ميساء بغلط :لاتنسين انه ايااد صديق ولده تركي وفارس قالي كل شي
مايا :اياد صديق تركي ولد بوفيصل
ميساء حست انها قالت اياد :هــا
مايا نزلت راسها :عادي قولي لي كملي ايااد ماضي وانتهى
ميساء:ماعليه مايا سامحيني والله بالغلط
مايا دمعت عيونها بس امسكتهم :ههه يالله كملي هذا تركي وش قصته
ميساء تبغى تغير الموضووع :
فيصل اكبر واحد فيهم وحبوووب مــره
خالد مايعرفون عنه شي ابد لانه كل بالغرفه
تركي حنوون مــره ع خوانه وطيب واخلاق وكل شي
نايف نواف (توأم ) مشاغبين فوضه الله يعينك عليهم
مايا :تصدقي ماستغربت يوم قلتي لي انه تركي حنون وطيب وكل شي فيه
ميساء:ليش
مايا :لانه صديق اياد واكيييد زي بعض
ميساء :اهممم
ليساء :اووف ياميساء بمووت تدرين يوم السبت المعلمة القران راح تسمع لي
ميساء:بس انا سمعت
ليساء:لانك دووبه انا للحين موحافظه
ميساء:انتي هبله
ليساء:ليييه
ميساء:ماتبغيني اسمع لك
ليساء :اييوه صح هي ماتفرق بيني وبينك فكيتيني
ميساء:بــس ها مقابل
ليساء:مقابل شنو
ميساء:انا ماختبرت رياضيات وانتي ختبرتي يعني انتي ذاكرتي وانا لا وراح تختبري عني
ليساء:بـس فصلكم كريه
ميساء:انا الله يعني ع عريفتكم خايسة نفس
ليساء:اييه هدى من جد بفتك منها
مايا كانت طول الوقت سرحانه
في سيارة فارس
فارس:اقوول نمارق متى تبغين زواجنا
نمارق:براحتك مادري
فارس:الشقه الي اخذناها خلصت كل شي بس عندنا الصاله وغرفة النوم
نمارق:خلاص اذا خلصت كل شي
فارس:اوك والمهر بعد يومين راح يوصلك
نمارق ماعرفت شتقوول
ساره :فارث
فارس :هلا
ساره :ابي اثكريم
فارس:واذا ماعطيتك
ساره :مابي ابي اثكريم
فارس:ماحد قالك تجي معانه
ساره:ابي اثكريم
نمارق:سارونه حبيبتي اذا شتريتي اي سكريم راح يرووح الميك اب حقك
ساره :فارث يقوول مو حلو
نمارق :لاوالله ترى انا الي حطيت لها الميك اب
فارس:وانا اقوول من وين هذا الحلى ياساره
نمارق:لاوالله يوم اني قلت لك اني انا الي حطيته قلت لها حلو
اصلا ساره حلوه من دون مياج
فارس:ايه اصلا ساره احلى منك بكثير
نمارق:توك تعرف
ساره :لا نمالق احلى
نمارق:ياقلبي فديتك ياحياتي انتي
فارس:ول ول ول وش خليتي حق زوجك انتي
ساره :ههههههههههههههه
نمارق:وانا اقوول من وين متعلمه سوير هذا الكلام
ساره :اي بطني بطني
نمارق بخووف:ووش فيك ساره
ساره :بطني عورني
نمارق:حياتي ياساره وش منه وش اكلتي
ساره :ماكلت ثي ابي ثيتي (ماكلت شي ابي سيتي )
فارس:سيتي في البيت حبيبي الحين تروحين الزواج وتفرحين ورقصي ها
ساره تبكي :بطني عورني ابي ثيتي
نمارق:وش راح تسووي لك سيتي ياقلبي خلالاص الحين راح تطيبي
فارس:والله سارحتها هذي سيتي تحبها اكثر مني
نمارق:هههه
ساره خذت كيس من سياره وافتحتها :ووووووووووووووووووووووووووووووع
نمارق:يمه ساره
فارس:رجعت
نمارق:ايووووه
فارس ع طووول طلع الماي وعطى ساره
ساره ارتاحت يوم انها رجعت وشربت ماي
نمارق:سارونه حبيبتي طبتي ولا نوصلك المستشفى
ساره :لا ابي الووح العرث
فارس:هههه انتي حياتك والعرس ولا كانها مريضه
نمارق:كيفها تغير جو شووي
فارس:وش فيك كل واقفه مع ساره
نمارق:لاني احبها صح ساره
ساره :ايوه ثح
فارس:مالت عليكم واقفين ضدي بعد
نمارق وساره :هههههههههههههههههه
الكــل وصل العرس
فيصل في البيت
خالد:تكفى مالي خلق ارووح
فيصل :خالد ابووي يبغاك
خالد :مالي نفس انا غير غرفتي مابرووح محل
فيصل :طيب ماتبغى تشووف مايا زوجة ابووي
خالد:وليه اشوفها وبعد كم شهر راح تتطلق المسكينه
فيصل :ايه والله يعني خلاص ماتبغى ترووح
خالد :لا
فيصل :براحتك يالله بااي
خالد :باااي
يوم طلع فيصل
خالد رفع ايده لسماء :يارب وفق التوئم الي اخذتهم وفرحهم في حياتهم الحمد الله يارب
انك ابعدتني عن الشباب الضايعين الحمد الله لك يارب يارب ابغى اشووف وحده منهم
بــس تسامحني يارب انا حرمت روحي من زواج ابووي عشان عاقب نفسي يارب
عاقبني في دنيا ولا تعاقبني في الاخره يارب انا تعالجت من المخدرات لكي ترضى عني يالله
تركي تصل ع فيصل
تركي:هـا بشر جا معاك
فيصل:كــالعاده مو راضيه
تركي :ان الله وان اليه لاراجعون
فيصل :يالله الحين انا بوصل لكم
تركي:لاتنزل لانه برووح صالة الحريم
فيصل :لاتقوول بندخل
تركي:ايووه وش رايك يعني
فيصل :يالله
تركي:انت فرق بيت نواف ونايف الحين هم ميتين يبغون يدخلون
فيصل :مراهقين وش تسووي
تركي :هههه يالله هذا الحين راح نطلع
فيصل :خمس دقايق وتطلعون
تركي:تامر امر
فيصل سكر بوجهه اخوه :هههه
تركي :ياولد ابووي يعني رديتها لي
اياد:اهبل تكلم رووحك انت
تركي:ههه فيصل سكر تلفون بوجههي
اياد :تستاهل
بوفيصل:تركي
تركي:هلا يبه
اياد (هذا انت الي خذت القلب مني اه حرام عليك حسبي الله عليك )
بوفيصل يحتقر اياد :اقوول تركي وش صار مع اخوك خالد
تركي:يقووول فيصل انه موراضي
بوفيصل :ان الله من هذا الولد شيب راسي
ايااد:احسن له يقرا قران ويصلي ويتعبد وش له بالعرس
بوفيصل يكره اياد بس مايدري انه مايا تكره اكثر من مايكره هو اياد
بوفيصل راح ولا رد ع اياد
تركي:ماعليه اياد امسحها بوجههي
اياد :افا يالدبه كــذا تقوولي امسحهاا بوجههي خلك من هذا الكلام الفاضي
تركي:ههه يعني
اياد:تركي انا الحين برووح البيت تكفى ماوصيك عليها تراها خجوله كثير وحبووبه وطيبه
تركي:ابــشر تراها اختي
اياد :واثق فيك بس ابووك اخاف يمد ايده عليها
تركي:لا ياايااد دام راسي يشم الهوى مافي احد راح يضايقها
اياد :يالله عن اذنك
تركي:اذنك معاك
نواف:وين ايادو
اياد :برووح البيت
نايف :افا ياذا العلم ليه ماتدخل معانه تراها بنت عمك
اياد (هي بنت عمي وبس ) :ههه بنت عمي مو اختي بس نواف ونايف
نواف ونايف :هــلا
اياد:ماوصيكم ع بنت عمي ترى بس تقوولي انكم استهبلتو عليها بذبحكم
نواف:يعني غاليه عليك
اياد :حيييل بنت عمي مارضاها عليها
نايف :خسافه ماعندنا بنات عم قهر
نواف:ههه اكبر وحده عمرها 9 سنوات
اياد :احسن يالله بااي
نواف ونايف:بااي
اياد راح دورة المياه وانتم بكرامه وغسل وجهه وطاحت دموعه بقووه
وطلع وراح البيت
سيتي :وين ساره
اياد:ساره في البحرين يعني وينها
سيتي :مافي احد يجي
اياد:لا وسووي لي عشا واذا خلص قولي لي
سيتي :ان شاء الله اياد
صعد فووق وسيتي راحت المطبخ وطبخت ويوم خلصت البست جينز ضيق وبلوزه نصف كم
وتعطرت وحطت الكحل ورووج وراحت غرفة اياد وطقت الباب
اياد:هـا سيتي خلص
سيتي افتحت الباب ومشت بدلع :تفضل
اياد فتح عيونه عدل :...........
سيتي:ههههه
اياد موراضي يصدق انه الي قدامه خدامه
سيتي قربت منه
اياد بعصبيه :حطي الاكل ع الارض وطلعي براا ياحقيره
سيتي:ايااد انا يحبي انت
اياد بصراخ:حبك برص ان شاء الله طلعي برااا برااا
سيتي خافت وحطت الاكل ع الارض وطلعت
اياد مسك قلبه :اعوذ بالله من الشيطان رجيم 2
اياد وقف وراح جنب الاكل ويشوفه :ووووع الله يقرفك
اياد اخذ الاكل وطلع وراح المطبخ وشاف سيتي سرحانه
اياد:خذي اكلك مابيه
سيتي وقفت ورفعت روحها :ان شااء الله اياد
اياد احتقرها وطلع فووق قفل غرفته وطلع
سيتي بحقد:جين باابا اياد انا اوريك
اياد راح البحــر
(يـابحر كبرك عتيق وهمومي اكبر منك يابحر
يابحر اشكي لك عن ابوو صديقي خذ الي احبه
وتركتني وحييد اه يابحر وين لي ع بالي يجي ويرووح )
جاو بنتين حنبه :ويووو شوفي الي ع البحر رومنسي
:ياهبل شوفي كيف الحزن مالي عيونه
:تتوقعي يحب
:لاالي مثل هذولا ينحبون مايحبون
:يااااي بطيح من طولي انا
اياد زهق منهم :خــير خواتي تامرون ع شي
بدلع :اممم ايووه
اياد حرك حواجبه (خير تمون هذي) :نعم اختي
بدلع وتأشر عليه :ابيك
ايااد :وين اهلك
البنت خافت :وش لك بأهلي
اياد :لو ماتتحركي من هنا لا ارميك بالبحر اوك
خويتها :اعصابك يابابا وش قلنا
اياد :اكفي الشر ورووحو عني احسن لكم
البنات خافو وراحو
اياد :ااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااه
بغرفة العروسه
مايا وقفت:ايـــاد اياااد ايييااد
ميساء:وش فيك
مايا :اياد فيه شي اياد فيه شي
ليساء:سمي بسم الله ترى بوفيصل الحين بيدخل
مايا بثووب العرس:اياااد ايااد فيه شي انا متأكده اتصلو عليها تكفوون
وئام:تعوذي من الشيطان هذا بليس
مايا :لا انا ادري انه اياد في شي وئام تكفين اتصلي عليه
وئام:وش اقووله
مايا :لاتقولين له شي انا اكلمه
نمارق:تستهبلين
مايا دمعت عيونها :والله في شي
وئام :خلاص لاتبكين الحين راح اتصل عليه
نرمين:من جدك
وئام:شووفي مكياجها بيخترب
وئام اتصلت ع اياد
مايا :حطي ع سبيكر
وئام:ان شاء الله
اياد :الو
وئام:هــلا اياد
اياد:وئام
وئام مو عارفه شتقوول:ايووه اخبارك اياد
اياد:بخير اذا كانت مايا بخير
مايا :ايــــــــــــــــــــــــــــــــاد
ايــاد :مــــــايا
وئام عطت مايا تلفون وطلعو كلهم من الغرفه
مايا:اياد فيك شي
اياد:ليه تسألين
مايا بخجل:مادري حسيت انك فيك شي
اياد:تعبااااااااااااان يامايا
مايا :ليت التعب فيني ولا فيك
اياد:سلامتك من التعب الحين بتدخلي صح
مايا :ليت الموت يجي ياخذني قبل مادخل عليه
اياد:لاتقولين كــذا يالغاليه انتبهي ع نفسك
مايا :وانت بعد بحفظ الرحمان
اياد:......
مايا:......
اياد بتعب:يالله يالغلا عن اذنك
مايا بحزن:اذنك معاك يالغلا
اياد:الوداع
مايا :الوداع
وسكــر مايا مسحت دموعه :احبك والله احبك
اياد يناظر تلفون:احبك والله احبك
ميساء:خلصتي
مايا :الحين جنازتي
ميساء:لاتقولين كذا يالغلا موزين عليك
مايا وقفت:يالله
ميساء:ترى الشباب واقفين مع ابوهم يعني لاتخترعين اذا شفتيهم
مايا :هههه ان شالله
مايا وهي في الجـسر تمشي
اياد يـــبكــي بقوووه ودمووعه غطت ع الارض
والناس كلهم يناظرونه جا واحد من الشباب
:لو سمحتي ياخووي وقف وروح غسل وجهك
اياد يناظر فيه ويبكي اكثر
:الرجال الي مثلك مايبكي اصـبر
اياد:راحت خلالاص راحت
موعارف وش يسووي:خلاص ياخووي قووم معااي
اياد وقف:اعرف طريقي
:لالالا انت تبكي مستحيل اخليك تسوووق شووف وجهك عيونك حمرا
اياد:مشكوور الحين اتصل ع واحد من اهلي
:براحتك
اياد راح دورات المياه وغسل وجهه
مايا وصلت عند بوفصيل
بوفيصل يناظر فيها
نواف ونايف:يرقصووون
تركي موقادر يناظر فيها يحس انه يخون اياد
فيصل يناظره بعجب :باين عليها طيبه وغير عن كل البنات الله يحفظك من كل شر
بوفيصل قرب منها وسلم عليها
فيصل :يبه بووس راسها
بوفيصل :تخسي ابووس راس وحده بزره
تركي:هــذا من اوله يايبه
بوفيصل مسك ايدها
ورجعو البيت
وعند بيت نرمين
ساره :بطني اه بطني
نرمين :وش فيك
زياد:ساره حبيبتي فيك شي
ساره :ثيتي ابي ثيتي
نرمين :سيتي في البيت
ساره وقفت وراحت دورة المياه :ووووووووووووووووووع
نرمين :تدري انه نمارق بعد تقوول انه رجعت اليوم بالسياره
زياد :اكيد فيه شي
نرمين :يالله البس انا برووح اترووش ونوصلها المستشفى
زياد :لاتطولين
نرمين :ع سريع بس وانت غير ملابسها
زياد :اووك
نرمين دخلت الحمام وانتم بكرامه
وترووشت ع سريع بس مسحت الميك اب
وعند ليلى وبوزياد
بوزياد:لاياليلى الحين 50.000 ريال عند حسابك
ليلى :طيب حط كل فلس يعطيك فيه بوفيصل بشركه
بوزياد:نشوووف الحين انا تعبان برووح انام
ليلى :اووك حبيبي يالله بااي
بوزياد:باي
عند نرمين وزياد
ساره :مابي الوح المثتثفى وووع
نرمين :بس انتي تعبانه
ساره تبكي:مابي مثتثفى وووع وووع
نرمين:طيب خلالاص حبيبتي انتي نامي عشان تطيبي
ساره :انزين
نرمين:تبين كورنفلكس
ساره :لا
بـــــــــــــــعد شـــــــــهر من زواج مايا
مايا والعيال في صاله وبوفيصل بشغل