** أتمنى كل شخص يكتب له موقف صار له مع الطردات هذي ..!

انا بذكر موقف بختصار حصل لي بسبب ممنوع دخول العوائل
اذكر مرة من المرات رحت مدينة ابها الجديدة قسم الملاهي والترفيه انا و ثلاثة شباب معي
طبعاً المنتزة ممنوع دخول الشباب وكمان الدخول بـ 10 ريال للفرد الواحد والعائلة الكبيرة بـ 25 ريال
المهم كنا نعلم بهذا الشيء من قبل
رحنا عند الكونتر الكاشير انا وزملائي عند الدخول وصلحنا تذاكر دخول ودفعنا الفلوس 40 ريال.
على بالنا حنا ووجيهنا ووالواحد فينا مكبر الصاروخ على راسة اننا بندخل مادام اعطونا تذاكر دخول
وجينا كل واحد يغمز لثاني فرحانين
المهم رحنا بعدها عند مكان البوابة حق الدخول وياليتنا مارحنا ـهههههههههههـ
شوتونا وعيو علينا ندخل
وجيت انا ووجهي قلت لهم طيب وش نسوي بالتذاكر قالو بلها بموية واشربها
حاولنا في الحراس بس مانفع الامر
وكمان طارت علينا 40 ريال بدون فايده
في الاخير اقترح علينا واحد من زملائي نبيع التذاكر لاي عايلة تبي تدخل
ودي وانتم شفتو اشكالنا عند البوابه كيف كنا نفشل وكل شوي نروح عند عايله ونقول لهم تشترون تذاكر دخول بسعر الجمله
يعني معاد بكرنا اهم شيء نبيع التذاكر الاربع اقل شيء بـ 10 ريال معاد يهم
في الاخير جاء رجل هو وعايلته وقلنا لهم تشترون تذاكر قال لا شكراً
قلت له عادي خذ التذاكر باللي ودك قال لا شكراً وانا خلاص طفيت من التعب
في الاخير قلت له مبروك عليك انت وعائلتك دخولكم اليوم المنتزة على حسابنا
واعطيته التذاكر بلاش حتى زملائي زعلو علي ب ماهمني كلها 40 ريال ماتفرق
بش اخذناها درس في الاخير .
------------------
طبعاً المكان الوحيد اللي انا شفته مكتوب عليه ممنوع دخول العوائل هو استديو الاغاني
ـههههههههههههههههههههههههـ

اشكرك عزيزي على هذا الموضوع الرائع

وياليت ماتضحكو كثير على قصتي