يا دروب الزحام .. ياسرب الحمام
في ساحة صغيرة
يا عيون تراقب بين الزحام
أصوات تنادي : رحلات الذهاب ورحلات الإياب
يا شباك عن طريقه ما نشوف إلا جمادات
ماتستوعب المنظر في لحظتها
هاجس يوديها ذهاب
هاجس مابه إياب
هاجس يسرد روايات الغرام
وبعض المواقف حالها واقف
باقيه على وضعها
سماها هي سماها
وأرضها هي أرضها
تشابه في حالها
قصة رضيع ،،
بين زحمة بشر يضيع ..
يسرقه شخص وضيع ..
يشتري فيه ويبيع ..
ووصف حالها يطول
مهما نعيد ومهما نقول
هواجيسها تبحث عن
نقطة وصول ..
تحاول استيعاب المكان
وابدت الرحلة الطويلة
مابين عينها وجفنها
ودموع غربة مريره
أسيرة بدون قيود
مثل جيوش احلامها
جيوش بدون جنود
تسافر بأحلامها
ويوقظها رنين الساعة
وما غفت عينها
غير ساعة
وسافرت بأحلامها
تشوف يديه
تلوح من بعيد بأحلامها
وظنت أنها لحظة وداعه


. صمت المساء . 27 ـ 12 ـ 1436هـ