ﺃﺑﻴﻚ ﻟﻮ ﻃﺎﻟﺖ ﺍﻷﻳﺎﻡ ﺗﺬﻛﺮﻧﻲ

ﻳﺎﻣﻨﺘﻬﻰ ﺍﻟﺬﻭﻕ ﻛﻠــــﻤﻨﻲ ﻭﺧﺒﺮﻧﻲ

ﻋﻦ ﺻﺤـــﺘﻚ ﻳﺎﺃﻋﺰ ﺍﻟﻨﺎﺱ ﻭﺃﻏـــﻼﻫﺎ

ﻭﻋﻦ ﺯﺍﻳﺪ ﺍﻟﺸــــﻮﻕ ﻃﻤﻨﻲ ﻭﺑﺸﺮﻧﻲ

ﻭﻋﻦ ﺍﻟﻤﺤــﺒﺔ ﺑﻘﻠــﺒﻚ ﻛﻴﻒ ﺩﻧﻴـﺎﻫﺎ

ﺣﻲ ﺍﻟﻠﻪ ﺍﻟﻠﻲ ﻣﻠﻚ ﺭﻭﺣــــﻲ ﻭﺳﻴﺮﻧﻲ

ﻋﻠﻰ ﺩﺭﻭﺏ ﺍﻟﻐـــﻼ ﻭﺍﻟﻨﻔــﺲ ﻳﺪﺭﺍﻫﺎ

ﻻﻧﺎﻣﻮﺍ ﺍﻟﻨﺎﺱ ﻃﻴﻔﻚ ﺟـﺎﺀ ﻳﺴﻬـﺮﻧﻲ

ﻭﻧﻔــﺴﻲ ﻋﻠﻰ ﺩﺭﺏ ﻭﺻﻠﻚ ﻃـﺎﺏ ﻣﺴﺮﺍﻫﺎ

ﺗﺪﺭﻱ ﻟﻮﺗﻐــــﻴﺐ ﺑﻐـﻴﺎﺑﻚ ﺗﺪﻣﺮﻧﻲ

ﻭﺗﺬﺑﻞ ﻣﺸﺎﻋــﺮ ﺑﻨﺒﻊ ﺍﻟﺤﺐ ﻣﻨﺸــﺎﻫﺎ

ﻭﺗﺪﺭﻱ ﻟﻮ ﺗﺮﻭﺡ ﻋﻦ ﻋﻴﻨﻲ ﻭﺗﻬﺠـﺮﻧﻲ

ﺗﺬﻧﺐ ﺑﻨﻔــﺲ ٍ ﺗﻌــﺒﺖ ﺃﺟﻤّّــﻊ ﺃﺷﻼﻫﺎ

ﻭﺗﺪﺭﻱ ﻋﻠﻰ ﻣﺮﻛﺐ ﺃﺣـــﻼﻣﻲ ﻣﺴﻔﺮﻧﻲ

ﺃﻋﺒﺮ ﺑﺤـــﻮﺭﻙ ﻭﻻﺍﺩﺭﻱ ﻭﻳﻦ ﻣﺮﺳـﺎﻫﺎ

ﻭﺗﺪﺭﻱ ﻭﺵ ﺍﻟﻠﻲ ﻋﻠﻰ ﻏﻴﺎﺑﻚ ﻣﺼﺒﺮﻧﻲ

ﻣﺤﺒــﺘﻚ ﻟﻲ ﺑﻜﻒ ﺍﻟﻌﻬـــﺪ ﺗﺮﻋــﺎﻫﺎ

ﺍﻟﻠﻪ ﻋﻠﻰ ﺣـــﺒﻚ ﺍﻟﺴـــﺎﻣﻲ ﻳﻘﺪﺭﻧﻲ

ﻭﺍﺭﺿﻲ ﻋﻴﻮﻧﻚ ﻣﻦ ﺃﻗﺼﺎﻫﺎ ﺇﻟﻰ ﺍﻗﺼﺎﻫﺎ

ﺍﻟﻮﻗـﺖ ﻏـــــﺪﺍﺭ ﻭﺍﻻﻳﺎﻡ ﺗﻘﻬﺮﻧﻲ


ﺣﺘﻰ ﺍﻟﻌـــﻴﻮﻥ ﺍﻟﻐـﻮﺍﻟﻲ ﺭﺧﺼﺖ ﻣﺎﻫﺎ

ﻭﻗﺘﻲ ﻗﺒﻞ ﺷﻮﻓﺘﻚ ﻗـــﺎﺳﻲ ﻭﻣﻨﻜﺮﻧﻲ

ﺃﺑﻨﻲ ﺻــﺮﻭﺡ ﺍﻷﻣــﻞ ﻭﻳﻬــﺪ ﻣﺒﻨﺎﻫﺎ

ﻣﺎﺍﺑﻴﻚ ﻳﺎﻏﺎﻳﺘﻲ ﺑﺎﻟﺤـــﺐ ﺗﺸﻜﺮﻧﻲ

ﺃﺑﻴﻚ ﺗﺮﻋﻰ ﻣﺸﺎﻋــــﺮ ﺻـــﺮﺕ ﻭﻳﺎﻫﺎ

ﻭﺍﺑﻴﻚ ﻓﻲ ﺣﻀﻨـﻚ ﺍﻟﺪﺍﻓــﻲ ﺗﺪﺛﺮﻧﻲ

ﻭﺗﺴﻤــﻊ ﺗﻨﺎﻫﻴﺪ ﻧﻔﺲٍٍ ﺿﺎﻕ ﻣﺠـــﺮﺍﻫﺎ


ﻭﺍﺫﺍ ﻏﺮﻗـــﺖ ﺑﻐـــﺮﺍﻣﻚ ﻻﺗﺪﻭﺭﻧﻲ

ﺃﺑﺤﺚ ﻋﻦ ﺍﻟﺮﻭﺡ ﻓﻲ ﺭﻭﺣـــﻚ ﻭﺗﻠﻘﺎﻫﺎ

ﻭﺍﺑﻴﻚ ﺗﺠﻤـــﻊ ﺷـﺘﺎﺗﻲ ﺛﻢ ﺗﻨﺜﺮﻧﻲ


ﻋﻠﻰ ﺭﺣــــﺎﺑﺔ ﻏﻼﻙ ﻭﻃـــﻴﺐ ﺳﻜﻨﺎﻫﺎ

ﺿﻤﺪ ﺟــﺮﻭﺣﻲ ﻭﺑﺎﻷﺷــﻮﺍﻕ ﻋﻤــﺮﻧﻲ

ﻋﻠﻰ ﻳﺪﻳﻨــﻚ ﺷﻔـﺎ ﺭﻭﺣـــﻲ ﻭﺳﻠﻮﺍﻫﺎ

ﻻﺗﺘﺮﻙ ﺍﻟﺠــﺮﺡ ﻟﻴﻦ ﺍﻟﻨﺰﻑ ﻳﻐﻤﺮﻧﻲ

ﺗﺮﻯ ﺍﻟﺠـﺮﻭﺡ ﺍﻥ ﺗﻤﺎﺩﺕ ﻳﺼﻌﺐ ﺍﺩﻭﺍﻫﺎ


ﻭﺃﺑﻴﻚ ﻟﻮ ﻃﺎﻟــﺖ ﺍﻷﻳﺎﻡ ﺗﺬﻛــﺮﻧﻲ

ﺣــﻼﺕ ﺍﻷﻳﺎﻡ ﻳﻮﻡ ﺗﻌـــﻴﺶ ﺫﻛــﺮﺍﻫﺎ

ﻣﺸﺎﻋــﺮﻱ ﻟﻚ ﻳﺎﻧﻮﺭ ﺍﻟﻌﻴﻦ ﺗﺠﺒﺮﻧﻲ

ﺃﻛﺘﺐ ﺑﻴﻮﺕ ﺍﻟﻘﺼـــﺎﻳﺪ ﻟﺠﻞ ﺗﻘـﺮﺍﻫﺎ



مما رآق لي