ما قلت لك أني أنا غيرعن أمس
وأحساسي فرحي ودنيتي صار مفقود
أعماني حبك أمشي وأتلمسك لمس
مير البلا مفقود وبقلبي موجود
أنا أشوفك غير يلي أنت متحس
وأمطار صيفك عندي أمطار ورود
لشتقتلك أحكي مع عطرك بهمس
يلا عسى ايامك افراح وسعود
مثل الوطن أغفر ولا اقول لك بس
كيف الوطن يحيى بلا شعب وجنود
عند العرب عيدين واعيادنا خمس
عيد الفرح والشوق والحب لك زود
لو جيت أفسر هالغلا أتحمس
أتخيلك بوسة تجي بين الخدود
من بوستك صعبة علي أتنفس
كأني طفل ضايع لحضن أمه يعود
الناس قامت وأنت بالقلب تجلس
ياساكن بعيني لك دموعي شهود
يابعد روحي ويابعد كل من حس
الناس تعرف أنك أنت الي مقصود
أسمع دفى حسك يالبيه وأنعس
وأشم أنفاسك معا كسرة العود
أدمنت حبك بالحشى داخل النفس
صاين غرامك والهوا وكل العهود