الحب غلطه ، والتواصل اهانه
مافيه داعي للغلط والاهانات
الله عطااني قلب مثل الامانه
ما ورّده لدروب عوج(ن) مهينات
إن كان انا مخطي وعندي ادانه
قلها . ولا بشكي وجعـها بونات
لاكن مثلي عز عهده وصانه
وعاف سيره بالدروب المشينات
وقف مكانك حط قلبي مكانه
ماهو بلعبه في يدات الحسينات
مايحتمل غدر(ن) وذل وخيانه
ولا عاد يتحمّل جروح(ن) وطعنات
حطه بسوي له بنفسي صيانه
انا بنفسي لاجل ماشوف منات
ارجوك وخر عنه خله وشانه
ولا ترّسل له رسايل ورنات
الدرب هذا فيه شر ولعانه
وانا تمنى عيش هاني بجنات
الحب غلطه ، والتواصل اهانه
مافيه داعي للغلط والاهانات
صآلح بن الذيب الخليفي الهلالي