هلا مشكلتي

اكيد الام لو يصير ولدها شايب
بيكون في نظرها صغير فحاولي تتعودي ع كذا وليه تتضايقي
من هالشيء والله احلا شيء لمن تكوني بعيونهم صغيره من حبهم لك واهتمامهم بك
لو انتي بنظرهم كبيره مادورو وراك ولا اهتمو بك ولا سألو عنك في الاساس

امك اللحين يومها انتي بنظرها صغيره
افقدتك الثقه في نفسك
انتي شكلك مو اجتماعيه اساسا
الاجتماعيه تعرف تفتح مواضيع مع الناس وتسولف معهم وتحاورهم وتعرف ترد
ولا تزعل ولا تتحسس ولا تدقق في كلام غيرها واثقه من نفسها وفي الكلام اللي تقوله
انت هادئه وهدوئك غلب عليك وشكلك تستحي كثير

مو معقوله فقدتي ذاتك من كونك صغيره في نظر امك

بصراحه امك معها حق وشوله تقولين لها انها افقدتكي الثقه بنفسك
هي شسوت من ذنب يومك صغيره بنظرها
للامانه 20 صغيره تعتبري مو معناته خرجتي من 18 هذا يثبت انك كبيره
الكبيره بعقلها مو بسنها

تأقلمي ع شيء واحد هو انك بعين امك لو تشيبي صغيره
وحاولي تثبتي لها انك كبيره بعقلك مو سنك
وهذا يظهر في تصرفاتك وحكمتك وتعاملك في ابسط الامور واصغر التفاصيل وشلون تحلينها
وشلون تتعاملين معها هذا الشيء الوحيد يثبت انك كبيره

مو اقول يمه شوفي هالمشكله انا حليتها لا خليها هي تشوف دون مايكون قصدك تنبيها
انتي قديره بهالشيء واكبر دليل تفكيرك في عرض هذه المشكله والبحث عن حل لها

------------------------
مشكلتك الثانيه

اختك اللحين عمرها 11 قليلة ادب بكل ماتحمله الكلمه زي ماتقولي
وانتي عمرك 20 رفعتي صوتك ع امك عادي جداً
انا فاهمه انك عصبتي وانقهرتي ليه تتجاهل كلامك وتاخذه من غيرك عشان كذا ردة فعلك
كانت عليها كذا بس لازم ماتعيدي هالشيء اذا حسيتي انك بتعصبي وصوتك يعلا انسحبي
لين تهدي وارجعي من جديد افتحي معها الموضوع

اختك صغيره بالفعل اش تبي تبي من يفهمها بدون هواش
من يسولف معها بدون تعقيد
تبي من يحتويها بعدها صغيره وتتأثر بصحباتها كثير
والصغير ملسووون بالمعتاد يعني لازم تأديب
بالصلاة ع النبي مهوب دبج يذكر ويأثر عليها بشكل سلبي
تفر منك وتبحث عن بديل وتزيد قلة ادبها
لو تفهميها زين وتحتوينها كأخت صغيره بالفعل صدقيني بتتغير معك وبتكسبيها بصفك
بيني لها حنانك مو تعصيبك وامانك مو تنفيرك

------------

مشكلتك الثالثه

ابااااااااااو اربع شهور ماتسولفو
متوسط عليها هذا بعدو صغير مايعرف الزعل
وش دعوه قاتله عليه احد
مو معقوله اربعه شهور
لا تاكلو مع بعض ولا تسولفو مع بعض وانتو في بيت واحد

اربعه شهوووور تسبب بينك وبين اخوك حاجز
وتنسي سبب مشكلتها !!

يعني قلك القزما يعني تكلم معك
قولي له انا سنفوره مزيونه ي عمود الكهرب
بيسكت ويبطل يقولها لك

تبيها بالمختصر انتي بالفعل فقدتي ذاتك ولازم تستعيديها اذا تتضايقي من كلمة قزما
وانا طويل وانتي قصيره ومن هالكلام هذا شيء مو حلو يعني انتي حبي نفسك بطولك
وشكلك وصفاتك واسلوبك وراح تنعكس محبتك لذاتك في عين الاخرين
يعني ليه تزعل من خلقة ربي

اذا انتي قزما ع قولته نهاية العالم
مو يقولو القصيره فاتنه اذا انتي البنت الفاتنه

ترا بالفعل مع الناس بتسمعي كلمات ثانيه المفروض ماتتحسسي
هذا الشيء بيأثر ع حياتك ونفسيتك
اذا اهلك واتضايقتي من كلماتهم الاغراب وش بتسوي تجلسي تبكي

مشكلتك يا مشكلتي اخوانك الكبار طلعو من البيت وانتي خلاص حطيتي ببالك انك الكبير
اسمعوني واحترموني ترا انا الكبيره
هم مايشوفو كذا لان في اكبر منك حتا لو طلعو من البيت يظلو هم الاكبر

الله يكون في عونك يارب هذه بدايه حلوه منك انك تحاولي تبحثي عن حل لمشكلاتك الصغيره
وانا متأكده انك بتكوني قد عمرك وتثبتي لهم انك كبيره بعقلك وراح تغيري اخوك واختك وحتا امك
الله يحفظكم لبعض ولايفرقكم عن بعض
ويصلحكم يارب


تقبلي ردي مع خالص احترامي
آسيرة حرف