قاعد اتمشى ولفت نظري هالقسم
[ عالم ومملكة الرجل ]


ما ادري ليش أنبسطت يوم شفت قسم يهتم فينا


عاد ترى ابد مو نظرتي للقسم تبادل خبرات حول السراويل والفنايل نظرتي اكبر وآكشخ



المهم مالكم بطويله ..
بعد ما عصرت مخي طلعت بفكره تعبت وانا اطلعها


حنا يا الشباب أن جاتنا هداياء .. غير المنديل اللي من عامل المحطه
فأكيد أغلب ما يجينا بعد الساعه والكبك هو [ العطر ]


ومن طبعنا حنا يا الشباب .. مانشتري عطور وآجد لكن نزرف من آخوينا
فآلمسآله صايره خذ وهات .. تشتري عطر اليوم يزرفه خويك بكره .. بعد بكره تزرف انت ولد عمك .. بعد اسبوع ولد جاركم يزرفك ...
وتستمر آلحيــــآة



[ زرف يعني صادر وصادر يعني آخذ وكلاهم بمعنى سرق بآحترام ]




والمشكلة على كثر الآعين المتربصه بك كي تصادر عطرك ..
تلاقي نفسك من كثر ما صادرت انت
بسيارتك عطرين وبغرفتك مو اقل من ثلاثه .





الفكره متجدده


بآختصار


كل ما شريت عطر أو صادرت عطر
تعال اسدحه لنا هنا .. عشان نشوف شللنا المحترمه من يملكه ونصادره
آمزح آمزح عشان نشتريه


لكم المجــآل ..