منتديات مسك الغلا | al2la.com - عرض مشاركة واحدة

**إحساس شاعر** · 10-04-15, 12:24 AM


	المشاركة الأصلية كتبت بواسطة المتمرد


	السلام عليكم


	المشاركة الأصلية كتبت بواسطة المتمرد


	هذي قصيده رد على فارس الحرف والكلمه اخوي احساس شاعر كنت اتمنى ان يكون فيه غيره يردون على القصيده لكن للاسف مافيه يمكن هذي القصيده يزعلون منها وتحرك قريحتهم ويكتبون ويحركون القسم شويات http://www.al2la.com/vb/t60539.html http://www.al2la.com/vb/t60586.html فانا اقول لخوي احساس يسلم لسانك صح من قلب ولســـــان ............... تعزف قصيدك عزف عيســــــى للاوتار ريشه وتفـــــــــــــرق غير عن كل فنان ............... لا دندنت تطرب بلا ســــــــــــابق انذار دام انفتح للشعر والقاف ميــــــــــــدان ............... يا احساس ما ينفع ولا فارس اعـــــــذار ليه شهر من يوم حطيت الاعـــــــــلان ............... وسويت فوق السطح لوحات وشـــعار ما جاني الا شخص يدعونه فلان ............... يطب في درب المهالك والاخطار والا البقيه ما يشوفون عمـــــــــــــيان ............... والا انهم شافوه وتغظ الابصــــــــــــــار ولا يحسبون المساله بس قيــــــــفان ............... الا لحقهم عار مايشــــــــــــــــبهه عار هذي مصـــــــــــــيبه غير وتهز الابدان ............... وتبقى لهم في صفـــــــحة العار تذكار خل العلوم الي في الظُلــــــــمه تبان ............... تبدي عليها الشـــمس وتشجع الانوار الي بناله بيت من دون سيـــــــــسان ............... عز الله انه ما يطـــــــــــــــــــول وينهار اثر البــــــــــــــــحر مافيه لولو ومرجان ............... ومافيه قوقاعه ولا فيه مــــــــــــــحار ولاني من الي صار ضايق وزعــــــلان ............... لكن قلبي من ورى غــــــــــــايته ثار هذا جـــــــــــــوابي عن ثلاثين ديوان ............... من تاجر ن يدعم بنوك ن وتــــــــــجار الي يجاريني في الشـــــــعر غلطان ............... يموت ما يبني على جــــــــداري جدار الصقر لو ما الله خلق فيه جنــــــحان ............... ما ينفعه ريشــــــــــه ومخلب ومنقار والداب لو ماله من الســــــم شريان ............... شا الفرق بين الداب والفيـــــل والفار والشعر اذا ماجاله اشــــــكال والوان ............... مثل الثياب الي بلا قيـــــــــــس وازرار ما دام فوق الخيل به سرج وعــــنان ............... خيالها يا القوم رجلـــــــــــــن دمه حار ما تقبل الا فارس يقود فرســـــــــان ............... يعسف رسنها عسف في كل مضـمار وسلامتكم

,

وعليكم السلام ورحمة الله وبركاته

حياك الله أخي المتمرد غايب الحول

..
لكن ما يميزك أنك تأتي بالمفاجآت ..

قصيدة رائعة وجزلة من شاعر جزل , وهي بلا شك تحمل الإثارة والتحدي . بيض الله وجهك

---
أما ما يتعلق ببقية الشعراء فإن اكتفاءهم بردي لا يعيبهم والقصيدة لها رد بقصيدة ليست بقصائد وأنت شاعر وتدرك ما أقصده ..
إلا في حالة أنها احتوت على قضية أو لغز لم يستوف في الرد ..

على كل حال : حيااك الله وانتظر الرد ولو أن القاف يلفظ أنفاسه ههههه

ملحوظة هامة : لكل الأعضاء// الأخ المتمرد يقصد الإثارة والتشويق والحماس وجميع ما تطرّق له لا يخرج عن إطار هذا النوع من الشعر وهو مقبول عند الشعراء ويجري بينهم التحدّي ومحاولة إفحام الخصم ...

يعطيك العافية وأهلاً بعودتك وإن شاء الله آخر الغيبات

انتظرني ..:eh_s(10):