فيه نآس ريحتهم لينور ] OMG والله ما توقعت إن هالروايح مَرغوبة ,, سآعات لما نغسل بعض شراشف البيت ,, نغسلها بتايد الآهبل إللي عليه ريحة زهور مدري يآسمين , آنغث صراحة من هالريحة ,, تلقيني طَول الوقت أقول : يآ ربي ريحة بيتنا ريحة ناس مو ريحتنا [ آحسها ريحة مَخلوطه بموية تدخل الخياشيم <--------- حشى سَمكة ] بتَضحكون علي , أول ماطلع هالتآيد وهالأمور وَ قسم بالله تلقوني غايصة بعدة البر أدور التايد القديم , إلا ما أحصل بآكيت ولا باكيتين من التايد القديم .. أستخدمها وَ أنا بقمة فَرحي ,, يَمكن أنا مَتحسسة لآن مَعقولة كل العالم آجتمع على حبه شَرق وَ غرب .. عُموماً محداً يتحسس من هالشَغلات إلاآنا وَ أختي وَ أخوي الصغير بعد شَنو شَنو يآ جومرآه يب يب تعرفون هالصابون القآلب !! خاصة كآمي وَ لوكس لو وحدة سَلمت علي وَ ريحة يدها كذا ,, مابحبش أقول بنفسي شَكل توها خارجة من الحَمام وَ زينت شيء وَ جات تسلم علي كذا إنطباعي ما آئدرش ,, يآربي وَشكثر آعاني المُهم عَرفتوا ذَوقي عشان لا تتوهقون لو حبيتوا تستخدمون شيء على ذَوقي أنا حاسة شَمي قَوية لذلك مو شرط كل شيء يصير عندي فايح عشان آشمه المَوضوع مُخصص فقط لعدة الإستحمام من : السوبر ماركت يعني ما أبي آسمع رد أنا عن نفسي ما أحب إلا ذا بودي شوب وَ لا لوكسيتان وَ لا بوتس [ هالمُنتجات راح آفرد لها مَوضوع لحاله ,, وَ على دُفعتين بأعتقادي لأن عناية عن عَناية تَفرق ] ,, أبي شغلات ماتتجاوز 25 ريال تقريباً , بمتناول الجميع هالموَضوع آبيه للصغيرات بالعُمر ,, خاصة بنات 15 سنه وَ لطالع إن شاء الله عُمرك 100 سنة لكن كلنا نعرف إمكانيات المُراهقين بشكل عام وَ الكثير آهلهم مايسمحون لهم إلا يآخذون من السوبر ماركت آو الصيدلية أو حتى الشراء يكون من خلال وسيط ( الأب , الأخ , السوآق , الزوج ) .. للي ما يطلعون كثير من البَيت , فإن شاء الله من خلال هالمَوضوع ما يحتاج تتوهون خلاص بَحط لكم وَش موجود وَ ماعليكم سوى الطلب وَ التجربة ,, إن ناسبتكم خير وَ بركه ماناسبتكم , ذَوقكم مايناسب ذَوقي أو جسمكم غير عن جسمي ,, راح اخصص الموضوع فقط للشاور Shower ( الدش) بما انه الأسرع ، وَ الأفضل ، وان شاء الله راح افرد موضوع آخر لحمام الأسترخاءأو الـBath نبدأ الموضوع بمستحضرات الشاور من ثم راح أفصل التكنيك السليم للدش اليومي + منتجاتي الرخيصه من السوبر ماركت أو الصيدليات [ يعني فيه صَور خاصة أعرفكم ذا إللي يعجبكم تَقريباً ] أول وأهم منتج في طقوس الحمام هُو الصابون ( الحين الزمن تطور ماعاد فيه فقط صابون ) Soap Bar| الصابون القالب من أقدم أشكال المنظفات أو الصابون ، ولو تعرفون المكونات الأصليه في صناعته راح تستغربون .. كان يصنع من الرماد + الشحوم أو الزيت وَ اليهود أيام التطهير العرقي النازي أدعوا إن هتلر كان يصنع من أجسادهم الصابون ( طبعاً على أساس إن اليهود كانوا يحرقون في معتقلاتهم وهم أحياء ) طبعاً الحين تطورت الصناعه وَ صار فيه صابون معالج وَ مرطب ...... الخ . المهم من أسوأ أنواع الصابون ، لأن البكتيريا سهل تتكون على سطحه بما أنه مكشوف وَ دائماً معرض للبلل وَ ينتقل من يد ليد وَ تضطرين للمسه عشان تستخدمينه ، بالإضافه إلى إنه يشجع تكون البثور أو بالأصح يعبي البثور ... وَ راح أفصل فيه أكثر بتتمة موضوعنا . Shower Gel| جل الإستحمام غالباً يكون شفاف ، منعش ، مُمكن يجي تحت مسمى Body Wash غسول للجسم ، غالباً يكون غير دهني يناسب جميع أنواع البشره خاصه الدهنيه ، أحياناً يضاف له مواد مرطبه ، إحساسه منعش . Shower Cream | كريم إستحمام غالباً يحمل إسم سائل إستحمام مُرطب ، يجي شكله مثل الحليب ، أيضاً ممكن يحمل اسم حليب إستحمام Shower Milk من قوامه نعرف إنه مرطب ، يتناسب جداً مع البشره الجافه وَ شديدة الجفاف وَ الحساسه . Shower Oil| زيت إستحمام مو منتشر بكثره ، يتناسب ايضاً مع البشره الحساسه وَ الجافه ، أيضاً يتناسب جداً مع الحلاقه [ يعني البنات إللي يستخدمون الموس يفركون جسمهم فيه وَ بعدها يحلقون ] إلحَقوني ,, ما كُتب آعلاه مُهم تَرى يعني أقروه لا تَدورون الصَور م كمل موضوعي ليسا

]