السلام عليكم
هنا مجارآه شعريه
بالرغم انو لامست شي في داخلي
واحيت ذكرى إلا اني احببتها
جميله و موجعه
على ذكرياتٍ تحزن القلب قبل العين
سرى هاجسي وازريت لاقواه وارده
عسا العيد ياتي فيه من جيته عيدين
وجودي على عيدٍ معه عقب ذا المده
عبدالهادي قنيفذ
على الميت اللي عاد ذكره مع الحيين
شعور الحزين يباغته مثل ما وده
يازين الحزن لو ان وقعه وطعمه شين
على المحزم المليان في ساعة الشده
علي الدعيه
يابو سالم الله في ظروف الحياه يعين
و قضا الله للانسان ياتيه لا بده
لكن ما يخلي العوق وسط الفواد سنين
سوى فقد طيب راس و معربٍ جده
عبدالهادي قنيفذ
انا ماغلبني حزني الا من البيتين
ومن حزنك ومن قوها ضاقت العده
على معرب الجدين وامعرب الجدين
ياكم من حزينٍ هل دمعه على خده
علي الدعيه
انا ما جـبرني فـي مجاراتكم يـ اثنين
وصدري من اظروف الزمن واصلٍ حده
الّا شوف عودٍ تختفي ونته و تبين
أخذ نصف صحته الكبر والمرض ضده
ومدام أنعيد للعالم الباقين
ولا كل عيدٍ يعتبر عيد وانعده
سعيد ال هطيل
انا هاضني ربعاً تلاحوا على شطرين
يعدون صدمات الزمن وين ما وده
محابيل وقتاً كنها السيف ابوحدين
توهق غشيماً ما عرف مزحه و جده
فجعنا زمانٍ يفجع العالم السالين
يا كم واحدٍ جور الدهر واقفٍ ضده
وانا قبلهم صدري فراه الحزن نصفين
حزن والديني فالصدر ماخذٍ نده
ناصر بن سعيد الدهمه