هو ليه تحفّر عن بلايــــــه بالاطعاس
هو ليه تذكّرني بماضي زمــــــــــاني
حبي طلاســـم لو اقوله على الناس
ما احد يصدق بالملا وش دهـــــــاني
يا ما رمني تالي الليل محــــــتـــاس
ويا ما اعرضني للبلا والمـحــــــــــاني
كم وحدة قالت تجيني بالادمـــــــاس
ومن دونهـا يالقرم ضرب وطـعـــــاني
وان كــــانـك ما وصلت ما تقبلك راس
تقعد مع الثانين وتفقد معــــــــــــاني
وان كانك الياقبلت يــا طيب الــساس
وما حست في داخلك خوف الجباني
هنا تنال الحـب واللي ما به بــــــاس
ومداعب الـخــــــــــلّان ولعب الغواني
مير الــبـلا الياقيل بالـباب بـــــــــلاس
والموت يا مشـــــــــكاي دونه ثوانــي
في لحظة ينـعـــــــاف حبك وتحـتاس
مع المصيبة للحـبيـبة عــــــــوانـــــي
تـدفــــــــع ثمن بلواك وتقـعد بلولاس
الياما يجيك الصبح بالديدحـــــــــاني
تقدر تخاطر مثلنا وتكسب المــــاس
والا على الجوال حـدد مكــــــــــانـي