أهاا يعني سببك هو : الخوف
وخوفك متركز على نقطتين [الحوادث و رفقاء السوء]
من ناحية تانية سبب قناعة عبدالعزيز القوية
أول شيء اتعلم القيادة وشايف نفسه مستعد للسواقة والحصول على سيارة
وخواله مؤيدين له
ترى هو زعلان منك ومهو مقتنع من رفضك لأنه شايف ما عندك سبب وجيه ومقنع
بينما الأسباب اللي في جانبه : عندك مآل كاف و خواله مؤيدين له و شايف نفسه مستعد و شايف نفسه محتاج لسيارة
حابب أقللك في طريقتين لحماية شخص عزيز
الطريقة الأولى : ابقاءه داخل محيطك عشان تحميه بنفسك وأسلحتك
الطريقة التانية : تسلحيه وتدربيه لين يصبح مستعد وتتركيه يحمي نفسه بأسلحته خارج محيطك
وأعني بالسلاح هو : سلاح العلم والمعرفة وغرس المبادئ والقيم والمفاهيم الصحيحة
نصيحتي لك :-
تعطيه شروط وتنصحيه بعدم الاحتكاك بأصحاب السوء وتجنب المخاطر والحوادث والمحافظة على شروطك
بيني له من حقك تفلها بالسيارة لكن مو بالطريقة الخاطئة [زي مثلا تفحط وتتحدى سباقات ..الخ]
بل تتمشى وتلفلف طالما ما تخالف قوانين المرور وشروطي اللي اشترطهم لك
وترى مافي مراهق وما يخطئ لكن من حقه يتعلم من خطأه
نحنا كأولياء أمور ومسؤولين عنهم نرشدهم ونعلمهم وبعدها يبقى الأمر بيد الله ثم باختيارهم
ترى الارشاد الصحيح وغرس المبادئ والقيم الصحيحة له دور كبير
وابنك في مرحلة يحتاج لارشاد ونصيحة من خواله واصحابه وابوه بالطريقة اللينة والرقيقة والمفهومة
وانتي تبيني له اهتمامك وخوفك من اختياره طرق ما ترضي عليهم
وتشرطي عليه بالاوقات اللي يقدر يطلع بالسيارة مثل : لمن يروح المدرسة او السوق او صلاة الجمعة ..الخ [بحسب ما تشوفيه مناسب لك وله]
قولي له : انت الحين صحيح مستعد للسواقة وكل شيء وأنا أثق فيك طالما انت حافظت على ثقتي بك ، وانت في مرحلة اختبار وسنك غير قانوني بعد
مثل ما أعرف حتى في سن الـ16 يعطوا تصريح للسواقة للي طوله مناسب ويعرف يسوق
فأظن مو صعب يحصل على تصريح سواقة لغاية ما يوصل 18
شفت نصيحة لأحد الاخوان بخصوص انواع السيارة [كشراء سيارة مستعملة لكن محترمة تليق بـ عبدالعزيز] ونصائح أخرى مفيدة لك
لا تنسي مثل ما قلت ما تقدري تجنبي شخص من الخطأ بإبعاده عنه بل بتسليحه ضد الخطأ
يعني بدل ما تحرميه يطلع مع اصحابه تعلميه النهج الصحيح وبعدها هو بنفسه يتجنب رفقاء السوء
أرجو إني أفدت بنصائحي
والله ولي التوفيق
في حفظ الرحمن