في عاملة شكلها اقرب للمغولي وجاهلة جدا وأحيانا تحس أنها طفله تحن عليها وما تأكل تظل بالأيام
من قلقي عليها اعمل لها بنفسي الأكل واطلب منها تأكله لكن للأسف ألاقي الأكل وانتم بكرامة في الزبالة
اسأل العاملة الثانية بتقول لي هذه (مجنون) بتنظيف بتسمع الكلام لكن تحير الشخص فيها وكل ما طلبها احد نلاقيها في دورت المياه والماء يهدر على ألفاضي وتظل بالساعة والساعتين كل يوم على هذا الحال .. وبديت أفتش ورآها لقيت شغلات عجيبة من ضمنها صور للشخصيات سعودية معروفة مقصوصة كأنهم دمى وادخل دورة مياه تبعها بعد ما اطمئن أنها بالمطبخ لقيت نصف الساند وش وانتم بكرامة بالكرسي طلعت للوالدة وخبرتها قالت ما عاد تصلح راح نسفرها خلال الشهر .. وتركنها كأن ما صاير شيء ..
.. في يوم الوالد والوالدة برا البيت جاتني العاملة الثانية تقول لي تعالي فلانة تصرخ في دورة المياه ولها كم ساعة جوا واضرب عليها الباب ماتفتح
ونزلت اركض وفي قلبي أقول سترك يارب اللهم أحفظنا وكان وقتها عيال أختي موجودين .. واسمعها تصارخ وتتكلم بصوت عالي فقلت هذه مش لحالها في دورة المياه.. وتجييني قوة من ربي وضرب الباب عليها مافتحت واستمريت اضرب وقررت اتصل على اخوي تو بتحرك بتصل عليه فتحت فلانه الباب وخرج شي اقرب لشكل الحيوان ابيض اقرب للدخان النار في الهواء سريع خارج من دورة المياه لغرفتها لمظلمة فجئه المكان كله صار ضباب لا أنا اقدر أناظر العاملة الثانية ولا هي تقدر تناظرني وعيال أختي بنفس وضعنا وكأننا دخلنا بحلم لكنه واقع نسمع أصوات بعضنا بقدرة قادر والله ما اعلم كيف تحول التلفاز لقناة المجد ويزول الضباب وأنا في ذهول ولاقيها تمشي وتاخذ وضعية المزهرية قربت منها
وأقول لها ليه ليه …. أنت مع شخص بدورة المياه قالت لا مافيه قلت ألا آنتِ كنتِ مع شيطان قالت لا انا اقرا سورة يّس قلت ماشاء الله و قرآن لا انتِ ما ينسكت على حالك اقسم بالله أن وجهها اقرب للفخار الصيني وتنظر لجزء من جسمي خفت حقيقة وصرت أتعوذ وحصن نفسي وهي تقول لي خلاص لدرجة والله تغرس يدها في وجها تقول خلاص مافي كلام رن التلفون فقلت لهم اقصد لعيال أختي إذا امي او فلانه قولوا لهم مشغولة ردت هي قالت المتصل مش اهلك ذهلت أكثر وارفع السماعة واسمع صوت رجل مش عربي يقول شوكة قريبة من هذه الكلمة وكل ما تعوذت بالله منه ومن شره يبعد الصوت ويرجع .. وأناظر الكاشف التلفون مافي رقم
اتصلت على أهلي وبلغتهم باللي حصل .. جاء الوالد وأخذها على جنب وتكلم معها ومن ثم أخذها للشرطة .. في الجزء الاخير من القصة ماذكرته لانه خاص .. يتبع ارض السحرة ..