احب الصمت وجنونه
احب الصمت ..
وصمت الصمت وسكونه ..
وهذي فلسفة حبي .. وذا قلبي
.. أخاف أشكي .. وأسبب جرح ..
وأخاف أشكي .. وأكدر فرح
وأخاف اشرح .. ولا أوفي
ويضيع الحب .. ويضيع الشرح
....حروفي قاصره جداً
وانا قاصر بفن الطرح والإلقاء
أجر المبتداء..
وأنصب وأضم الياء
أنا خريج كلية أصول الحب
أعرف الجرح من نظره ..
وأعرف الطب
ولكن علتي التعبير
أحس أني صغير وجاهل
التعبير ..
والتفسير .. والتصوير .. والتخدير
وأحس أن الحروف أقزام ..
.....أمام الشوق والإلهام
.. وأشوف ان الكلام يضيع ..
مثل ذره بهالكون الوسيع
إذا شفت محبوبي ..
بعد عمري .. بعد قلبي ..بعد شوفي
ترى بالصمت آلاف اللغات تعيش ..
وبوسط اللغات .. حروف
تطير بلا جناح..
وتغرد والنظر يسمع ..
تقول لين الفجر يطلع
بلا تمثيل .. بلا تضليل
تترجم حالة الأحساس ..
بلا احساس
.. تغني انت اعز الناس ..
وأحب الناس .. وأغلى الناس
حديث الصمت ..
يازينه حديث الصمت
بين عيوني وعيونك ..
وبين فتوني وفتونك
يخلي نبضك الولهان ..
يسافر في شراييني
ويخلي قلبك الشفقان ..
بلا صوتك يناديني
.........حديث الصمت .. به تعلمت
أنا وشلون أعدك
مساحات العمر كله
وأسابق مستوى التفكير وأشله ..
وأفكك لغزك المدفون وأحله
لجل حبك انا نجم غدا ساطع
وفي حبك ابتمرد على الواقع
ابكتب ألف قاموس ..
يضم أول حروف اسمك
وبضع ألف ناقوس ..
يدق آخر حرف في اسمك
ترى علمي وكل العلم ..
قطره من بحر علمك
وترى عدلي وكل العدل ..
ثواني من زمن ظلمك
أنا ماأقول أحبك ..
قديمه قولة أحبك ..
يتيمه قولة أحبك ..
عقيمه قولة أحبك ..
سخيفه مالها معني ولا مضمون
سخيفه مثل شمعه ..
بشمس الكون
تعديت الهوي والحب
أنا في مرحلة حب .. ..
تفوق الحب
تفوق الوصف والتوصيف .. والتحريف ..
أنا حبي تعدي الحد ..
أنا جمره .. بعز الصيف ..
.. .. .. ماتت برد .. .. ..
اتمنى تعجبكم ~, محمد العنزي