الوقت قاسي وانت ياعبدالسلام
هندي وعمرك راح وسط المملكة
موظف ومسكين وتحب النظام
وماعندك الا*الددسن*اللي*تملكه
واهم حاجه فيك ماتاكل حرام
اللي*تحس ان فيه شبهه ، تتركه
يتيم وتصلي الفجر خلف الامام
وابوك مات بـ بورما في معركه
وان قلت كيف الحال؟ جاوبني : تمام
مرتاح في ذا المسلك*اللي*يسلكه
اقصى طموحه يوم فالبيت الحرام
يقضي بها فرضه ويقضي منسكه
وحنا نحب النوم ونحب الكلام
النفط خلانا قليلين بْركه
ماعندنا غير السوالف فالدوام
فلان مابه خير ، وفلان تنكه*
ماندري ان عيون ربي ما تنام
سبحانه*اللي*كل شي(ن) يدركه
قلوبنا اكبر منك يا بيض النعام
واخبارنا وافكارنا مستهلكه
نهتم فـالتجّـار كل الاهتمام*
اللي*تفرنك بالدراهم فرنكه
مانحترم من يستحق الاحترام
كلن يخاف من*الفقر*لا يفركه
لو*الفقر*يذبح*ذبح عبدالسلام
ماعنده*الا*الددسن*اللي*يملكه