08-19-15, 02:24 AM
|
#6 |
| | 
..
شي مهم بالمدرسةة وطدي علاقتك بالمعلمات , لا تقلي أدبك معاهم ولا تهينيهم ترا معهم بيت وعيال ومداومين ومكروفين عشان بس يوصلون لك معلومة ويفيدونك
احترميهم وكلميهم بأدب واحترام وخليك مركزة بالحصةة وبالشرح وشاركي معها , بتحبك وقتها ولو حبتك معلمة يا حظك عاد
ماراح ترضى عليك تنقصين حتى ..
..
ذاكري اول بأول , لو فيه اختبارات دورية لا تتحلطمي منها بالعكس ترا بتفيدك حيل وبتريحك بالنهائي
اكتبي ملخصات , خلي معك نوتةة صغيرة واكتبي المعلومات المهمة اللي تقولها المعلمة بالحصةة
ذاكري بتركيز وفهم لا تحفظين وبس , لو حسيتي بتعب او ارهاق تذكري حلمك وطموحك , تذكري انك انسانة ناجحة وذكية
تذكري انك قدها وتذكري انو تعب يومين يعطيك راحة سنين بعد التخرج! لا تستسلمين ولا تهملين أبداً أبداً ..
حطي هدف قدامكك , -إن شاء الله هالسنة بجيب 100% وبدخل التخصص اللي ابيه!-
اكتبي كلام ايجابي بنوتات صغيرة وعلقيها بدولابك , ع مكتبك , بشنطتك , صديقني هالشي يفيد وبيديك دافع معنوي كبير لمن تشوفيه!
..
وأخيراً وليس آخراً خلي ثقتك وأملك بربك كبير , توكلي عليه واسأليه التوفيق ليل نهار
ثقي بنفسك , لا تصغرين من قدراتك ! حطّي هدف وملّي روحكك أمل وحققي احلامك!
ترا المدرسه عالم جميل , متعب ومرهق بس له لذه وحلاوة , لا تهملي نفسك وأمشي قدام واضمني لنفسك مستقبل تحلمين فيه..
أهم شي اخلاقك , خليك بشوشة متسامحة وعفوية مع زميلاتك ومعلماتك , حافظي ع اذكارك ..
وإن شاء الله ربي يوفقنا كلنا بدراستنا ويحقق لنا طموحنا ويكتب لنا الخير  
-أحسني هذرت كثير -
..
|
|
|
|
|