كفو واحييتني وفـي نوعـك النوع
احـــلا كـــلام نسمعه مـا نــمـلّـه
لا والله الا ارتحت وارتاح لي كـوع
عقب السهر والنوح ودمع نــهـلّـه
يعجبني قــولك طوع والا بلا طوع
هـذا كـلام الـفـارس اللـــي نجلّه
يا ذخري كان الدنيا غدا بها جـوع
انــت الذرا وانــت الفخر وانـت كله
يا الحر الاشقر فزعتك اطيب فزوع
عز الـصـديـق الـيـعـتـزا فـيـك ظلّه
ما خاب ضني فيك يا عالي البوع
وشبرك طويـــل ما اقصره كل علّه
يا اللي رديت النوم والنوم ممنوع
الله يرد اللـــــــــــــي بقلبك محلّه
الغالي اللي همّه خــلا بك افجوع
وداره بــعــيــدة والــحـــــلا فيه دلّه