وعليكم السلام ورحمة الله وبركاته

يسعد الله صباحك اختي
العمر كله يارب

صحيح الاخوات نعمه رغم انهم في بعض الاوقات نقمه لكن ماندعي عليهم
الله يصلح صحباتك يارب
هذاهم متمللين من خواتهم وحاسدينك وانتي حاسدتهم ان عندهم اخوات
وهذا هو الحال نبي اللي موعندنا والناس تبي اللي عندنا
ولو عندك اخت كنتي ممكن هواش وياها ولا تتفقو ويمكن العكس
وهذه اقدار الله وكل قدر لنا خيره

وانتي ي بعدي لاتزعلي لان ماعندك اخوات هذاني عديني اختك الكبيره
آمريني عيوني لك وكل البنات هنا اعتبريهم اخواتك ..

تيب صحباتك كيف معك مافي واحده مقربه لك تحب لك الخير
تنبسط بوجودك تشكي لك همها وتشكين لها همك
انزين امك
بنات خالتك
اقاربك يعني

ترا الصديقات والله العظيم كنز لايقدر
صحيح حبيبتي مو كلهم بس اغلبهم والله قد الصداقه
انتي بعدك صغيره حياتي واكيد صديقاتك مثلك حبابات وقلوبهم طيبه
الناس لبعضها

كل شيء في هذه الحياه نفتقده نحس انه نعمه لكن ماندري بالفعل هو نعمه او لا
يعني صحيح الاخوات قريبات لبعض مهما دار الزمن مالهم الا بعض

بس والله مو اجاملك والله اعرف بنات بالفعل اخواتهم لعنه عليهم والله

وبعدين مو كل البنات يفضفضون مع اخواتهم دايم يلجئون لصديقاتهم
صح او لا حتا انا افضفض لصديقاتي مو دايم لخواتي
وانا ولله الحمد عندي اخوات بس اكبر واصغر
اوقات الواحد يبي لشخص من سنه يكون افهم
لان المواليد سبحان الله يتفقون علمياً حسب مواليدهم يكون تفكيرهم
اقرب لبعض

يعني افرحي ان عندك صديقات والله يسخر لك بالبنت اللي تكون صديقه
وتحسي انها اخت لم تلدها امك
والله يخاوي بينكم يارب

وهذاني قلت لك اذا تبين تفضفضين في يوم ما هذاني عندك اذا حابه
اعتبريني اختك وعيوني لك ولا يهمك

تقبلي ردي وعبق وردي
آسيرة حرف