السلام عليكم .... الله يمسيكم بالخير

موضوعي ونقاشي اليوم
عن فئة أتمنى من خلال ردودكم ومشاهدتكم للواقع انها تكون قليلة

من قلة الأدب و انعدام الوعي وربما يصل لحد العقوق

أن تكون / ي جالس بحضرة والديك

وانت للأسف ماسك جوالك تراسل على الواتس ولا تغرد بتويتر ولا على اليوتيوب

ما قدرت أمك ولا أبوك اللي قاعدين عندك

وتلقى بعض الناس أمه ولا أبوه يطلبونه حاجه ويصوتون له

ولا يجيب عليهم فتجي بخاطرهم ويتحجج ( والله ما سمعت )

معذور ياللي جالس تناقش قضايا الأمة

شوه الجاهلين وسائل التواصل حتى سماها بعض أولياء الأمور والأمهات ( وسائل التقاطع )

من المفترض أن الواحد منا يقدر والديه ولا ينشغل بأي شيء يشغله عنهم

وانا اول المخطئين الجاهلين لدرجة أذكر امي مره قالت لي ) خل جوالك بالسياره لا تنزله معك

حتى وإن ما صارحوك والديك بهذا الشيء لازم تعرف انهم يحسون فيها


فمآن الله